Rusiya-Türkiyə razılaşmasının Azərbaycanın aqrar sektoruna təsiri...

Tarix: 05.07.2016 / 02:36
Bölmə: İqtisadiyyat

Rəşad Həsənov: "Bunun kənd təsərrüfatına ciddi təsir edəcəyini düşünmürəm"

"Bunlar orta və uzunmüddətli dövrü əhatə etmədiyindən, ciddi artımların olmayacağı gözlənilən idi"

Son günlər Rusiya-Türkiyə münasibətlərində yaranmış gərginlik aradan qalxır. Artıq bu istiqamətdə ciddi yaxınlaşma müşahidə olunur. Qeyd edək ki, ötən ilin sonlarında iki ölkə arasında diplomatik münasibətlərin gərginləşməsi Rusiyanın Türkiyəyə qarşı bir sıra embarqolar tətbiq etməsi ilə nəticələnmişdi.

Belə ki, ötən ilin noyabrında Rusiya Türkiyə TIR-larının tranzit keçidinə qadağa qoydu. Nəticədə Orta Asiyaya gedən yüklər Gürcüstan-Azərbaycan-Xəzər dənizi dəhlizinə yönəldi. Bu isə "İpək yolu" dəhlizindən istifadə imkanlarını artırdı. Azərbaycan tərəfi tranzit yüklərin daşınması prosedurlarını mümkün qədər asanlaşdırmaq üçün konkret tədbirlər gördü. Qazaxıstan tərəfi də Aktau limanında yaranmış problemləri aradan qaldırdı.

Rusiyanın Türkiyədən kənd təsərrüfatı məhsullarının ixracına qadağa qoyması və Türkiyənin Rusiya bazarından çəkilməsi həmin bazarda boşluğun yaranmasına gətirib çıxardı. O vaxta qədər Türkiyə ilə Rusiya arasındakı ticarət dövriyyəsi böyük idi. Türkiyə il ərzində Rusiyaya 5,9 milyard dollarlıq mal göndərirdi. Göndərilən məhsulların böyük bir qismi ərzaq və geyim məhsulları idi. Yəni Türkiyənin ixrac etdiyi qida məhsullarının 20 faizi, geyim məhsullarının isə 15 faizi Rusiya bazarına göndərilirdi. Ona görə də bazarda böyük boşluq yaranmışdı. Bu isə azərbaycanlı iş adamlarının Rusiya bazarına çıxış imkanlarını müəyyən qədər genişləndirdi. Nəticədə bu ölkəyə göndərilən xüsusilə kənd təsərrüfatı məhsullarının həcmində artım müşahidə olundu.

Maraqlıdır, Rusiya-Türkiyə münasibətlərinin yaxınlaşması Azərbaycanın kənd təsərrüfatına necə təsir göstərəcək? Azərbaycan Rusiya bazarında mövqeyini qoruya biləcəkmi?

Son vaxtlar Azərbaycan bazarında bəzi tərəvəz məhsullarının qiymətində azalma müşahidə olunur.

Sözügedən məsələni dəyərləndirən iqtisadçı-ekspert Rəşad Həsənovun fikrincə, bu, kənd təsərrüfatına elə bir ciddi mənfi təsir göstərməyəcək: "Çünki ümumi nəticəyə baxanda da biz görürük ki, 2015-ci illə müqayisədə 2016-cı ildə Azərbaycanla Rusiya arasında ticarət dövriyyəsində ciddi azalma baş verib. Baxmayaraq ki, xüsusilə kənd təsərrüfatı məhsullarının Rusiya bazarlarına çıxışı üçün geniş imkanlar açılmışdı. Ancaq bunlar orta və uzunmüddətli dövrü əhatə etmədiyindən, ciddi artımların olmayacağı gözlənilən idi. Lakin yaranmış gərginlik daha çox Azərbaycanın turizm sektoruna diqqəti artırdı. Çünki rusiyalıların dincəlmək üçün getdiyi əsas ölkələrdən biri də Türkiyədir. Rus turistlərin bu ölkənin iqtisadiyyatına sərmayəsi təxminən 4 milyard dollardan çox olub. Bu baxımdan Azərbaycanın turizm sektoru həmin turistlərin bir qismini ölkəyə cəlb edilməsi imkanlarına malik idi. Nəzərə alsaq ki, Azərbaycan və Rusiyanın qonşu ölkələr olması, xüsusən son illər qış turizminin inkişaf etdirilməsi Azərbaycana rusiyalı turistlərin bir qismini cəlb etmək imkanı verirdi. Bu mənada gözləntilər özünu doğrultdu və həmin gərginlikdən sonra Rusiyadan Azərbaycan istiqamətinə alınan turpaketlər təxminən 90 faiz artdı. Təbii ki, bu, Azərbaycanda da hiss olunurdu. Ancaq bunun kənd təsərrüfatına ciddi təsir edəcəyini düşünmürəm. Mövsümlə bağlı bəzi məhsulların qiymətində azalma gözlənilən idi".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...