Maliyyə Nəzarət Palatasının sığorta şirkətlərinə tutduğu bir neçə ciddi iradın əsasları varmı?

Tarix: 15.07.2016 / 02:25
Bölmə: İqtisadiyyat

Xəyal Məmmədxanlı: "Sığorta agentliklərinə keyfiyyətli xidmət üçün rəqabət imkanı yaradılmalıdır"

"Sığorta agentliklərində neqativ halların aradan qaldırılması şərtdir"

Maliyyə Bazarlarına Nəzarət Palatası (MBNP) fiziki və hüquqi şəxs olan sığorta vasitəçilərinə ayrı-ayrılıqda müraciət edib. Müraciətlər MBNP-nin baş icraçı direktoru İbrahim Alışovun və qurumun Sığorta bazarına nəzarət departamentinin direktoru Fuad Sadıqovun adından edilib.

Müraciətlərdə bildirilir ki, Palata sığorta bazarını təhlil edərkən sığorta müqavilələrinin rəsmiləşdirilməsi ilə bağlı istehlakçıların hüquqlarının və qanunvericiliyin tələblərinin kobul şəkildə pozulması halları aşkar edib. Bunlar həm fiziki, həm də hüquqi şəxs olan sığorta vasitəçilərinin yol verdiyi icbari sığorta müqavilələri üzrə endirimlərin və hədiyyələrin verilməsi, icbari sığorta haqlarının hissə-hissə ödənilməsi, hesabatlılığın təmin olunmaması kimi nöqsanlardır. Ayrıca olaraq hüquqi şəxslər isə əmək müqaviləsi ilə çalışan və attestasiyadan keçmiş işçilər barədə məlumatları MBNP-ya təqdim etmir, "Sığorta fəaliyyəti haqqında" Qanunun 94-cü maddəsinin tələbinə zidd olaraq digər fəaliyyət növləri ilə məşğul olurlar.

MBNP bəyan edib ki, bu cür hallara yol verən sığorta vasitəçilərinə qarşı qanunvericilikdə nəzərdə tutulmuş təqdimat və sanksiyalar tətbiq ediləcək. Nöqsanlar təkrarlanacağı halda vasitəçilərin lisenziyalarının qüvvəsi dayandırılacaq və yaxud ləğv ediləcək.

Bəzi nöqsanlara görə isə sığorta vasitəçiləri təkcə lisenziyadan məhrum edilməyəcək, onlar həm də İnzibati Xətalar və Cinayət məcəllələrinə əsasən cinayət məsuliyyəti daşıyacaq. Söhbət icbari sığorta şəhadətnaməsinin istehlakçılara daha ucuz satılması üçün məlumatların qəsdən səhv yazılması, lisenziya olmadan agent fəaliyyəti ilə məşğul olmaq, icbari sığorta şəhadətnaməsinin satılaraq itməsinin elan olunması, icbari sığorta blanklarının saxtalaşdırılması (müştərilərə surətinin təqdim edilməsi) kimi hallardan gedir.

Maliyyə Bazarlarına Nəzarət Palatasının sığorta şirkətlərinə ünvanladığı müraciətdə onlara ciddi xəbərdarlığını ekspertlər müsbət qarşılayır.

Sığorta məsələləri üzrə ekspert Xəyal Məmmədxanlı "Bakı-Xəbər"ə açıqlamasında qeyd etdi ki, sığorta agentliklərinin fəaliyyəti hələ tam formalaşmayıb: "Bu günə kimi sığorta bazarında bəzi neqativ hallar mövcuddur. Güzəşt və endirim etməklə müştəri cəlb etməyə çalışırlar, həmçinin, onlara məxsus sirlərin yayılması kimi neqativ hallara yol verilib. Yaranmış vəziyyəti düzəltmək üçün Maliyyə Bazarlarına Nəzarət Palatasının belə bir qərar verməsi gözlənilən idi".

Həmsöhbətimizin fikrincə, sığorta şirkətlərinə müəyyən zaman verilməlidir ki, onlar öz fəaliyyətində dönüş etsin. Bütün dünyada sığortanın bütün növlərini sığorta agentləri təbliğ edir: "Sığorta şirkətlərinin özü heç vaxt sığorta satışı ilə məşğul olmur. Onların yeganə işi risqləri qiymətləndirmək və idarə etməkdir. Yerdə qalan bütün satışlarla isə sığorta agentləri məşğul olur. Ancaq bizdə isə vəziyyət başqa cürdür. Sığorta agentliklərinin bilik səviyyəsi çox aşağı səviyyədədir".

X.Məmmədxanlı onu da əlavə etdi ki, sığorta agentliklərinin fəaliyyəti standart olarsa, o zaman onlara nə ehtiyac var? Sığorta şirkətlərindən onlayn şəkildə məhsul almaq da mümkündür: "Bu səbəbdən düşünürəm ki, sığorta agentliklərinə keyfiyyətli xidmət üçün rəqabət imkanı yaradılmalıdır. Neqativ halların aradan qaldırılması da şərtdir. Sığorta agentliklərinin inkişafı istiqamətində hələ istənilən nəticə əldə olunmayıb. Təəssüf ki, bu bazar cılız səviyyədədir".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...