Kommersiya bankları üçün dövlət daha bir proqram(lar)ın icrasına başlayır

Tarix: 05.07.2016 / 02:17
Bölmə: İqtisadiyyat

Vüqar Bayramov: "Düşünürəm ki, banklara fərdi yanaşma, fərdi olaraq onların problemlərinin həll edilməsi doğru addımdır"

"Elə bank var ki, institusional dəstəyə ehtiyacı var"

Maliyyə Bazarlarına Nəzarət Palatası ölkədəki hər bir bankın maliyyə dayanıqlığının gücləndirilməsi üçün fərdi qaydada proqram həyata keçirir. Bu barədə mətbuata açıqlamasında MBNP-nın Direktorlar Şurasının sədri Rüfət Aslanlı məlumat verib.

Onun sözlərinə görə, fərdi proqramların məqsədi banklardakı əmanətlərin daha yaxşı qorunmasını təmin etməkdir: "Biz hər bir bankı qiymətləndirdik. Məlum oldu ki, banklarda iqtisadiyyat və ictimaiyyət üçün kəskin fundamental problemlər yoxdur. Bununla belə, qlobal iqtisadi proseslər gedir. Buna görə də hər bir bankın maliyyə dayanıqlığının gücləndirilməsi üçün fərdi proqramlar hazırlanıb, bankların səhmdarları, icra qurumları ilə birgə həyata keçirilir. Bu proqramlar həm əhalinin, həm də biznes strukturlarının banklardakı əmanətlərinin daha yaxşı qorunmasına xidmət edir".

R.Aslanlı bəzi millət vəkillərinin dollar kreditləri ilə bağlı irəli sürdüyü təşəbbüslərə də münasibət bildirib: "Millət vəkillərinin bəzi təşəbbüsləri bizim təşəbbüslərlə üst-üstə düşür. Bu təşəbbüslər qısamüddətli və uzunmüddətli tədbirlər planında öz əskini tapıb. Müəyyən fikir ayrılıqları da var ki, bunlar barədə deputatların özlərinə və aidiyyəti qurumlara bildirmişik".

Bütün hallarda, ölkədəki hər bir bankın maliyyə dayanıqlığının gücləndirilməsi üçün fərdi qaydada proqram həyata keçirilməsini ekspertlər necə dəyərləndirir?

Məsələyə münasibət bildirən iqtisadçı-ekspert Vüqar Bayramovun sözlərinə görə, banklara bu cür yanaşmaq doğrudur: "Çünki bankların vəziyyəti bir-birindən fərqlənir. Elə banklar var ki, vəziyyəti normaldır. Elə banklar da var ki, ciddi maliyyə problemləri var. Ona görə də bütün bunlara fərdi yanaşma lazımdır. Banklara fərqli yanaşıb fərqli qərarların çıxarılmasına ehtiyac var. Güman edirəm ki, bu aspektdən hər bir banka fərdi yanaşılması müsbət effekt verəcək. Çünki bu gün nisbətən sağlam banklar var, amma eyni zamanda depoziti qaytara bilməyən banklar da var. O üzdən, banklara fərdi yanaşılması onların problemlərinin müəyyənləşdirilməsinə imkan verəcək. Təbii ki, problemlərin müəyyənləşməsi, bankların üzləşdiyi çətinliklərin həlli baxımından bu vacibdir. Düşünürəm ki, banklara fərdi yanaşma, fərdi olaraq onların problemlərinin həll edilməsi doğru addımdır. Hər bir banka fərdi yanaşılsa, onun problemləri fərdi olaraq öyrənilərsə, bu istiqamətdə addımlar atılarsa, bu, bankların sağlamlaşdırılmasına imkan verəcək. Çünki bəzi bankların maliyyə resurslarına ciddi ehtiyacı var.

Elə bank var ki, institusional dəstəyə ehtiyacı var. Eləsi də var ciddi dəstəyə ehtiyacı yoxdur. O üzdən ən optimal variant fərdi yanaşmadır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...