Azərbaycanda alış-veriş edən xaricilərin mənafeyi üçün mühüm dövlət qərarı verildi

Tarix: 14.07.2016 / 02:38
Bölmə: İqtisadiyyat

Vüqar Bayramov: "Bu, turistlərə daha çox alış-veriş etmək üçün stimul yaradır"

"Bu imkan verəcək ki, ölkədə xidmət sektorunun dövriyyəsi genişlənsin, dövriyyəyə daha çox xarici valyuta daxil olsun"

Məlum olduğu kimi, Prezident İlham Əliyev "Əcnəbilər və vətəndaşlığı olmayan şəxslər tərəfindən Azərbaycan Respublikasının ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması Qaydası"nın təsdiq edilməsi haqqında Fərman imzalayıb.

Fərmana əsasən, əcnəbilər və vətəndaşlığı olmayan şəxslər tərəfindən Azərbaycan ərazisində alınmış, istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin (ƏDV) qaytarılması qaydası müvafiq icra hakimiyyəti orqanı tərəfindən müəyyən edilir.

Bununla əlaqədar vergi ödəyicisinə ƏDV-nin qaytarılması şərti ilə satışı həyata keçirmək üçün müvafiq icra hakimiyyəti orqanının müəyyən etdiyi formada ərizə ilə vergi orqanlarına müraciət etmək hüququ verilir. Müvafiq olaraq vergi orqanlarının vəzifələri sırasına isə ƏDV-nin qaytarılması şərti ilə satışı həyata keçirmək üçün müvafiq icra hakimiyyəti orqanının müəyyən etdiyi qaydada vergi ödəyicilərinin qeydiyyatını aparmaq, satıcı kimi qeydiyyata alınmış vergi ödəyicilərinin müraciəti əsasında onları müvafiq proqram təminatı və texniki avadanlıqlarla təchiz etmək, ƏDV-nin qaytarılması sisteminin təşkili ilə bağlı müəyyən edilmiş gömrük-sərhəd buraxılış məntəqələrində zəruri infrastrukturun yaradılmasını təmin etmək əlavə edilib.

Qeyd edək ki, Vergi Məcəlləsinə edilən bu dəyişikliklər Azərbaycana xarici turistləri cəlb etmək və onlar tərəfindən ölkə ərazisində mal və məhsulun alışını təşviq etmək məqsədi güdür. Azərbaycanda əcnəbilər və vətəndaşlığı olmayan şəxslər tərəfindən ölkə ərazisində alınmış, istehsal, yaxud kommersiya məqsədləri üçün nəzərdə tutulmayan mallara görə ödənilən əlavə dəyər vergisinin qaytarılması sisteminin (Tax Free) tətbiqi əmtəə dövriyyəsinin artması ilə nəticələnməlidir.

Maraqlıdır, ekspertlər bunu necə dəyərləndirir?

Məsələyə münasibət bildirən iqtisadçı-ekspert Vüqar Bayramovun sözlərinə görə, bu sistem hazırda dünyanın əksər ölkələrində işləyir və xarici təcrübədə müsbət nümunələri var: "Tax Free" sistemi hazırda 50-dən artıq ölkədə işləyir. Dünyanın digər regionları ilə müqayisədə bu sistem daha çox Avropada yayılıb. "Tax Free" sisteminin mahiyyəti ölkələrin hamısında eynidir. Bu sistemin mahiyyəti ondan ibarətdir ki, turistin ölkədə alış-veriş etdiyinə görə ödədiyi ƏDV o ölkəni tərk etməmişdən öncə sərhəddə ona geri qaytarılır. Məsələn, əcnəbi Azərbaycanda 1000 dollar dəyərində alış-veriş edir. Həmin 1000 dollar dəyərində alış-veriş etdiyinə görə 180 dollar ƏDV ödəyir. Yeni sistemə əsasən, turist 180 dolları ölkəni tərk etməmişdən öncə hava limanları, dəmir yolu vağzallarından geri alacaq. Bu sistemin tətbiq edilməsinin üstünlüyü ondan ibarətdir ki, Azərbaycanda turizm sektorunun inkişafını stimullaşdırır. Turist ölkəyə gələn zaman ödənişlər etdikdən sonra çeklərini götürəcək və ölkəni tərk edən zaman xüsusi blank formasını dolduracaq, həmin blankları xüsusi xidmət şöbələrinə təqdim edərək ödədiyi vergini geri alacaq. Hazırkı iqtisadi şəraitdə Azərbaycan turistlər üçün qiymət baxımından daha cəlbedici olub. Bu isə turistlərə daha çox alış-veriş etmək üçün stimul yaradır. Nəticə etibarilə xidmət sektoru turistlərin Azərbaycanda olmasından faydalana biləcək. Burada xidmət sektorunun, mağazaların itirəcəyi bir şey yoxdur, əksinə, daha çox qazanırlar, çünki turist ölkədə daha çox pul xərcləyir.

Sadəcə, dövlət həmin vergiləri geri qaytarır. Bir növ, alış-verişi və xidməti turistlər üçün vergisiz edir. Bu imkan verəcək ki, ölkədə xidmət sektorunun dövriyyəsi genişlənsin, dövriyyəyə daha çox xarici valyuta daxil olsun. Bu isə Azərbaycanda qeyri-neft sektorunun inkişafı baxımından vacibdir".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...