Vergilər Nazirliyinin "zəruri məhdudiyyət" tədbiri - söhbət dövlətin 1,6 milyard manat pulunu qorumaqdan gedir

Tarix: 29.07.2016 / 01:48
Bölmə: İqtisadiyyat

Ruslan Atakişiyev: "Məsuliyyətsiz vergi ödəyiciləri ilə bağlı bu kimi tədbirlərin görülməsi doğrudur"

"Hesab edirəm ki, bu sahədə islahatların aparılmasına ehtiyac var"

Vergi borcuna görə ölkədən getmə hüququ məhdudlaşdırılan fiziki və hüquqi şəxslərin ümumilikdə büdcəyə 1,6 milyard manatdan çox borcu var. Bu barədə vergilər nazirinin birinci müavini Sahib Ələkbərov deyib.

Qeyd edək ki, Azərbaycanda vergi borcu olan 596 vətəndaşın ölkədən çıxmasına məhdudiyyət qoyulub. Onlardan 283-ü fiziki şəxs, 313 nəfəri isə hüquqi şəxs - icra orqanı rəhbərləridir. Həm fiziki şəxslərin, həm də şirkət rəhbərlərinin arasında yerli vətəndaşlarla yanaşı, xarici ölkələrin təmsilçiləri də var.

Vergilər Nazirliyinin baş idarə rəisinin müavini Rəsul Hüseynov qadağanın hansı formada qoyulduğunu mətbuata açıqlayıb: "Borcu barədə ona elektron bildiriş göndərilməklə yanaşı, SMS və səsli mesajlar da göndərilir. Bundan sonra vergi ödəyicisi vergi orqanına dəvət olunur. Ona vergi borcu, onun yaranma səbəbi barədə məlumat verilir, ödəmədiyi halda görüləcək tədbirlər barədə xəbərdarlıq edilir".

Borcluların əmlakları hərraca çıxarılır. Xəbərdarlıqlara məqsədli şəkildə məhəl qoymayan vergi ödəyicilərinin bank hesablarına sərəncamlar qoyulur, əmlakları siyahıya alınıb hərraclarda satışı həyata keçirilir, avtomobillərinə həbs qoyulur və ya ölkədən getməsinə məhdudiyyət qoyulur.

Maraqlıdır ki, bir belə vergi borcunun olması fonunda, bəzi borclu olanlar sözügedən məhdudiyyətin qoyulmasına etiraz edir. Halbuki, ortada kifayət qədər böyük borc var və vergini ödəmək hamının borcudur.

Sözügedən məsələ ilə bağlı fikirlərini "Bakı-Xəbər"lə bölüşən İqtisadi Resursların Öyrənilməsi Mərkəzinin direktoru Ruslan Atakişiyevin sözlərinə görə, vergi borcu bir neçə səbəbdən yaranır: "Müəssisənin inkişafı üçün vergilərin vaxtında ödənilməsi vacib şərtdir. Bu, müəssisəyə dividendlər əldə etməyə kömək edir. Məsələ ondadır ki, müəssisə vergi borcunu vaxtında ödəyəndə artıq yaranan borc böyümür. Təbii ki, burada yaxşı mühasibatlıq da mühüm rol oynayır. Borcların bir qismi sanksiyalardan yaranır. Digər qismi müxtəlif bəyannamələri vaxtında verməməkdən yaranır. Həmçinin, hesablanmış vergi yükünün vaxtında ödənilməməsindən yaranır. Deməyim odur ki, vergi borcu bir sıra səbəblərdən ortaya çıxır. Əslində burda da iki yanaşma ola bilər. Bir var vergi borcu kiçik olan müştərilər, bir də var böyük olan. Vergi borcu kiçik olan elə müştərilər var ki, onlar keçmişdə vaxtında vergi borcunu ödəyib. Ancaq necə olursa, onların vergi borcu yaranır. Eləsi də var ki, məsuliyyətsiz olduğuna görə hər zaman vergidən yayınmağa meylli olur. Məsuliyyətsiz vergi ödəyiciləri ilə bağlı bu kimi tədbirlərin görülməsi doğrudur. Ancaq digərlərinə müəyyən güzəştlər edilməlidir. Ona görə də yaxşı olardı ki, vergi ödəyiciləri qruplaşdırılsın. Ucdantutma hamıya ölkədən çıxışa məhdudiyyət qoymaq doğru deyil. Bu baxımdan hesab edirəm ki, vergi sahəsində islahatların aparılmasına ehtiyac var".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...