ABŞ öz dollarını bahalaşdırmaqdan vaz keçir... Niyə...

Tarix: 21.07.2016 / 01:20
Bölmə: İqtisadiyyat

Qlobal iqtisadiyyatda baş verən son proseslər dünya miqyasında ciddi narahatlığa səbəb olub. Hesab edilir ki, indiki vəziyyət davam edərsə, qlobal iqtisadi böhranın dərinləşməsi də qaçılmaz olacaq. Elə bu səbəbdəndir ki, Beynəlxalq Valyuta Fondu (BVF) özünün "Qlobal İqtisadi İcmal" hesabatında dünya iqtisadiyyatı ilə bağlı qiymətləndirmə aparıb və qlobal iqtisadi artım tempi ilə bağlı proqnozlarını dəyişib.
Hesabatda 2016-cı il qlobal iqtisadi artım sürəti bundan əvvəlki aprel ayının proqnozu ilə müqayisədə 0,1 bənd azaldılaraq 3,1%-ə, 2017-ci il proqnozu isə 3,5%-dən 3,4%-ə endirilib. Qurum ABŞ iqtisadiyaytının 2016-cı il artım tempi proqnozunu aprel ayı proqnozu ilə ilə müqayisədə 0,2 bənd azaldaraq 2,2%-ə endirərkən, 2017-ci il proqnozunu dəyişməyərək 2,5% təsdiqləyib. MDB ölkələri iqtisadi artımı proqnozu 2016-cı il üçün 1%, 2017-ci il üçün isə 2,5% qeyd olunub. Belə vəziyyətdə diqqət mərkəzində olan digər məsələ isə ABŞ-da dollarla bağlı uçot dərəcəsinin artırılıb-artırılmayacağıdır. Uçot dərəcəsi artırılarsa, bu, dünya iqtisadiyyatı üçün yeni çətinliklərə yol açacaq. Belə vəziyyət həm də ABŞ iqtsadiyyatının özü üçün təhlükə yaradır və onun ixrac potensialını xeyli daraldır. ABŞ-ın "Morgan Stanley" bankı bildirir ki, məhz bu səbəbdən Federal Ehtiyat Sistemi (FES) 2018-ci ilə qədər uçot dərəcələrini artırmayacaq. Bankdan bildirilib ki, FES ölkədə zəif iqtisadi artımın müşahidə edildiyi bir şəraitdə uçot dərəcələrini artırmaq qərarı verməyəcək.
"Morgan Stanley" baş strateji mütəxəssisi Endryu Şits qeyd edib ki, yaxın 12 ay ərzində dünyada və eləcə də ABŞ-da zəif, hətta bir qədər də məyusedici iqtisadi artım yaşana bilər. Bankın hesablamalarına əsasən, ABŞ-ın 2017-ci ildə iqtisadi artım tempi 1,5% təşkil edə bilər. Xatırladaq ki, hazırda ABŞ iqtisadiyyatının 2017-ci il üçün orta konsensus artım sürəti 2,3%-ə bərabərdir. Bankın analitikləri inkişaf etmiş ölkələr üçün ÜDM artımını 2016-cı il üçün 1,4%, 2017-ci il üçün isə 1,2% proqnozlaşdırıb. Xatırladaq ki, 2015-ci ildə bu ölkələrdə iqtisadi artım 1,9% təşkil edib. Bu səbəbdən Federal Ehtiyat Sistemi uçot dərəcələrini artırmağı düşünmür. Belə vəziyyətdə dolların digər valyutalar, o cümlədən avro qarşısında dəyər itirməsi gözlənir. Bu hal bütün dünya boyu, o cümlədən də MDB-də özünü qabarıq göstərəcək. Yeri gəlmişkən qeyd edək ki, Rusiya prezidenti Vladimir Putin milli valyutanın, xammal bazarlarındakı dəyişkənliyə baxmayaraq, möhkəmlənməsinin vaciblyini vurğulayıb və baş nazir Dmitri Medvedyevə bu faktorlar nəzərə alınmaqla gələcək addımları müzakirə etməyi təklif edib. Putin iqtisadiyyatın real sektoruna, kiçik və orta biznesə dəstəyi nəzərdə tutan plan üzərində iş getdiyini bildirib. Onun sözlərinə görə, bu, sahibkarlar sinfi və qeyri-xammal ixracı üçün hazırda çox mühümdür: "Hökumət hazırda büdcə üzərində fəal işləməyə başlayır, üçillik planlaşdırmaya qayıdırıq. Ümid edirəm ki, bütün bu amillər yaxın və ortamüddətli perspektivdə nəzərə alınacaq". Ekspertlər qeyd edir ki, rubl dollar qarşısında möhkəmlənərsə, digər MDB ölkələrində də analoji proses müşahidə olunacaq. Azərbaycanda da bu vəziyyətdə manat üçün yeni vəziyyət yaranacaq. Yeri gəlmişkən qeyd edək ki, Azərbaycan maliyyə bazarları və burada fəaliyyət göstərənlər artıq dollar və digər xarici valyutalarla əməliyyata artıq daha yaxşı uyğunlaşmaqdadırlar. Bunu onlayn multiaktivlərin ticarəti və investisiyalar üzrə ekspert sayılan "Saxo Bank" da təsdiq edir. "Saxo Bank"ın məlumatına əsasən, Azərbaycan treyderləri zəngin biliyə malikdir və maliyyə bazarları haqda hərtərəfli məlumatlıdırlar. Qeyd olunur ki,
valyuta ticarəti sahəsində Azərbaycandan olan investorlar əsasən avro, dollar, yuan, rublla əməliyyata üstünlük verir. Qeyd olunur ki, azərbaycanlı investorların 60%-i məzənnə fərqində ticarət əməliyyatları həyata keçirərək və tez mənfəət əldə etməyə çalışaraq risq etməyə üstünlük verir. Lakin investorların qalan hissəsi ABŞ birjalarında səhm və fondlarla ticarət edir. Treyderlərin bir hissəsi "Saxo Bank" analitikləri ilə müzakirələrdə fəal şəkildə iştirak edir və öz ticarət hesabını açıq saxlayır. Bundan başqa, araşdırmalar göstərir ki, Azərbaycan əhalisi də dollara əvvəlki kimi maraq göstərmir və dollar ticarətini indi əsasən banklar edir. Amma bankların da ehtiyatlarında dollar çoxaldığından, onun manat qarşısında dyərsizləşməsi qaçılmaz sayılır.
Tahir TAĞIYEV

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...