Prezident ixracyönümlü iri sənaye müəssisələri ilə bağlı yeni mərhələ başlatdı...

Tarix: 12.07.2016 / 01:44
Bölmə: İqtisadiyyat

Ruslan Atakişiyev: "İri sənaye müəssisələrinin yaradılması üçün daxili və xarici investisiyaların cəlb olunması zəruridir"

"Bu sahədə böyük nailiyyətlər əldə etmək üçün hədəf kimi Avropa bazarlarının götürülməsi daha məqsədəuyğundur"

"İdxaldan maksimum dərəcədə asılılığımızı aradan götürmək və ixrac potensialımızı artırmaq gələcək fəaliyyətimiz üçün prioritet istiqamət olmalıdır. Bununla paralel olaraq ixrac bazarlarının araşdırılması və müəyyən edilməsi istiqamətində də ciddi işlər aparılmalıdır".

Bunu Prezident İlham Əliyev Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında deyib.

Dövlət başçısı qeyd edib ki, birjada satılan məhsullar üçün bazar axtarmağa ehtiyac yoxdur: "Ancaq biz gərək indi digər məhsullar üçün rəqabətə girək. Çünki indi dünyada ixrac bazarları uğrunda böyük rəqabət aparılır. Böyük dövlətlər, böyük firmalar o bazarları böyük dərəcədə bölüblər. Ona görə də bu bazarlara girmək üçün gərək böyük səylər göstərək".

Prezident İlham Əliyev ixracyönümlü iri sənaye müəssisələrinin yaradılması barədə tapşırıqlar verib: "Ölkədə dərman istehsalına başlanması, sənaye mərkəzlərinin yaradılması, bu il Mingəçevirdə yüngül sənaye müəssisəsinin təməlinin qoyulması, hər bir rayonun sənaye mərkəzinin yaradılması istiqamətində işlər davam etdirilir. Azərbaycanda xalçaçılıq sənayesinin, baramaçılığın və tütünçülüyün inkişafına dövlət dəstəyi bundan sonra da davam etdiriləcək".

İxracyönümlü sənayenin yaradılması ölkədə həm məşğulluğun səviyyəsinin artmasına, ən başlıcası isə, qeyri-neft sektorunun inkişafına gətirib çıxaracaq. Bu da, öz növbəsində, neftdən asılılığı əhəmiyyətli dərəcədə azaldacaq. Digər tərəfdən, bu, ölkə iqtisadiyyatının davamlı və dayanıqlı inkişafını təmin edəcək.

İqtisadi Resursların Öyrənilməsi Mərkəzinin sədri Ruslan Atakişiyevin fikrincə, sənayenin inkişafı dayanıqlı iqtisadi sistemin formalaşmasında böyük əhəmiyyət kəsb edir: "Bu sahənin inkişafı üçün bir sıra addımların atılmasına ehtiyac var. Bunlardan birincisi diversifikasiyadır. Ümumiyyətlə, Azərbaycanda iqtisadi zonalar üzrə sənaye sahələrinin rəqabətə davamlılığını artırmaq lazımdır. İqtisadiyyat Nazirliyinin investisiyaları cəlbetmə mərkəzlərində Azərbaycanın iqtisadi xəritəsi ilə tanış olsaq da, burada konkret olaraq bəzi layihələrin əsasında geniş araşdırmaların dayanmadığı üzə çıxır. Bu məsələdə Azərbaycanda ixtisaslaşma məsələlərinə diqqət yetirilməlidir. O sahələrə daha çox üstünlük verilməlidir ki, qarşılıqlı müqayisədə daha ucuz xammal cəlb etmək mümkün olsun. Həmin sahədə ixtisaslı kadr potensialı mövcud olsun. Eyni zamanda, istehsal olunan məhsulun xarici bazarlara çıxarılma imkanlarına da diqqət yetirmək lazımdır. Həyata keçirilən iqtisadi layihə daha böyük bazarları hədəf götürməlidir. Hazırda Azərbaycan məhsulları MDB ölkələri arasında daha çox tanınır. Bu sahədə böyük nailiyyətlər əldə etmək üçün hədəf kimi Avropa bazarlarının götürülməsi daha məqsədəuyğundur. Burada hədəf bazarların spesifik xüsusiyyətlərinin öyrənilməsi, beynəlxalq standartların tətbiq olunması önə çəkilməlidir. Söhbət ikimərhələli inkişafdan gedir: daxili bazarda özünü doğrultmaq və xarici bazara çıxmaq. Ona görə də ölkədə ilk növbədə azad rəqabət şəraitinin möhkəmləndirilməsinə ehtiyac var. Çünki rəqabət şəraitində böyüyən şirkət xarici bazarda da güclü mövqe formalaşdıra bilir. Təbii ki, burada investisiyaların cəlb olunması məsələsi öndə durur. İri sənaye müəssisələrinin yaradılması üçün daxili və xarici investisiyaların cəlb olunması zəruridir".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...