Vəfa Heydərli: "Milz bu məsələdə ABŞ-ın rəsmi mövqeyini ortaya qoyubsa, deməli, Ermənistan Vaşinqtonun ciddi qəzəbinə tuş gəlib"
Ermənistanda aprelin 2-də keçirilmiş parlament seçkiləri zamanı seçicilərin pulla ələ alınmasında əli olanların və seçki prosesinə əngəl yaradanların ABŞ hökumətinin maliyyələşdirdiyi və təşkil etdiyi tədbirlərdə iştirakına qadağa qoyulur. Bunu ABŞ-ın İrəvandakı səfiri Riçard Milz Ermənistan KİV-nə müsahibəsində deyib.
Səfir bildirib ki, seçkilər Ermənistanda "demokratiyanın inkişafı baxımından irəliyə addım" olsa da, onlar seçicilərin kütləvi ələ alınması, inzibati resurslardan istifadə halları qeydə alıblar. ABŞ Səfirliyinin qeydə aldığı bu faktlar digər beynəlxalq müşahidəçilərin qiymətləndirmələri ilə üst-üstə düşür. "Biz hökuməti bu faktların və məlumatların araşdırılmasına çağırmışıq", - diplomat deyib.
Xatırladaq ki, Ermənistanda seçicilərin pulla ələ alınmasından və inzibati resurslardan hakim Respublika Partiyası və partiyanın siyahısında olan oliqarxlar geniş istifadə edib. Seçicilərin ələ alınması halları o qədər geniş tətbiq olunub ki, bu seçkiləri oliqarxların pul kisələrinin yarışı da adlandırırlar. Doğrudur, ABŞ səfiri konkret adlar açıqlamayıb, lakin ABŞ-dan maliyyələşdirilən proqramlara və tədbirlərə iştirak qadağasının məhz seçki prosesinə inzibati təsir edən məmurlara və oliqarxlara yönələcəyi aydındır.
Bunu ABŞ-ın Ermənistana qeyri-rəsmi olsa da, sanksiya tətbiq etməsi kimi qiymətləndirə bilərikmi?
Politoloq Vəfa Heydərli qəzetimizə bildirdi ki, ABŞ-ın Ermənistandakı səfirinin verdiyi bəyanat çox ciddi mətləblərdən xəbər verir: "Ermənistanda keçirilən son seçkilərin total şəkildə saxtalaşdırıldığı danılmaz faktdır. Bunu Qərb dairələri, Ermənistan müxalifəti və ABŞ eyni anda ifadə edir. Adətən ABŞ seçkilərlə bağlı iradını bir bəyanatla bildirir və onun üstündən sükutla keçir. Burada isə situasiya fərqlidir. ABŞ və Qərb rəsmiləri seçkilərin pulla ələ alındığını bəyan edir. ABŞ-ın Ermənistandakı səfiri, faktiki olaraq, sanksiyaların ilkin işartısının anonsunu verib. Seçkilərin saxtalaşmasında əli olanlarla ABŞ-ın əlaqələri kəsməyə hazırlaşması "Maqnitski" siyahısına bənzər bir məsələdir. Çünki bəllidir ki, həmin prosesdə Sarkisyana yaxın olan adamlar iştirak edib və onlar böyük dövlət postlarında təmsil olunur. Səfir heç vaxt öz adından nəsə bəyan etmir. Milz bu məsələdə ABŞ-ın rəsmi mövqeyini ortaya qoyubsa, deməli, Ermənistan Vaşinqtonun ciddi qəzəbinə tuş gəlib".
Məhəmmədəli QƏRİBLİ
nması onun zəifliyini xarakterizə edir".