Özəlləşmənin yeni mərhələsi Azərbaycana nə verəcək...

Tarix: 21.07.2016 / 01:57
Bölmə: İqtisadiyyat

İldırım Qurbanov: "Bu, sahibkarlığın inkişafına, özəl sektorun tam formalaşmasına, gələcəkdə iri biznes..."
"Özəlləşdirmə prosesi sürətlə getməli müəssisələr öz maliyyə dayanıqlığını təmin etməlidir"

Prezident İlham Əliyev dövlət əmlakının özəlləşdirilməsinin sürətləndirilməsi və idarə edilməsinin səmərəliliyinin artırılması ilə bağlı bəzi tədbirlər haqqında Fərman imzalayıb.
Fərmanda deyilir ki, ölkədə iqtisadi fəallığı gücləndirmək və özəl təşəbbüslərə dəstək vermək, iqtisadiyyatda zəruri struktur dəyişiklikləri aparmaq və onun şaxələndirilməsini təmin etmək, sağlam rəqabət mühiti formalaşdırmaq, habelə milli iqtisadiyyatın səmərəliliyini yüksəltmək məqsədilə dövlət əmlakının özəlləşdirilməsinin sürətləndirilməsi iqtisadi siyasətin mühüm istiqaməti kimi müəyyənləşdirilib. Bu sahədə aparılan işlərə təkan vermək, həmçinin, dövlət əmlakından istifadə olunmasının səmərəliliyinin artırılması və onun idarə olunmasının təkmilləşdirilməsi məqsədilə qərar qəbul edilib.
Fərmanda Nazirlər Kabinetinə orta müddətli dövr ərzində dövlət mülkiyyətində saxlanacaq dövlət müəssisələrinin siyahısını müəyyənləşdirmək, həmin müəssisələrin restrukturizasiyasını həyata keçirmək və onların tabeliyində olan qeyri-profil müəssisə və obyektlərin çıxarılaraq özəlləşdirilməsi üçün tədbirlər görmək tapşırılıb.
Sənəddə bildirilir ki, dövlət əmlakının özəlləşdirilməsi ilə bağlı prioritetlər müəyyənləşdirilərkən, ilk növbədə, regionda rəqabət qabiliyyəti potensialı olan və sosial-iqtisadi inkişafa əhəmiyyətli töhfə verə biləcək fəaliyyəti dayanmış müəssisələrin özəlləşdirilməsinə üstünlük verilir.
Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert İldırım Qurbanovun sözlərinə görə, bu, özəlləşdirmə proqramını daha da sürətləndirmək və özəlləşdirmə mexanizmlərinin gücləndirilməsi üçün atılmış bir addımdır: "Burada qəti fikir bildirmək hələ tezdir. Çünki Fərmanda Nazirlər Kabinetinə 2 ay müddətinə yeni qanun layihəsinin hazırlanaraq Prezidentə təqdim edilməsi ilə bağlı göstəriş verilib. Ancaq ümumilikdə bu, sahibkarlığın inkişafına, özəl sektorun tam formalaşmasına, gələcəkdə iri biznes layihələrinin inkişafına təkan verən bir addımdır. Bazar iqtisadiyyatında özəlləşdirmə prosesi sürətlə getməli müəssisələr öz maliyyə dayanıqlığını təmin etməlidir. Eyni zamanda, dövlətə də vergi ödəməklə büdcəyə gəlir gətirməlidirlər. Özəlləşdirmə proqramını yerinə yetirərkən hər bir hökumət öz qarşısında minimum iki məqsəd qoyur. Özəlləşdirmə bir tərəfdən iqtisadi münasibətlərin, onun əsası olan mülkiyyət münasibətlərinin yeniləşməsi, çoxnövlü mülkiyyət formalarının yaranması, idarəetmə sisteminin əsaslı surətdə dəyişdirilməsidir.
Digər tərəfdən isə bazar münasibətlərinə keçid şəraitində iqtisadiyyatın tənəzzül vəziyyətindən çıxarılması, inflyasiyanın qarşısının alınması məqsədini güdür. Azərbaycanda da özəlləşdirmə bu vəzifələrin həyata keçirilməsinə yönəlib.
Bütövlükdə Azərbaycanda özəlləşdirmə prosesinin gedişini 4 mərhələyə bölmək olar: 1-ci mərhələ 1996-1998, 2-ci mərhələ 1998-2000, 3-cü mərhələ 2000-2001, 4-cü mərhələ 2001-2005-ci illəri əhatə edir".
Vidadi ORDAHALLI

DİGƏR XƏBƏRLƏR

Tarix: 09.06.2026 / 19:46

"Azərbaycan Biznesinin İnkişafı Fondu"na yeni səlahiyyətlər verildi

Tarix: 09.06.2026 / 15:52

Rusiya-Azərbaycan ticarəti 30 faiz azaldı - Piter İqtisadi forumunda həyəcan...

Tarix: 09.06.2026 / 14:51

Avtomobil bazarında qiymətlər BAHALAŞIB - ən çox ikinci əl avtomobillər...

Tarix: 09.06.2026 / 13:30

Azərbaycandan tranzit keçməklə Rusiyadan Ermənistana növbəti yük göndərildi

Tarix: 09.06.2026 / 12:22

"Bu il Dövlət Neft Fondundan büdcəyə transferin azaldılması planlaşdırılır" - Sahil Babayev

Tarix: 09.06.2026 / 10:20

Orta Asiyada süni yağışlar - Qazaxıstan regionda su siyasətini dəyişən texnologiyanı sınaqdan keçirir...

Tarix: 09.06.2026 / 10:12

Azərbaycan nefti bahalaşdı...

Tarix: 08.06.2026 / 16:07

ADY 2026-cı ilin may ayında 1.6 milyon tondan çox yük daşıyıb

Tarix: 08.06.2026 / 15:33

Ermənistan Bakı-Tbilisi-Qars dəmiryoluna necə qoşula bilər?...

Tarix: 06.06.2026 / 10:56

Azərbaycan nefti 99 dollara düşdü...

Tarix: 05.06.2026 / 14:33

“Bakıdan Türkiyəyə dəmiryolu ilə gediş-gəliş başladı” xəbərləri yanlışdır...

Tarix: 04.06.2026 / 18:42

Avropa Bankı Azərbaycanın iqtisadi inkişaf proqnozunu aşağı saldı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 04.06.2026 / 21:37

Ermənilərin Başkəndi Azərbaycanın hansı kəndi ilə dəyişdirilə bilər? - Paşinyan niyyətini açdı...

Tarix: 04.06.2026 / 14:29

Vətən müharibəsi və Milli Qəhrəmanların təqaüdlərini bərabərləşdirmək olar...(?)

Tarix: 04.06.2026 / 12:16

Yuxarı məmurların övladları əsasən dövlət məktəblərində oxumurlar... Təhsil məmurları isə...

Məcburi köçkün gənclərin inkişafına son 20 ildə dövlət dəstəyi...