İllər boyu mənzilə əlçatmaz baxan kasıblara Prezident müşavirəsindən müjdə...

Tarix: 13.07.2016 / 01:31
Bölmə: İqtisadiyyat

Müəyyən müddətdir özünün durğunluq dövrünü yaşayan tikinti sektorunda vəziyyət dəyişir. Buna səbəb dövlətin prosesə müdaxilə etməsi və sözügedən sahədə mühüm yeniliklərə start verməsidir. Söhbət sosial evlərin inşasından gedir. Qeyd edək ki, bu məsələyə Prezident İlham Əliyev Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında xüsusi toxundu.

Dövlət başçısının sözlərindən belə bəlli olur ki, artıq cari il ərzində sosial evlərin tikintisi prosesinə start verilə bilər. İlham Əliyev bu xüsusda qeyd etdi: "Bu il biz sosial mənzillərin inşasına başlamaq fikrindəyik. Mənzil İnşaatı Dövlət Agentliyi - MİDA yaradılıb. Onun əsas vəzifəsi aztəminatlı ailələrə çox əlverişli şərtlərlə mənzillərin verilməsidir. Eyni zamanda, bu proses kütləvi xarakter alandan sonra bunun inşaat və tikinti materialları istehsalı sektorlarına və beləliklə, sənaye potensialımıza çox müsbət təsiri olacaq. İndi hazırlıq işləri aparılır. Ümid edirəm ki, bu il artıq praktiki addımlar atılacaq və bu yeni sosial təşəbbüs çox geniş vüsət alacaqdır". Dövlət başçısı diqqətə çatdırdı ki, artıq aztəminatlı ailələr üçün ucuz mənzillərin inşası prosesi başlayır: "Bu mənzillər uzunmüddətli güzəştli şərtlərlə aztəminatlı vətəndaşlara veriləcək. Bu çox ciddi sosial təşəbbüsdür. Bu, geniş vüsət almalıdır. Hər bir bölgədə, hər bir rayonda buna ehtiyac var".

Məlumat üçün bildirək ki, aztəminatlı ailələrin mənzil probleminin həlli üçün şəhərlərdə, eləcə də rayon mərkəzlərində sosial mənzillərin tikintisi ilə bağlı 50 hektar sahə ayrılıb. Perspektivdə isə belə torpaq sahələrinin genişləndirilməsi nəzərdə tutulur. Daha bir mühüm məqam odur ki, sosial evlərin tikintisi aztəminatlı ailələrin mənzil problemini aradan qaldırmaqla yanaşı, regionlarda minlərlə iş yerinin açılmasına imkan yaradacaq.

Qeyd edək ki, sosial evlər mənzil almaq imkanı və imtiyazları olmayan, gəlirləri orta və ortadan aşağı olan insanlar üçün nəzərdə tutulur. Azərbaycanda mənzilə ehtiyacı olan insanların sayının çox olduğuna diqqət çəkən ekspertlər bildirir ki, belə insanların bir qismi ipoteka kreditləşməsi vasitəsilə mənzilə olan tələbatını ödəməyə çalışır, şəhid ailələri, məcburi köçkünlər isə dövlət tərəfindən mənzillə təmin edilir. Amma digər kateqoriyalı insanların mənzillə təminatında çox ciddi çətinliklər var. Sosial evlər məhz bu kateqoriyadan olan, yəni mənzil almaq imkanı və imtiyazları olmayan, gəlirləri orta və ortadan aşağı olan insanlar üçün nəzərdə tutulur. Özü də belə evlərin inşası üçün Azərbaycanın maliyyə imkanları qonşu ölkələrlə müqayisədə daha yüksəkdir. Torpaq sahələri dövlət tərəfindən təmin edilən belə mənzillərin kvadratmetrinin, ən baha qiymətlərlə belə, 250 manata başa gələcəyi proqnozlaşdırılır. Belə evlərin tikintisi həm də mənzil bazarında qiymət azalmalarına səbəb olacaq. Bu da, hətta sosial mənzil fondundan istifadə etməyənlərə də əlverişli qiymətlərlə mənzil almaq imkanı verir. Ən əsası isə, bu hal aztəminatlı ailələri yüksək kirayə haqları ödəməkdən azad edəcək, eyni zamanda kirayə bazarında qiymətləri stabilləşdirəcək. Həmçinin, dövlət sifarişləri əsasında mənzil tikintisi regionların tarazlı inkişafını təmin edə bilər. Çünki belə evlər, yuxarıda qeyd olunduğu kimi, sadəcə paytaxtda deyil, eləcə də regionlarda da inşa olunacaq.

Beləliklə, bütün bunlar əhalinin sosial vəziyyətinə, mənzil probleminin həllinə müsbət təsir edəcək. Amma tikinti sektorunda canlanma təkcə sosial evlərin inşası hesabına yaranmayacaq. Dövlət həm də ipoteka kreditləşməsi vasitəsilə bu sektorda vəziyyəti dəyişməyi düşünür. Elə bu xüsusda daha bir vacib məqam ipoteka kreditləşməsi ilə bağlıdır. Yaxın vaxtlarda ipoteka kreditləri sahəsində dəyişikliklərə başlanacaq. Mərkəzi Bank yanında İpoteka Fondunun açıq səhmdar cəmiyyətə çevrilməsi ilə bağlı işlər artıq başa çatıb. Xatırladaq ki, "Azərbaycan İpoteka Fondu" ASC-nin yaradılması ilə bağlı Prezident İlham Əliyev ötən il oktyabrın 27-də fərman imzalayıb. Fərmanda İpoteka Fondunun hüquqi təşkilati formasının dəyişdirilməsi ilə yanaşı, Azərbaycanda ipoteka kreditlərinin şərtlərinə yenidən baxılması və dəyişdirilməsi də nəzərdə tutulub. Artıq proses başa çatdığından, ipoteka kreditləşməsi hesabına da mənzil bazarında aktivlik yaranacaq. Bu da, öz növbəsində, tikinti sektorunu canlandıran əsas cəhətlərdən biri olacaq.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...