Prezidentin İqtisadi İslahatlar üzrə Köməkçi Xidməti islahatların araşdırılmasını davam etdirir

Tarix: 06.07.2016 / 01:48
Bölmə: İqtisadiyyat

İldırım Qurbanov: "Daxili bazarın qorunması istiqamətində tədbirlər artırılmalıdır"

"Azərbaycanda yerli istehsala ciddi dəstək vermək lazımdır"

Azərbaycan Respublikası Prezidentinin İqtisadi İslahatlar üzrə Köməkçisi Xidməti və İqtisadi İslahatların Təhlili və Kommunikasiya Mərkəzi Azərbaycanda aparılan davamlı iqtisadi islahatlara dair ictimai rəyi və yeni islahat təklifləri ilə bağlı fikirləri öyrənmək üçün online qaydada sorğularını davam etdirir.

İslahatların inklüzivliyini, əhatəliliyini və səmərəliliyini daha da artırmaq üçün sorğuda aşağıdakı suallara dair təkliflərin verilməsi xahiş olunur:

1. Azərbaycan Respublikasının gömrük qanunvericiliyində və inzibatçılığında hansı dəyişikliklərin edilməsini təklif edərdiniz?

2. Əmək və miqrasiya qanunvericiliklərində hansı dəyişikliklərin edilməsini təklif edərdiniz?

3. Sosial müdafiə ödənişləri sistemində hansı dəyişikliklərin edilməsini təklif edərdiniz?

Mülkiyyət növündən və təşkilati-hüquqi formasından asılı olmayaraq, bütün hüquqi şəxslər, fərdi sahibkarlar və vətəndaşlar sorğuda fəal iştirak etməyə dəvət edilir.

Maraqlıdır, bəs ekspertlər yuxarıda göstərilənlərdən hansını daha vacib hesab edir və hansı istiqamətdə islahatların aparılmasını məqsədəuyğun sayır?

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert İldırım Qurbanovun fikrincə, prinsip etibarilə, hər üç sahədə islahatların aparılmasına ehtiyac var. Ancaq daha vacibi gömrükdür: "Gömrük orqanlarının əsas fünksiyalarından biri də daxili bazarın qorunmasıdır. Daxili bazarın qorunması istiqamətində tədbirlər artırılmalıdır. Tutaq ki, hər hansı kənd təsərrüfatı məhsulu ölkə daxilində istehsal olunursa (misal üçün kartof) buna bazar yaratmaq məqsədilə gömrük orqanları xaricdən gələn eyni adlı məhsulun ölkəyə daxil olmasına mane olmaq üçün müəyyən tədbirlər görməlidir. Yəni həmin məhsula görə tətbiq olunan dövlət rüsumuna yenidən baxmaq lazımdır. Elə olmamalıdır ki, idxal olunan məhsul ölkədə istehsal olunan məhsuldan daha baha qiymətə başa gəlsin. Təbii ki, yerli istehsal da rəqabət qabiliyyətli olmalıdır. Bunun üçün də Kənd Təsərrüfatı Nazirliyinin yerli qurumları tərəfindən xüsusi tədbirlər görülməlidir ki, rəqabət qabiliyyətli məhsul istehsal olunsun. Həmçinin, KTN-nin rayonlarda yerləşən qurumları həftədə ən azı 1 dəfə rayon mərkəzlərində ödənişsiz yarmarka təşkil etməlidir ki, kəndli öz məhsulunu rahat sata bilsin və onda yenidən məhsul istehsal etməyə stimul yaransın. Yoxsa əkdi, becərdi, aparıb bazarda sata bilmədisə və yaxud dəyər-dəyməzə satdısa, yenidən əkib-becərməyin marağında olmaz. Neftdən asılılığı azaltmaq üçün qeyri-neft sektoru, xüsusilə kənd təsərrüfatı inkişaf etməlidir. Qeyd edək ki, Azərbaycanın ixracının 92-93 faizini neft və neft məhsulları təşkil edir. Müqayisə üçün qeyd edək ki, Rusiyada bu göstərici 60 faiz neft, 40 faiz isə qeyri-neft sektorunun payına düşür. O üzdən, Azərbaycanda yerli istehsala ciddi dəstək vermək lazımdır. Digər tərəfdən, sosial ödənişlər həqiqətən də ehtiyacı olanlara verilsə, daha yaxşı olar. Yəni həqiqətən ailənin maddi vəziyyəti dəqiq analiz edilsin. Məsələ ondadır ki, bir sıra ailələrin bu ödənişə ehtiyacı var, amma yararlana bilmir. Səbəb rayonlarda mövcud olan müxtəlif bürokratik əngəllərdir. O üzdən, bütün bunların həllinə kompleks yanaşma olmalıdır".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...