Fındıqçılıq Azərbaycana nəinki 90 milyon manat...

Tarix: 13.07.2016 / 02:38
Bölmə: İqtisadiyyat

Oqtay Haqverdiyev: "İmkan dairəsində fındıq istehsalını və ixracını artırmaq olar"

"Dövlət fermerlərə, sahibkarlara sərfəli şərtlər çərçivəsində kredit verməlidir ki, fındıqçılıq daha da inkişaf etsin"

Prezident İlham Əliyev Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında çıxış edərək bir sıra məsələlərə toxunub.

Taxılçılıq, pambıqçılıq kimi sahələrə toxunan Prezident deyib ki, kənd təsərrüfatı məhsullarının istehsalı ilə maraqlananda maraqlı bir mənzərə ortaya çıxır. Məlumdur ki, ən çox valyuta gətirən məhsullardan biri də fındıqdır: "Ancaq qeyd etməliyəm ki, dövlət fındıqçılığın inkişafına o qədər də böyük dəstək verməyib. Keçən il fındığın ixracından Azərbaycana 90 milyon dollar vəsait gəlib. Fındıqdan sonra ən çox valyuta gətirən məhsul xurmadır. Yəni bütün bunları biz bilməliyik və bu sahələrə çox ciddi dövlət dəstəyi verilməlidir.

Ona görə mən Prezident Administrasiyasına, Kənd Təsərrüfatı Nazirliyinə, İqtisadiyyat Nazirliyinə, digər aidiyyəti qurumlara göstəriş verirəm ki, bu sahələrdə çox ciddi dövlət dəstəyi olmalıdır və beləliklə, biz yığılan məhsulun həcmini artırmalıyıq. Fındıq istehsalında Azərbaycan dünya miqyasında 3-cü, 4-cü yerdədir. Bizim məhsulumuza çox böyük tələbat var. Təkcə şimal-qərb zonasında deyil, bir çox rayonlarda fındıq istehsalı mümkündür. Ona görə bütün rayonlar üzrə araşdırmalar aparılmalıdır, harada münbit iqlim şəraiti var, dövlət burada çox ciddi dəstəyini göstərməlidir ki, fındıqçılıq sürətlə inkişaf etsin və insanlar daha çox pul qazansınlar".

Maraqlıdır, dövlət səviyyəsində fındıqçılığın inkişafına dəstək verilərsə, o zaman Azərbaycanın bundan əldə etdiyi gəlirlər hansı həddə qədər yüksələ bilər?

Məsələyə münasibət bildirən iqtisadçı-ekspert Oqtay Haqverdiyevin sözlərinə görə, dövlət səviyyəsində bu sahəyə diqqət ayrılsa, Azərbaycanın fındıq ixracından əldə etdiyi gəlirlər bir neçə dəfə arta bilər: "Düzdür, fındıqçılıq Azərbaycan iqtisadiyyatında o qədər də böyük çəkiyə malik deyil. Ancaq diqqət yönəldilsə, onun payı indikindən çox olacaq. Azərbaycanın iqlim şəraiti elədir ki, ölkədə fındıq yetişir. İmkan dairəsində fındıq istehsalını və ixracını artırmaq olar. Bunun üçün də əlbəttə ki, investisiya lazımdır. Dövlət fermerlərə, sahibkarlara sərfəli şərtlər çərçivəsində kredit verməlidir ki, fındıqçılıq daha da inkişaf etsin. O baxımdan hesab edirəm ki, Prezidentin bununla bağlı səsləndirdiyi fikirlər yaxşıdır. İqtisadçı olaraq hesab edirəm ki, fındıqçılığın inkişafı ilə özəl sektor məşğul olmalıdır. Bununla bağlı dövlətin üzərinə düşən vəzifə buna hərtərəfli şərait yaratmaqdır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...