Azərbaycanda torpaqdan səmərəsiz istifadəyə görə cəzalar dövrü başlayır

Tarix: 15.07.2016 / 02:14
Bölmə: İqtisadiyyat

Zakir Əhmədov: "Maksimum çalışmaq lazımdır ki, ölkədə aqrar sahə inkişaf etsin"

"İstifadəsiz qalan torpaqların dövriyyəyə cəlb olunması müəyyən zaman tələb edir"

İlham Əliyevin iyulun 10-da Nazirlər Kabinetinin iclasında istifadəsiz qalan və zəbt olunmuş torpaqlarla bağlı ifadə etdiyi mövqe geniş müzakirə olunmaqdadır. Dövlət başçısının sözlərinə görə, torpaqlardan səmərəli istifadə edilməlidir:

"Xüsusilə nəzərə alsaq ki, neftdən gələn gəlirlərin həcmi azalıb, biz bu gəlirləri müəyyən mənada kənd təsərrüfatı məhsullarının ixracı ilə kompensasiya etməliyik. Ona görə torpaqlardan səmərəli şəkildə istifadə əsas vəzifədir. Bəzi hallarda torpaqlar zəbt edilib. Minlərlə torpaq sahələri hasarlanıb. Orada heç bir fəaliyyət göstərilmir. Mən göstəriş vermişəm, arayış da hazırlayıb veriblər və orada dövlət məmurlarının da adları var. Zəbt edilmiş o torpaqların bir hissəsi onlara məxsusdur. Bu yolverilməzdir. Əgər səmərəli şəkildə istifadə edilmirsə, həmin torpaqlar sahibkarlardan və yaxud da ki, digər şəxslərdən alınmalıdır və o insanlara verilməlidir ki, onlar əkib-becərsinlər".

Bu arada Prezident İlham Əliyev "Azərbaycan Respublikasında daşınmaz əmlakın kadastrı sisteminin inkişafı, torpaqdan istifadənin və onun mühafizəsinin səmərəliliyinin artırılmasına dair 2016-2020-ci illər üçün Dövlət Proqramı"nın təsdiq edilməsi haqqında Sərəncam imzalayıb.

Nəzərə alsaq ki, Azərbaycanın torpaq ehtiyatları o qədər də böyük deyil, o baxımdan ehtiyatlardan maksimum səmərəli və düzgün istifadə etmək lazımdır. Çünki dünyadakı mövcud iqtisadi-sosial reallıqlar bunu tələb edir.

Məsələyə münasibət bildirən ekspert Zakir Əhmədovun sözlərinə görə, Azərbaycanda qeyri-neft sektorunun inkişafı kənd təsərrüfatının inkişaf etdirilməsindən keçir: "O üzdən maksimum çalışmaq lazımdır ki, ölkədə aqrar sahə inkişaf etsin.

Elə mexanizm qurulmalıdır ki, aqrar sahədə çalışanlar məhsulun bazara çıxarılması, satılması problemi ilə üzləşməsin. Təəssüflər olsun ki, bu sahədə olan problemlər torpağa marağı, ondan səmərəli istifadə olunması həvəsini aşağı salır. Nəticədə ya torpaqlar istifadəsiz qalır, ya da kimlərsə tərəfindən zəbt olunur. Aqrar sahənin inkişafı üçün güzəştli kreditlərin verilməsindən, subsidiyaların ayrılmasından dəfələrlə danışılıb. Ancaq görünən odur ki, bu sahədə hələ çox iş görülməlidir. İstifadəsiz qalan torpaqların dövriyyəyə cəlb olunması müəyyən zaman tələb edir. Çünki həmin torpaqların istifadəyə hazır vəziyyətə gətirilməsi qısa müddətə mümkün deyil. İstifadəyə başlayandan və bəlli bir müddətdən sonra görülən işlər öz müsbət nəticəsini verər. Ona görə də bu yöndə ciddi iş aparılmalıdır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...