Başqa ölkələrdə əhaliyə elektrik enerjisi bilirsinizmi hansı qiymətə satılır?

Tarix: 19.07.2016 / 02:20
Bölmə: İqtisadiyyat

"Məlum qiymət artımı imkan verəcək ki, elektrik

enerjisindən daha qənaətcil və səmərəli istifadə olunsun"

Rəsul Cahangirli: "Azərbaycan, əvvəl-axır, elektrik enerjisinin qiymətini artırmalı idi"

Məlum olduğu kimi, təxminən 10 illik fasilədən sonra Tarif Şurası iyulun 15-dən Azərbaycanda elektrik enerjisinin pərakəndə satış qiymətini 7 qəpiyə qaldırdı. Bu qərara qədər elektrik enerjisinin pərakəndə satış qiyməti hər kilovat-saat üçün 6 qəpik idi. Ancaq müqayisələr göstərir ki, Azərbaycanda elektrik enerjisinin qiyməti qonşu və digər dövlətlərlə müqayisədə aşağıdır.

Məsələn, son 3 ildə Ermənistanda elektrik enerjisinin qiyməti 100-150 faiz artıb. 2015-ci ilin statistikasına görə, elektrik enerjisinin tarifləri Ukraynada 48, Moldovada 34, Latviyada 20, Belarusda 16, Türkiyədə 14, Bolqarıstanda 13, Böyük Britaniyada 11, Rusiya və Qazaxıstanda isə 8 % artıb. Onu da nəzərə çatdıraq ki, Ermənistanda istehlakçılar 1 kilovat-saat elektrik enerjisinə görə bizim pulla 12,7 qəpik, Gürcüstanda isə 11,2 qəpik ödəyir.

Dünya ölkələrinə gəldikdə isə, elektrik enerjisinə görə ən yüksək tarif Solomon adalarındadır. Belə ki, orada 1 kilovat-saata görə 95 sent pul ödənir. Siyahıda ikinci yeri daha bir ada dövləti tutur. Onun adı Tonqa Krallığıdır. Burada bir kilovat-saat elektrik enerjisinin qiyməti təqribən 50 sentdir. Üçüncü yerdə adı məşhur mahnı ilə eyni olan Yamayka adasıdır. Burada qiymət hər kilovata görə təxminən 45 sent təşkil edir.

Kifayət qədər inkişaf etmiş Danimarka və Almaniyada qiymətlər 40 və 36 sentdir. Doğrudur, burada yüksək olan qiymətlər kifayət qədər yüksək gəlirlə kompensasiya olunur. Lakin bu da yaxşı çıxış yolu deyil. Çünki hamı yüksək maaş almır. Yaponiyada da işıq pulunu ucuz adlandırmaq mümkün deyil. Qiymət təxminən bir kilovat-saat üçün 32 sentdir. İsveçrədə, Niderlandda, İspaniyada, Finlandiyada, Böyük Britaniyada isə tariflər 20-28 sent arasında dəyişir. İsraildə isə elektrik enerjisinin kilovat-saatı əhaliyə 18 sentə satılır. Türkiyədə, Monteneqroda, Bolqarıstanda bir kilovat-saatın qiyməti müvafiq olaraq 16, 15 və 11 sentdir. ABŞ-da da qiymət yüksək hesab olunur və 12-13 sent arasındadır. Çində, Hindistanda, Misirdə qiymətlər 7,5-10 sent arasında dəyişir. Türkmənistan keçən il tarifi iki dəfə qaldırıb və hazırda qiymət 9 sentə bərabərdir. Paraqvay, Vyetnam və BƏƏ-də elektrik enerjisinin tarifləri eynidir və 8 sentdir. Ümumi götürdükdə elektrik enerjisinin dünya üzrə orta qiyməti 8-20 sent arasında dəyişir və bu, əhalinin gəlirlərindən asılı deyil.

Göründüyü kimi, digər ölkələrlə müqayisədə Azərbaycanda elektrik enerjisinin qiyməti aşağıdır.

Sözügedən məsələ ilə bağlı fikirlərini "Bakı-Xəbər"lə bölüşən ekspert Rəsul Cahangirlinin sözlərinə görə, istər son qiymət artımından sonra, istərsə də ondan əvvəl Azərbaycanda elektrik enerjisinin qiyməti aşağı olub: "Son qiymət artımı da digər ölkələrlə müqayəisədə elə də yüksək deyil. Əksinə, bir qədər də aşağıdır. Düşünmürəm ki, elektrik enerjisinin qiymətinin 1 qəpik artırılması iqtisadiyyata hansısa bahalaşma yönündə təsir göstərsin. Əksinə, enerji sektorunda rentabelliyin təmin edilməsi baxımından bu addımın atılması lazım idi. Digər tərəfdən məlum qiymət artımı imkan verəcək ki, elektrik enerjisindən daha qənaətcil və səmərəli istifadə olunsun. Məsələ ondadır ki, əvvəllər enerjinin ucuz olması səbəbindən, fərdi istehlakçılarla yanaşı, sahibkarlar da enerji sərfiyyatında israfçılığa yol verirdi. Bu da ölkə iqtisadiyyatına ziyan vururdu. Əvvəllər qonşu Türkmənistan elektrik enerjisini əhaliyə pulsuz verirdisə, artıq neçə vaxtdır bundan imtina edib. Deməyim odur ki, bir sıra iqtisadi reallıqları düzgün dəyərləndirmək lazımdır. Azərbaycan, əvvəl-axır, elektrik enerjisinin qiymətini artırmalı idi".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...