"Mən özüm konstitusiya dəyişiklikləri təşəbbüsü ilə çıxış edəcəm"
Əgər ratifikasiya prosesində Konstitusiya Məhkəməmiz indi paraflanmış və nəticədə imzalanmış sülh sazişinin Konstitusiyaya zidd olduğu barədə qərar çıxarsa, mən özüm konstitusiya dəyişiklikləri təşəbbüsü ilə çıxış edəcəm. Hazırda bu barədə düşünməyə ehtiyac yoxdur və lazım deyil. Bunu Ermənistan baş naziri Nikol Paşinyan hökumətin brifinqində deyib.
“Digər tərəfdən, xatırlatmaq istəyirəm ki, bizim bir vaxtlar dediyim yeni Konstitusiyanın qəbulu ilə bağlı gündəliyimiz 2027-ci ildə olmalıdır.
Biz də hazırda yeni Konstitusiya layihəsi üzərində işləyirik və o hazır olanda böyük ehtimalla referendum keçirəcəyik, lakin bunun paralel olaraq bu prosesə heç bir aidiyyəti yoxdur, baxmayaraq ki, bu prosesə strateji mənada da təsir göstərə bilər. Bu, bizim ümumi anlayışımızdır”, - deyə Paşinyan qeyd edib.
Paşinyan Azərbaycanla torpaq mübadiləsinin ancaq xalqın razılığı ilə baş tuta biləcəyini də qeyd edib. O qeyd edib ki, həm Ermənistanın, həm də Azərbaycanın keçmiş Sovet respublikalarının sərhədlərini göstərən xəritələri var. Baş nazir əlavə edib ki, sərhədlərin müəyyənləşdirilməsi prosesi məhz bu xəritələr əsasında davam etdiriləcək.
“Əgər birdən-birə bəzi ərazilərin mütənasib şəkildə, yəni 1 kv.km ərazinin başqa 1 kv.km ərazi ilə dəyişdirilməsi arzusu yaranarsa, bu məsələ ilə bağlı biz xalqımıza müraciət etməliyik ki, vətəndaşların belə bir qərara razı olub-olmadığını öyrənək”, - deyə Paşinyan bildirib.
Paşinyan Ermənistan-Türkiyə sərhədinin açılmasından da danışıb və birbaşa Türkiyə ilə danışıqlar apardıqlarını deyib.
“Bəyannaməni şahid qismində ABŞ prezidenti imzalayıb, bu çox vacibdir. Türkiyə sərhədləri açılmadan Ermənistanın blokunun açılıb-açılmayacağına gəlincə, bu, ən azı bir neçə istiqamətdə baş verə bilər. Ümid edirəm və əminəm ki, nə vaxtsa Ermənistan-Türkiyə sərhədi də açılacaq.
İstənilən yerə səyahət edən Ermənistan vətəndaşlarına toxunan baş nazir qarşılıqlılıq prinsipini xatırladıb.
“Bəli, sülh dövründə hər kəs turist kimi istənilən yerə gedə bilər”, - baş nazir vurğulayıb.
TAHİR
