Respublikanın daxili işlər orqanları tərəfindən narkotik vasitələrin qanunsuz dövriyyəsinin qarşısının alınması, o cümlədən ayrı-ayrı vətəndaşlara və dövlət müəssisələrinə məxsus mobil telefon, avtomobil texniki hissələri və tikinti materialları oğurlamağda şübhəli bilinən şəxslərin aşkar edilərək məsuliyyətə cəlb olunmaları istiqamətində növbəti uğurlu əməliyyat-axtarış tədbirləri həyata keçirilib.
DİN Mətbuat Xidmətinin Quba regional qrupundan verilən məlumata görə, Quba RPŞ əməkdaşlarının keçirdiyi əməliyyat tədbirləri nəticəsində bir gündə rayon ərazisində narkotik maddələri qanunsuz saxlamaqda şübhəli bilinən iki şəxs saxlanıb.
Belə ki, Quba şəhər sakini əvvəllər məhkum olmuş Zərdabi kənd sakini Teyfur Qədirov polis əməkdaşları tərəfindən saxlanıb. Onun üzərinə baxış zamanı selofan bükümdə narkotik vasitə aşkar olunub. Ekspertizaya təqdim olunan bükülünün ümumi çəkisi 150,0 qram marixuana olması barədə rəy verilib. Digər bir şəxs isə, Quba şəhər sakini Vəliyulla Cəlilov olduğu müəyyən edilib. Onun üzərindən 2,514 qram narkotik vasitə olan heroin aşkar olunaraq götürülüb.
Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri ilə aprelin 2-də gecə saatlarında şəhərin H.Əliyev prospektində yenidənqurma işləri aparılan yerüstü piyada keçidindən 30 metr dəmir profil və 3,5 metr dəmir boru oğurlamaqda şübhəli bilinən Aşağı Atuc kənd sakini Rövşən Səfərəliyev saxlanıb.
Rayon sakini Dəyanət Rzayevə məxsuz Vladimirovka kəndində yerləşən anbardan tikinti ləvazimatı və texniki avadanlıq oğurlamaqda şübhəli bilinən şəhər sakini əvvəllər məhkum olunmuş Əli Məmmədov saxlanıb.
Qeyd edilən faktlarla bağlı Quba RPŞ-də araşdırmalar aparılır.
Nizam HƏMİDOV polis leytenantı
