Ərdoğan Bakı səfərindən sonra Gürcüstana konkret mesaj verdi – Putinlə görüşəcəyəm

img

Türkiyə prezidenti Rəcəb Tayyip Ərdoğan yaxın zamanda rusiyalı həmkarı Vladimir Putinlə ikitərəfli görüş keçirməyi planlaşdırır.

“Bugünə Zəngəzur dəhlizi ilə bağlı Rusiya tərəfi ilə fikir ayrılıqları və ya işi təxirə salmaq niyyətinin olduğunu düşünmürəm. Əksinə, bu məsələdə Rusiya yardımçı rolundadır. Moskva da regionda inkişafa mühüm töhfə verəcək bu ideyanı dəstəkləyir. Yaxın zamanda cənab Putinlə ikitərəfli görüşüm olacaq”, - Ərdoğan Azərbaycana işgüzar səfərdən sonra Türkiyə mətbuatına müsahibəsində bildirib.

“Vatan” nəşri Türkiyə prezidentinin sözlərinə istinad edir.

Türkiyə lideri qeyd edib ki, Ankara Azərbaycanın təşəbbüskarı olduğu Zəngəzur dəhlizini çox vacib hesab edir və bu layihəni dəstəkləyir.

“Sözsüz ki, bu marşrut Azərbaycana böyük imkanlar gətirəcək. Eyni zamanda bu, əlbəttə ki, Ermənistana böyük üstünlüklər verəcək. Həmçinin, Rusiya da bu məsələyə müsbət yanaşır. Bu səbəbdən bu, vacib dəhliz, vacib xəttdir”, - Ərdoğan deyib.

“Anadolu” agentliyinin məlumatına görə, Ərdoğan bəyan edib ki, “Ermənistan regionda etimadın artırılması üzrə addımlar atmağa başlamalıdır”. “Bu istiqamətdə ilk vacib addım Azərbaycana mina xəritələrinin verilməsi ola bilər”, - o qeyd edib.

Prezident vurğulayıb ki, Ankara Cənubi Qafqazda əməkdaşlığın inkişafı üzrə addımlar atmağa hazırdır.

Ərdoğan Qafqazda “Altılıq platfomasının” yaradılması təşəbbüsünə toxunaraq qeyd edib ki, hələlik Tbilisi və İrəvan bu məsələdə müsbət siqnal erməyib. Eyni zamanda, Rusiya bu cür strukturun yaradılmasının tərəfdarıdır. “Gürcüstan və Ermənistan bu təşəbbüsə qoşularsa, o zaman region tez zamanda sabitliyə qovuşar. Türkiyəyə səfəri zamanı mən gürcüstanlı baş nazirə nu məsələni izah etdim. Ankara bu platformanı regional sülh yolunda mühüm addım hesab edir”, - Ərdoğan əlavə edib.

Son xəbərlər