Azərbaycanda hələ tam üzə çıxmamış "kənd turizmi"nin özəllikləri...

Tarix: 05.07.2016 / 02:05
Bölmə: İqtisadiyyat

Qəhrəman Yusupov: "Kənd turizmini inkişaf etdirmək üçün dövlət dəstəyi olsa, işin xeyrinədir"

Bahadur Bilalov: "Kənd evinin sahibi turistlərə hər cür rahatlığı olan ev və yemək təqdim etməklə bərabər, onlara bələdçilik də etməlidir"

Turizm dünyanın əksər ölkələrinin təsərrüfat strukturunda getdikcə daha böyük əhəmiyyət kəsb edir. Təbii-coğrafi potensial və mədəni-tarixi obyektlərlə yanaşı, kənd məntəqələrinin imkanlarından istifadə edilməsi əsasında da bu sahənin fəaliyyəti genişlənir. Kənd turizmi artıq xeyli sayda ölkədə turizm təsərrüfatının inkişafında əhəmiyyətli rol oynayır.

Bununla yanaşı, bu sahə kəndlərin və kənd təsərrüfatının inkişafına, sosial-mədəni xidmət sahələrinin yaradılmasına və onların göstərdiyi xidmətlərin səviyyəsinin yüksəldilməsinə, əhalinin məşğulluğunun təmin edilməsinə və gəlirlərinin artmasına müsbət təsir göstərir.

Qeyd edək ki, artıq Azərbaycanın ən böyük turizm potensialına malik bölgələrindən olan Nabran istirahət zonası qonaqları qarşılamağa başlayıb. Nabranda fərdi evlərin 1 günlük qiyməti əraziyə görə 15 manatdan 50 manata qədər dəyişir. Bu qiymətə yeməklər daxil deyil.

Cənub bölgəsində də kənd turizminə üstünlük verənlər çoxalır. Lənkəranın kəndlərində xeyli ev var ki, turistlər kirayələməklə istirahətini sərfəli keçirə bilir. Bu bölgədə evlərin kirayəsi adambaşına 8-10 manat civarındadır. Mütəxəssislər bildirir ki, qonaq gələn istər yerli, istərsə də əcnəbi turistlərə bələdçilik edilir, onlar rayonun gəzməli-görməli yerlərinə aparılır, tarixi məkanlar haqqında ətraflı məlumat verilir. Kənd azuqələrindən hazırlanan yeməklər üçünsə turistlərdən ayrıca ödəniş tələb olunur.

"Kənd Yaşıl Turizminin İnkişafına Dəstək" İctimai Birliyinin rəhbəri Qəhrəman Yusupov bildirdi ki, fərqli xidmət təqdim edən turizm növlərindən biri kənd yaşıl turizmidir. Kənd yaşıl turizminin özəlliyi odur ki, burada yerləşdirmə obyektləri hotellər, motellər, istirahət mərkəzləri deyil, kənd qonaq evləridir: "Burada heç kim qidalanma rejiminə riayət etmir, yaxud hansısa zaman kəsiyində ekskursiyaya gedilmir. Bu daha sərbəst turizmdir".

Onun sözlərinə görə, hər bir kəndli şəraiti olan evinin qapısını turistlər üçün aça bilər. Azərbaycanın isə bir neçə kəndi var ki, daha çox turist cəlb edir: "Hər hansı bir kənd sakini bu işə qoşula bilər. Turistin kənddə istirahətdən məmnun qalması üçün evin şəraiti yaxşı olmalıdır. Daha çox kənd qonaq evləri yayılmış ərazi Nabran, Yalamadır. Həmin ərazidə çoxlu istirahət mərkəzləri olsa da, yerli kənd evlərinin hər birində turistlər qalır. Qəbələnin Vəndam, İsmayıllının Lahıc, Gülyan, İvanovka, Şəkinin Kiş, Fazıl, Çeşməli kəndləri turistlər tərəfindən daha çox müraciət edilən yerlərdir".

Q.Yusupov onu da əlavə etdi ki, bu turizm növünün inkişafı üçün dövlət dəstəyi də olsa, işin xeyrinədir: "Orta və aşağı gəliri olan kəndli əlavə gəlir mənbəyi əldə etmək istəyirsə, evini müvafiq şəraitə uyğunlaşdırıb turistlərə verməlidir. Ona görə də bu cür ailələrə məqsədli kreditlər verilməsinə ehtiyac var. Bu, kənd yaşıl turizminin inkişafına bir dəstək ola bilər".

Turizm sahəsi üzrə ekspert Bahadur Bilalovun dediyinə görə, turistlər kənd həyatını dadmaqla yanaşı, müvafiq səviyyədə xidmətin olmasını da istəyir: "Əksər hallarda kənd evlərində yüksək şərait olmur. İstənilən sayda yorğan-döşəyə malik olan ailənin nə normal vəziyyətdə mətbəxi, nə hamamı, nə də yataq otağı olur. Doğrudur, turistlərin istəyinə uyğun şəraitin yaradılması, onlara müvafiq xidmətin göstərilməsi müəyyən maddi xərclər tələb edir. Kənd evinin sahibi turistlərə hər cür rahatlığı olan ev və yemək təqdim etməklə bərabər, onlara bələdçilik, tərcüməçilik, nəqliyyat xidməti göstərmək, ev heyvanları və quşları bəsləmək üçün qısamüddətli imkan yaratmaqla əlavə xidmət haqqı əldə edə bilər".

Həmsöhbətimiz bildirdi ki, istirahət etmək istəyən insanların bir qismi hotellərdə qapalı şəkildə qalmaq istəmir, onlar yerli sakinlərlə münasibət qurmaq, yerli məişətlə və adət-ənənələrlə tanış olmaq istəyir. Bu səbəbdən ev sahibləri xarici turistlər üçün ölkənin xoş simasını təbliğ etməli, digər regionlardan gələnlərlə isə sıx daxili əlaqələr yaratmalıdır.

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...