Prezident İlham Əliyev dərmanların milli istehsalını qəti şəkildə qoydu...

Tarix: 13.07.2016 / 02:36
Bölmə: İqtisadiyyat

Adil Qeybulla: "Azərbaycanda dərman istehsal olunarsa, bu, yerli preparatların dünya bazarına çıxmasına səbəb olar"

Naibə Mehdiyeva: "Azərbaycanda 284 növ arsenal dərman bitkisi var, onlardan istifadə olunsa, bu sahəni inkişaf etdirmək olar"

Azərbaycanda dərman preparatlarının istehsalı üçün ciddi proqram hazırlanır. Bunu Prezident İlham Əliyev iyulun 10-da Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclasında deyib.

Dövlət başçısı qeyd edib ki, Azərbaycanda bir sahə var ki, o, demək olar, heç inkişaf etməyib. Həm özəl sektor maraq göstərməyib, həm də dövlət bu sahəni bir qədər diqqətdən kənarda saxlayıb. Bu da dərman preparatlarının istehsalıdır: "Biz, demək olar ki, 100 faiz idxaldan asılıyıq. Düzdür, son vaxtlar bu sahədə görülmüş tədbirlər nəticəsində dövlət tənzimləyici rolunu oynayır. İqtisadiyyat Nazirliyi Səhiyyə Nazirliyi ilə birlikdə artıq bir ildən çoxdur ki, bu məsələ ilə məşğuldur. Nəticədə dərman preparatlarının qiymətində çox ciddi azalma müşahidə olunur. Eyni zamanda, artıq keyfiyyətə də çox ciddi nəzarət edilir. Baxmayaraq ki, manatın məzənnəsi aşağı düşüb və biz idxaldan tam asılıyıq, görülmüş tədbirlər, dövlətin müsbət mənada müdaxiləsi nəticəsində burada qiymətlərdə sabitləşmə var. Bir çox dərman preparatlarının qiymətləri aşağı düşüb. Ancaq indi vaxt gəlib çatıb ki, Azərbaycanda dərman preparatlarının istehsalına başlansın".

Prezident bildirib ki, müvafiq göstərişlər verilib, bir neçə xarici şirkətlə danışıqlar aparılır, böyük maraq var: "Çünki Azərbaycan bazarı kifayət qədər böyük bazardır. Azərbaycan əhalisinin sayı 10 milyona yaxınlaşır və dinamika da müsbətdir. Ona görə xarici firmalar böyük maraq göstərir. Biz bundan istifadə etməliyik. Dərman preparatlarının istehsalı üçün indi ciddi bir proqram hazırlanır və bir klastr yaradılmalıdır. Beləliklə, həm bu sahədə də sənaye potensialı inkişaf edəcək, idxaldan asılılıq azalacaq və həm də vətəndaşlarımızı daha keyfiyyətli dərmanlarla təmin edə bilərik. Hesab edirəm ki, ilin sonuna qədər bütün danışıqlar prosesi, bütün təşkilati məsələlər öz həllini tapmalıdır. Bu il artıq biz dərman fabriklərinin tikintisinə başlamalıyıq".

Azərbaycanın özünün dərman istehsalı ilə məşğul olması barədə fikir bildirən tibb sahəsi üzrə ekspert, professor Adil Qeybulla "Bakı-Xəbər"ə açıqlamasında qeyd etdi ki, milli tibb sənayesi sovet dönəmində də olub: "Əvvəllər Azərbaycanda dərman istehsal edən farmokoloji zavod olub. Həmin zavodda istehsal olunan dərmanlar yüksək keyfiyyətli və mürəkkəb texnologiyalı preparatlar olmasa da, tələbat olub. Amma bu gün dərman istehsalı ilə bağlı müştərək firmaların yaradılması milli əczaçılıq sənayesinin inkişafı baxımından çox mühüm hadisə olardı. Yaxşı olar ki, müştərək şirkətlər dünyanın tanınmış firmaları və istehsal edilən preparatlar yüksək keyfiyyətli olsun".

Həmsöhbətimizin sözlərinə görə, Azərbaycanda dərman istehsal olunarsa, bu, yerli preparatların dünya bazarına çıxmasına səbəb olar: "Həmçinin, daxili bazar yerli dərmanlarla təmin olunar".

Biologiya üzrə elmlər doktoru Naibə Mehdiyeva "Bakı-Xəbər"ə açıqlamasında qeyd etdi ki, Azərbaycanda 284 növ arsenal dərman bitkisi var: "Dərman istehsalında həmin bitkilərdən istifadə olunsa, bu sahəni inkişaf etdirmək olar. Bu bitkilərdən dərman hazırlanarsa, tək yerli tibb deyil, xarici ölkələr də həmin preparata maraq göstərər".

Həmsöhbətimiz onu da əlavə etdi ki, Azərbaycan florasında 1550 dərman bitkisi var. Ancaq onlardan 284 növü arsenal dərman bitkisi sayılır: "Qalanları isə xalq təbabətində istifadə olunur. Arsenal dərman bitkisindən müxtəlif növ preparat hazırlamaq olar. Onu da deyim ki, arsenal dərman bitkilərindən bir neçəsinin adı Qırmızı kitaba salınıb. O bitkilərin inkişafı üçün təsərrüfatlar yaradılmalıdır".

Günel CƏLİLOVA

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...