Azərbaycanda xüsusi kredit büroları təklifi rəsmi təsdiqini tapdı

Tarix: 28.07.2016 / 02:26
Bölmə: İqtisadiyyat

Samir Əliyev: "Bu büro vasitəsilə şəxsin nə dərəcədə ödəmə cəhətdən məsuliyyətli olmasını müəyyən etmək olur"

"Bir ölkədə bir yox, bir neçə özəl kredit bürosu ola bilər"

İyulun 26-da Maliyyə Bazarlarına Nəzarət Palatasında (MBNP) Azərbaycanın bank ictimaiyyəti ilə Özəl Kredit Bürosunun (ÖKB) yaradılması məsələsi müzakirə edilib. Görüşdə çıxış edən Maliyyə Bazarlarına Nəzarət Palatasının Direktorlar Şurasının sədri Rüfət Aslanlı Özəl Kredit Bürosunun yaradılması təşəbbüsünü dəstəklədiyini bildirib.

Onun sözlərinə görə, Palata ÖKB-nin yaradılmasını maliyyə xidmətləri infrastrukturunun inkişafına dəstək kimi qiymətləndirir və gələcəkdə banklarla yanaşı, bank olmayan kredit təşkilatları, kommunal ödəniş sistemləri, mobil operatorlar və iri pərakəndə şəbəkələrin də büronun üzvü olmasını məqsədəuyğun hesab edir.

Tədbirdə çıxış edən ÖKB-nin yaradılması üzrə İcra Komitəsinə üzv kommersiya bankların nümayəndələri beynəlxalq təcrübə və büronun təsis edilməsi istiqamətində görülmüş işlər barədə məlumat verib. Qeyd edilib ki, texniki partnyor olaraq İslandiyanın "Creditinfo" şirkəti seçilib. Texniki partnyor gələcəkdə büronun əsas səhmdarlarından biri olmaqla kredit hesabatlılığı prinsiplərinin öyrənilməsi və kredit bürosunun inkişafı strategiyasının hazırlanmasında yaxından iştirak edəcək.

Ümumilikdə ÖKB-nin mahiyyəti nədən ibarətdir?

Sözügedən məsələni dəyərləndirən iqtisadçı-ekspert Samir Əliyevin fikrincə, Azərbaycanda bunun alternativi 2005-ci ildə Mərkəzi Bankın nəzdində yaradılan Mərkəzləşdirilmiş Kredit Reyestridir. Hazırda bu xidmət Maliyyə Bazarlarına Nəzarət Palatasına verilib: "Bu reyestrin əsas funksiyası ondan ibarət idi ki, kredit götürən şəxslərin tarixçələri orada öz əksini tapırdı. Tutaq ki, müştəri kredit üçün banka müraciət edir. Bank ondan başqa bankda kreditinin olub-olmadığını, zamin durub-durmadığını soruşur. Reyestr bank, palata üçündür. Amma bir sıra ölkələrdə reyestrlə yanaşı, özəl kredit büroları da fəaliyyət göstərir. Bu bürolar nə dövlətə məxsus olur, nə də banklara. Özəl bir qurum olur. Burada təkcə kredit ödənişi deyil, kommunal xidmətlər, yazılan cərimələrlə bağlı ödəmə qabiliyyəti, müştərinin davranışı barədə məlumatlar olur. Bu büro vasitəsilə şəxsin nə dərəcədə ödəmə cəhətdən məsuliyyətli olmasını müəyyən etmək olur. Azərbaycanda özəl kredit bürolarının yaradılmasına ehtiyac var. Dünya Bankı hər il ölkələrin biznes səviyyəsi ilə bağlı hesabatını dərc edir, reytinq təyin edir. Orada Azərbaycanda kreditə əlçatanlıq bölməsi həmişə aşağı olub. Səbəblərdən biri də bizdə özəl kredit bürolarının olmamasıdır. Özəl kredit büroları Azərbaycanın bank sektorunun yüksək reytinq alması üçün tələb olunan amillərdən biri kimi qiymətləndirilir. Bir ölkədə bir yox, bir neçə özəl kredit bürosu ola bilər. Amma bunun müsbət və mənfi tərəfləri var. Ən azı Azərbaycanda bir kredit bürosunun yaradılmasına ehtiyac var. Bir neçə büro olanda aralarında rəqabət yaranır. Amma biz digər ölkələrin təcrübəsindən görürük ki, bəzən problemlər də yaranır. Bir-birilə məlumatları bölüşmürlər, eyni adam haqda fərqli məlumatlar olur. Bu baxımdan bir az problemlər yaranır. Müsbət tərəfi isə rəqabət formalaşdırmasıdır. Büronun sayının önəmi yoxdur. Ümumilikdə büronun yaradılması lazımdır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...