Çeçenistan Respublikasının başçısı Ramzan Kadırova ordu generalı rütbəsi verilib. Rusiya Milli Qvardiyasının direktoru Viktor Zolotov Qroznıda ona çiyin qayışlarını və tünd qırmızı bereti təqdim edib.
Zolotovun sözlərinə görə, Rusiya Prezidenti Putin ona Kadırovun ən yüksək hərbi rütbəyə yüksəldilməsini elan etməyi tapşırıb. Kadırov əvvəllər general-polkovnik rütbəsinə sahib olub.
Bundan əlavə, Zolotov Kadırova Rusiya Milli Qvardiyasının xüsusi təyinatlı bölmələrinin simvolu olan tünd qırmızı beret hədiyyə etdiyini deyib.
"Xüsusi təyinatlı qüvvələr bölməsinin və bütövlükdə Milli Qvardiya qoşunlarının inkişafına verdiyi töhfələrə görə tanınma əlaməti olaraq, general Kadırova hüquq-mühafizə orqanlarının bu ən vacib simvolunun təqdim edilməsi qərarı verilib" – deyə Milli Qvardiyanın rəhbəri bildirib.
O, qeyd edib ki, tünd qırmızı beretin təqdim edilməsi ənənəsi qurumun xüsusi təyinatlı qüvvələri ilə bağlıdır. Kadırova medalın verilməsi qərarı qurumun xüsusi təyinatlı qüvvələrinin yaradılmasının ildönümündən bir neçə gün sonra verilib.
Tahir TAĞIYEV
