Kiçik və orta sahibkarlıq - Prezidentin hər çıxışda toxunduğu sahə...

Tarix: 12.07.2016 / 01:40
Bölmə: İqtisadiyyat

Rüfət Quliyev: "Sahibkarlığın inkişafı istiqamətində, az da olsa, irəliləyiş hiss olunur"

"Telekanallarda kiçik və orta sahibkarlığın inkişafı mövzusunda verilişlər açılmalıdır"

Orta və kiçik sahibkarlıq hər bir ölkə iqtisadiyyatının dayaq sütunudur. Azərbaycanda daim diqqətdə saxlanan bu sahənin inkişafı üçün qəbul olunan qərarlar böyük əhəmiyyət daşıyır. Hətta ölkə başçısı İlham Əliyev dəfələrlə öz çıxışında bildirib ki, iqtisadiyyatın inkişafı üçün kiçik və orta sahibkarlığa lazımi şərait yaradılmalıdır.

İyulun 10-da Azərbaycan Prezidenti İlham Əliyevin sədrliyi ilə keçirilən Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında da bu məsələyə toxunulub. Prezident kiçik və orta sahibkarlığın gücləndirilməsi ilə bağlı tapşırıqlarını da verib.

Mövzu ilə əlaqədar fikir bildirən Milli Məclisin İqtisadi siyasət, sənaye və sahibkarlıq komitəsinin üzvü, millət vəkili Rüfət Quliyev "Bakı-Xəbər"ə açıqlamasında qeyd etdi ki, sahibkarlığın inkişafı istiqamətində, az da olsa, irəliləyiş hiss olunur: "Bir müddət əvvəl paytaxt Bakıya gələn rayon camaatı artıq geriyə, öz yurdlarına qayıdır. Rayona qayıdanlar aqrar sahə ilə məşğul olur".

R.Quliyevin sözlərinə görə, kiçik və orta sahibkarlığın inkişafı üçün dövlət tərəfindən müəyyən proqramlar hazırlanır: "Həmin proqramlara əsasən, iş adamlarına mini-layihələr təqdim olunacaq. Bu növ dəstək İqtisadiyyat Nazirliyi yanında Sahibkarlığa Kömək Milli Fondunun (SKMF) xətti ilə verilən güzəştli kreditlərə alternativ sayıla bilər. Hökumət ekspertlərin iştirakı ilə ölkənin bütün regionlarında sahibkarların seçimini həyata keçirəcək. Məsələn, mütəxəssis rəyi əsasında 60 sahibkardan 30-40-ı seçiləcək. Bunlar o adamlar olacaq ki, öz işini bilir və müəyyən bacarıqlara sahibdir. Onlarla fərdi müqavilələr bağlanacaq. Dövlət bu insanlara maliyyə dəstəyi verməyəcək, yalnız bir neçə min manatdan on minlərlə manata qədər dəyəri olan hazır layihələr təqdim edəcək. Məsələn, sahibkarlara dövlət mülkiyyətində qalacaq kiçik buynuzlu mal-qara da verilə bilər. Bu heyvanları satmağa və yaxud kəsməyə icazə verilməyəcək. İş adamları onlardan yalnız bala ala bilər. Mini-layihələr bitkiçilik, tərəvəzçilik, bağçılıq, heyvandarlıq və digər sahələri əhatə edəcək. Amma bu, dövlətin biznesin inkişafına dəstək vermək üçün atmaq istədiyi yeganə addım deyil".

Həmsöhbətimizin fikrincə, kiçik və orta sahibkarlığın inkişafı KİV-dən də asılıdır. Millət vəkili hesab edir ki, sahibkarlığın inkişafı üçün telekanallarda sahibkarlıqla bağlı verilişlər olmalıdır: "Həmin verilişlərə sahibkarlar dəvət olunmalı və onlar öz məhsulunu nümayiş etdirməli, uğuru haqqında ictimaiyyətə məlumat verməlidir. Sahibkarlara şərait yaradılmalıdır ki, onlar öz məhsullarını televiziya vasitəsilə təbliğ etsin. Telekanallar "Sahibkar saatı" adlı veriliş aça bilər. Belə bir proqramın cəmiyyətə yalnız xeyri ola bilər. Həm insanlar maariflənər, həm də iqtisadiyyatımız inkişaf edər. Şou verilişlərdənsə belə proqramların olması daha məqsədəuyğundur".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...