Qazaxıstan Prezidenti Kasım-Jomart Tokayev üç yüksək rütbəli hərbçinin işdən çıxarılması barədə sərəncam imzalayıb.
Tengrinews.kz-in məlumatına görə, Qazaxıstan müdafiə nazirinin birinci müavini və Silahlı Qüvvələrin Baş Qərargah rəisi Kanış Abubəkirov vəzifəsindən azad edilib. Müdafiə nazirinin müavini Almaz Cumakeyev və Qazaxıstan Silahlı Qüvvələrinin Hərbi Dəniz Qüvvələrinin baş komandanı Kanat Niyazbekov da vəzifəsindən azad edilib.
Kadr dəyişiklikləri Manqistau bölgəsində keçirilən hərbi-dəniz təlimləri zamanı yaşanan faciədən sonra baş verib. Sentyabrın 24-də təlim zamanı 17 hərbçi Xəzər dənizinə düşüb. Üçü xilas edilib, lakin 14-ü ölüb. İtkin düşən son iki nəfərin cəsədi sentyabrın 25-i səhər tapılıb.
Hərbçilərin ölümü ilə bağlı məhkəməyəqədər araşdırma aparılır. Silahlı Qüvvələrin beş zabiti saxlanılıb.
Hökumət faciənin səbəbini müəyyən etmək üçün xüsusi komissiya yaratdıb.
Tokayev daha əvvəl Dauren Kosanovu müdafiə naziri vəzifəsindən azad etmişdi. Müdafiə Nazirliyinin yeni rəhbəri isə Aydos Mırzaxmetov təyin edilmişdi. Lakin Abubəkirov, Cumakeyev və Niyazbəyovun azad edilməsi ilə bağlı dərc olunmuş əmrlərdə qərarların konkret səbəbləri göstərilməyib.
Tahir TAĞIYEV
