Abutalıb Səmədov: “Mən bunu Lavrovun çarəsizlik bəyanatı hesab edirəm”
Rusiya xarici işlər naziri Sergey Lavrov bildirib ki, Türkiyə Qara dənizdə sabitliklə həqiqətən maraqlanır. "Türkiyə blokun ən böyük ordusu olaraq NATO üzvü olmaq və Avropa Birliyi ilə münasibətlər qurmaq istəyir, baxmayaraq ki, dərindən başa düşür ki, heç vaxt AB-yə qəbul edilməyəcək. Rusiya ilə yaxşı münasibətlər istəyir, çünki bizim bir çox iqtisadi layihələrimiz və bir çox ortaq tariximiz var: Qafqaz, Qara dəniz. Türkiyə həqiqətən də sabit Qara dənizlə maraqlanır", - deyə o, VGTRK televiziyasına verdiyi müsahibədə bildirib.
Lavrov qeyd edib: "İndi türk həmkarlarımız yenidən gəmiçiliyin hücumların hədəfi olmasının qarşısını almaq üçün birtəhər razılığa gəlməyin vacibliyindən danışırlar. Amma bunu biz başlamamışıq".
"Ukrayna silahlı qüvvələrinin pilotsuz təyyarəsi Türkiyənin quru yük gəmisinə, tankerinə və ya mülki gəmisinə dəyəndə, eyni dronlar Xəzər dənizindəki Xəzər Boru Kəməri Konsorsiumunun infrastrukturuna dəfələrlə hücum edəndə, Amerikanın Chevron və ExxonMobil şirkətləri ilə əlaqəli gəmilərə birbaşa dəyəndə nə Türkiyə, nə də ABŞ cavab olaraq Ukrayna terrorçularının bu hərəkətlərinin qəbuledilməz olduğunu açıq şəkildə bəyan etmir", - Lavrov vurğulayıb.
Qeyd edək ki, Rusiya Xarici İşlər Nazirliyi ABŞ Konqresi tərəfindən Ukraynaya Amerika silahlarının mümkün ötürülməsi ilə bağlı dərc edilmiş məlumatlarla bağlı ABŞ və Türkiyədən açıqlama tələb edib.
Rusiya Xarici İşlər Nazirliyinin sözçüsü Mariya Zaxarovanın sözlərinə görə, dərc olunmuş sənədlərdə Kiyevə 12 ədəd M270 MLRS çoxməqsədli raket buraxılış qurğusu, 2500-dən çox idarə olunmayan kasetli sursat, 47 min ədəd 203 mm-lik kasetli artilleriya mərmisi və 70 ədəd ATACMS əməliyyat-taktiki raketinin təhvil verilməsi planlarından bəhs olunur.
Zaxarova qeyd edib ki, Moskvanın ABŞ istehsalı olan silahların Türkiyə vasitəsilə Ukraynaya genişmiqyaslı tədarükünün şərtləri və şəraiti barədə dəqiq məlumatı yoxdur. Xüsusilə, silahların çatdırılmasını kimin başlatdığı, müddət və Ukraynaya necə çatdırıla biləcəyi məlum deyil.
Xarici İşlər Nazirliyinin sözçüsünün sözlərinə görə, tədarük mexanizmləri barədə dəqiq məlumatların olmaması fərziyyələr üçün əsas yaradır və bu Rusiya tərəfində narahatlıq doğurur.
Zaxarova həmçinin bildirib ki, münaqişənin siyasi və diplomatik yolla həllinə sadiq olduğunu bəyan edən dövlətlərin bu cür hərəkətləri qarşılıqlı etimadın möhkəmləndirilməsinə töhfə vermir. Zaxarova xəbərdarlıq edib ki, Ukraynaya yeni silah tədarükü Rusiyanın həm ABŞ, həm də Türkiyə ilə münasibətlərinə ciddi ziyan vuracaq.
O xatırladıb ki, Türkiyə əvvəllər Ukraynaya ölümcül silahların verilməsindən imtina edib.
Lavrov Türkiyə haqqında deyir ki, Türkiyə həm NATO-nun güclü ölkələrindən biri kimi qalmaq, həm də Avropa İttifaqının üzvü olmaq istəyir. Özü də bilir ki, onu Aİ-yə qəbul etməyəcəklər, həm də Rusiya ilə yaxşı münasibətlərdə olmaq istəyir. Lavrovun sözlərinə görə, heç vaxt Türkiyə Ukraynanın Aralıq dənizinə, Xəzər boru kəməri konsersumuna, gəmilərə zərbə endiriləndə demədi ki, bu düzgün hərəkət deyil. Yəni buna münasibət bildirmədi. Lavrov ümumiyyətlə Türkiyəyə nə mesaj verir? Yəni NATO-nun üzvü kimi qalmaq, həm Avropa İttifaqının üzvü olmaq, həm də Rusiya ilə yaxşı münasibətdə olmaq istəyir. O Türkiyəyə mesaj vermək istəyir ki, eyni zamanda üç kresloda oturmaq olmaz?
Lavrov nə mesaj verir?
Son günlər Rusiya ilə Türkiyə arasında belə bir məsələ də var. ABŞ Konqresi bəyanat verib ki, Türkiyə vasitəsilə Amerika raketləri, kasetli bombaları Ukraynaya göndəriləcək. Rusiyanın xarici işlər nazirliyi də o texnikalarla münasibət bildirib. Buna görə Ankaradan və Vaşinqtondan izahat istəyib ki, sizin danışıqlarda vasitəçi olmaq istəyiniz hara, Ukraynanı silahlandırmaq hara?
“Alyans” SAM-ın sədri Abutalıb Səmədov baki-xeber.com-a bildirdi ki, ABŞ Konqresinin Türkiyə vasitəsilə Amerika raketlərinin, kasetli bombaların Ukraynaya göndəriləcəyi barədə verdiyi bəyanat həqiqətəuyğun deyil. “ABŞ Türkiyə vasitəsilə Ukrayanaya silah və hərbi sursat göndərmir...
Bu addım Türkiyənin və ABŞ-ın vasitəçilik səylərinə mane ola bilərmi? Güman edirəm ki, olmamalıdır. Çünki bu birinci hadisə deyil. Müharibənin ilk dövrlərində Türkiyə Ukraynaya pilotsuz uçuş apartları verib və o dövrdə bu Ukraynanın müdafiəsində mühüm rol oynayıb. ABŞ Tramp hakimiyyətə gələnə qədər Ukrayanya ən çox silah verən dövlət olub. Ancaq bu sonda Trampın vasitəçi kimi orataya çıxmasına mane olmayıb, eyni zamanda məlumdur ki, Türkiyə də ən uğurlu vasitəçilik edən dövlət olub. 2022-ci ilin mart ayında Türkiyədə indiyə qədər müzakirə olunan ən uğurlu razılaşma paraflanıb. Güman edirəm ki, bu silah və sursatların verilməsi hadisəsi də Türkiyənin və ABŞ-ın vasitəçilik missiyasına mane olmayacaq. Əgər dilgər silah verən dövlət, yaxud müharibə edən tərəflərdən birinə yardım edən ölkə vasitəçilik imkanlarından məhrum edilsə onda yəqin Rusiya-Ukrayna müharibəsinə nüfuzlu vasitəçi tapmaq mümkünsüz olar”.
A.Səmədov qeyd etdi ki, çünki dünyanın nüfuzlu dövlətlərinin böyük əksəriyyəti Ukraynanın yanındadır, Çin Rusiyaya kifayət qədər ciddi yardımlar göstərir. “Eyni hərəkətləri İran da edirş Hesab edirəm ki, bu addım da vasitəçilik səylərinə mane olmayacaq. Artıq hər iki tərəf kifayət qədər yorulub, tükənib. Ümid edək ki, bu yaxınlarda ABŞ-İran müharibəsinin sona çatmasından sonra baş verəcək. Sülh danışıqlarını sürətləndirmək və Rusiya-Ukrayna arasında sülhə nail olmaq imkanı yaranacaq.
Əslinə qalsa Lavrovun açıqlaması çarəsizlikdən verilən bir bəyanatdır. Yəni Rusiya hakimiyyət dairələri yaxşı anlayır ki, artıq iş-işdən keçib, bu addımın geriyə dönüşü yoxdur, ancaq hansısa reaksiya verilməlidir. Onlar da bu növbətçi addımı atırlar. Bilə-bilə ki, bunun heç bir nəticəsi olmayacaq. Mən bunu Lavrovun çarəsizlik bəyanatı hesab edirəm”-deyə A.Səmədov qeyd etdi.
İradə SARIYEVA
