Beynəlxalq Valyuta Fondu Azərbaycana aşağı faizlə kredit buraxsa...

Tarix: 19.07.2016 / 01:51
Bölmə: İqtisadiyyat

Zakir Əhmədov: "BVF ucuz kredit resursları təklif etsə, həm banklar, həm də müştərilər bunda maraqlı olar"

"Xarici kreditlərin cəlbinin ölkə iqtisadiyyatının dinamikasına müsbət təsirinin olacağını demək mümkündür"

"Beynəlxalq Valyuta Fondu neftin ucuzlaşmasının qlobal iqtisadiyyata müsbət təsir göstərəcəyini bildirsə də, bu baş vermədi".

Bu barədə maliyyə naziri Samir Şərifov "Financial Times" nəşrinə müsahibəsində deyib. Müsahibəsində nazir bir müddət əvvəl Azərbaycanın Dünya Bankı və Beynəlxalq Valyuta Fonduna 4 milyard dollarlıq kredit üçün müraciət etməsi ilə bağlı yayılan məlumatlara da münasibət bildirib: "Olduqca kiçik həcmdə xarici borcu və 34 milyard dollarlıq ehtiyata malik suveren fondu olan ölkənin bu vəsaitə ehtiyacı yoxdur. Beynəlxalq Valyuta Fondu Azərbaycana bazarda mövcud olan faizlərdən aşağı dərəcə ilə kredit ayıra bilərdi. Söhbət iqtisadiyyata yardımdan deyil, daha ucuz maliyyə vəsaitinin cəlb edilməsinə yardım etməkdən gedir.

Hazırda fond bu məsələləri həll etmək üçün dörd məhsul üzərində işləyir. Buna baxmayaraq, iri maliyyə vəsaitlərinin üstündə oturan və onları bölüşdürə bilməyən institut var".

Nazir onu da bildirib ki, hazırda "Cənub Qaz Dəhlizi" layihəsinin maliyyələşdirilməsi üçün həm Dünya Bankı, o cümlədən Avropa Yenidənqurma və İnkişaf Bankı, Asiya İnkişaf Bankı kimi maliyyə institutları ilə 5 mlrd. dollarlıq kreditin və ya zəmanətin cəlb olunması üçün danışıqlar aparılır.

S.Şərifov əlavə edib ki, Azərbaycan layihədəki payını maliyyə institutlarının yardımı olmadan da maliyyələşdirə bilər. Bütövlükdə Azərbaycan nüfuzundan istifadə edib BVF-dən ucuz kredit resursları cəlb edə bilərmi?

Məsələyə münasibət bildirən ekspert Zakir Əhmədovun sözlərinə görə, Azərbaycanın kredit reytinqi müsbət olduğu üçün bu mümkündür: "Çünki Azərbaycanın xarici borcu böyük deyil ki, risq dərəcəsi yüksək olsun. Xarici kreditlərin cəlbinin ölkə iqtisadiyyatının dinamikasına müsbət təsirinin olacağını demək mümkündür. Hesab edirəm ki, buna ehtiyac var. Ona görə ki, Azərbaycan bankları xarici maliyyə mənbələrinə çıxışda əziyyət çəkir. Bu xüsusilə bankların reytinqi ilə bağlı olan məsələdir. Bankların vəsait cəlbində xarici valyutanın həcminin artması onları sonradan kreditləşmə zamanı portfeldə xarici valyutanın payını artırmağa sövq edir. Çünki xarici valyutada əldə olunan vəsaitləri sonradan geri xarici valyutada ödəmək lazımdır. Bu prizmadan yanaşdıqda nəzərə almaq lazımdır ki, ölkə vətəndaşları xarici valyutada kredit götürməyə risq etmək istəmir. Banklar isə xarici valyutada kredit təklif etməyə məcburdur. Belə olduğu təqdirdə biznesdə maliyyə institutları ilə vətəndaşlar arasında anlaşılmazlıq yaranır. Ancaq bütövlükdə xarici valyutanın cəlb edilməsi müsbət haldır. Bankların xarici maliyyə mənbələri ilə əməkdaşlığı və ölkəyə vəsait cəlb etməyi ölkə iqtisadiyyatına nağd pul axınına müsbət təsir göstərir. Eyni zamanda bankların inkişafına və onların kredit portfelinin genişləndirilməsinə müsbət təsir göstərir. BVF ucuz kredit resursları təklif etsə, həm banklar, həm də müştərilər bunda maraqlı olar".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...