Prezident yerli malları idxal qiymət təzyiqindən qoruyan həlledici sözü dedi...

Tarix: 13.07.2016 / 02:46
Bölmə: İqtisadiyyat

Rəsul Cahangirli: "Hesab edirəm ki, daxili bazarı qorumaqdan ötrü bu istiqamətdə mütləq müəyyən addımlar atılmalıdır"

"Elə mexanizm qurulmalıdır ki, kəndli, sahibkar məhsulun satış problemi barədə düşünməsin"

"İdxal, məncə, ümumiyyətlə, bir anlayış kimi olmamalıdır". Bunu Prezident İlham Əliyev Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında bildirib.

Prezidentin fikrincə, bəzi məhsulların idxalı üzrə gömrük rüsumları artırılmalıdır: "Ancaq indi biz yəqin ki, idxala çeşidlərin müxtəlifliyinə görə yol verməliyik. Çünki bəzi insanlar xarici mallara öyrəşib, onları daha çox üstün tutur. Ona görə biz idxalı dayandıra bilmərik. Ancaq gömrük rüsumları elə tətbiq edilməlidir ki, yerli məhsullara hər kəs üstünlük versin".

Prezident bildirib ki, yerli məhsullardan əldə edilən vəsait Azərbaycanda qalır: "İkincisi, yerli məhsul keyfiyyətlidir. Orada heç bir kimyəvi, yaxud da ki, insan orqanizmi üçün təhlükəli maddələr yoxdur. Xarici məhsulların bəzilərində, əfsuslar olsun ki, belə maddələr var".

Ölkə başçısı yerli istehsalı sürətləndirmək üçün tənzimləyici tədbirlərin görülməli olduğunu vurğulayıb. "Azərbaycan kimi ölkədə kənd təsərrüfatı məhsullarının idxalı mənə bir az qəribə görünür. Ona görə biz həm keyfiyyətli məhsul yetişdirməliyik, həm özümüzü tam təmin etməliyik və əlbəttə ki, daxili bazarımızı qorumalıyıq".

Maraqlıdır, ekspertlər Prezidentin gömrük tariflərinin artırılması ilə bağlı çağırışını necə dəyərləndirir?

Məsələyə münasibət bildirən ekspert Rəsul Cahangirli Prezidentin gömrük rüsumlarının artırılması ilə bağlı çağırışını dəstəklədiyini bildirdi: "Hesab edirəm ki, daxili bazarı qorumaqdan ötrü bu istiqamətdə mütləq müəyyən addımlar atılmalıdır. Bu nəinki Azərbaycanda, bir sıra ölkələrdə illərdir sınaqdan keçirilən metoddur. Yəni yerli istehsalı qorumaq üçün idxal olunan məhsullara tətbiq olunan gömrük rüsumları artırılır. Belə olmasa, o zaman yerli istehsal tənəzzülə uğrayacaq və tamamilə idxaldan asılı vəziyyətə düşəcək. Bu da dövlətin gələcəyi üçün yaxşı heç nə vəd etmir. Azərbaycanda bir sıra kənd təsərrüfatı məhsullarının becərilməsi və istehsalı üçün əlverişli iqlimin, münbit torpaqların olmasına rəğmən, istehsal aşağı səviyyədədir. Çünki bir sıra hallarda həmin məhsullar idxal olunan ucuz mahsullarla rəqabət apara bilmir.

Nəticədə məhsulu dəyər-dəyməzə satan fermer növbəti dəfə bunda maraqlı olmur. Bu da avtomatik olaraq yerli istehsala mənfi təsir göstərir.

Ona görə də, Prezidentin qeyd etdiyi kimi, elə gömrük rüsumları tətbiq edilməlidir ki, alıcılar yerli məhsullara üstünlük versin.

Yerli istehsal yeni iş yerləri, əhalinin rifah halının yüksəlməsi deməkdir. Digər tərəfdən, elə mexanizm qurulmalıdır ki, kəndli, sahibkar məhsulun satış problemi barədə düşünməsin. Bununla bağlı sifarişlər olunmalı və yerindəcə məhsul təhvil alınmalıdır".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...