Bağlanmış banklardakı sığortalanmayan əmanətlərin taleyi...

Tarix: 26.07.2016 / 02:51
Bölmə: İqtisadiyyat

Pərviz Heydərov: "Sığortalanmayan əmanətlər də geri qaytarıla bilər, ancaq..."

"Bağlanan banklarda əmanətçilərin əmanətlərini kompensasiya etmək üçün 100 milyon manat əlavə vəsaitə ehtiyac var"

Məlum olduğu kimi, iyulun 22-də Maliyyə Bazarlarına Nəzarət Palatası Azərbaycanda 4 bankın lisenziyasını ləğv etdi. Lisenziyası ləğv olunan banklarda qorunan əmanətlərin təxminən 80 %-i dollardadır.

Bu barədə Əmanətlərin Sığortalanması Fondunun icraçı direktoru Azad Cavadov keçirilən mətbuat konfransında məlumat verib. O qeyd edib ki, bu banklarda qorunmayan əmanətlərin həcmində (47 mln. manat) əsasən qorunmayan əmanətçilər çoxluq təşkil edir: "Qorunmayan əmanətçilərə bankın 10 faizdən çox səhminə malik əmanətçilər, son ildə bankın auditini həyata keçirən və bankın inzibatçıları daxildir".

Maraqlıdır, sığorta olunmayan əmanətlərin taleyi necə olacaq? Qorunan əmanətlər Əmanətlərin Sığorta Olunması Fondu tərəfindən ödəniləcək. Bəs sığorta olunmayan əmanətlər necə, sahiblərinə geri qaytarılacaqmı?

Elə bu sualla iqtisadçı-ekspert Pərviz Heydərova müraciət etdik. O, "Bakı-Xəbər"ə açıqlamasında bunları dedi: "Prezident İlham Əliyevin 19 yanvar 2016-cı il tarixdə imzaladığı və 1 mart 2016-cı il tarixdən qüvvəyə minən "Əmanətlərin tam sığortalanması haqqında" Qanuna əsasən, 1 mart 2019-cu ilə qədər banklarda yerləşdirilən bütün əmanətlər əvvəl müəyyən edilən 30 min manatadək limit ləğv edilməklə, manatla ildə 12 faiz, xarici valyuta ilə 3 faiz gəlirlilik şərtilə tam olaraq sığortalanır. Bu isə o deməkdir ki, qeyd olunan tələblər çərçivəsində bir neçə gün öncə bağlanan və yaxud bundan sonra bağlana biləcək banklarda əhali tərəfindən yerləşdirilmiş əmanətlər sığorta hadisəsi baş verdiyi təqdirdə Əmanətlərin Sığortalanması Fondu (ƏSF) sayəsində mütləq ödəniləcək.

Məsələn, təsadüfi deyil ki, sığorta hadisəsi baş vermiş "Dekabank", "Kredobank", "Parabank" və "Zaminbank" ASC-lərin qorunan əmanətçilərinə kompensasiya ödəmək üçün ƏSF Mərkəzi Bankdan kredit götürəcək. Çünki bağlanan 4 bank üzrə ümumilikdə kompensasiya olunan əmanətlər 126 milyon 956 min manat təşkil edir. ƏSF-in isə hazırda 26 milyon manata yaxın vəsaiti var. Deməli, bağlanan banklarda əmanətçilərin əmanətlərini kompensasiya etmək üçün 100 milyon manat əlavə vəsaitə ehtiyac var. Ona görə də ƏSF-in icraçı direktoru Azad Cavadov da qeyd edib ki, bununla bağlı MB-yə müraciət edəcəklər. Sözüm bunda deyil. Qeyd olunan tələblər çərçivəsindən kənar olaraq yerləşdirilən əmanətlər üzrə isə, növündən asılı olmayaraq, bilavasitə ƏSF tərəfindən heç bir ödəniş həyata keçirilə bilməz. Lakin bu o demək deyil ki, həmin əmanətlər batır. Sadəcə olaraq, bu məsələnin həlli bağlanan banklarla müştəriləri arasında tapılmalıdır. Çünki sözügedən bankların qanunla ödənməli olan borcları ödənilib qurtardıqdan sonra onların əmlakının və sairin satılması prosesi həyata keçirilir. Əgər bunun nəticəsi imkan verərsə, sığortalanmayan əmanətlər də geri qaytarıla bilər. Ancaq təəssüf ki, buna çox təsadüfi banklar üzrə rast gəlmək real ola bilər ki, onların qanunla ödənməli olan borcları ödənilib qurtardıqdan sonra əmlaklarının və sairin satılması prosesi məhz sığortalanmayan əmanətləri də geri qaytarmağa imkan versin".

Günel CƏLİLOVA

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...