Çimərlik turizmi də Azərbaycanın potensial imkanları sırasında...

Tarix: 02.07.2016 / 01:10
Bölmə: İqtisadiyyat

Bahadur Bilalov: "Çimərlik mövsümünün inkişafı üçün infrastruktur dəyişməlidir"

"Çimərliklərə girişin pullu olması turistlərin bu turizm növünə marağını azaldır"

Cənubi Qafqazda Azərbaycan daha keyfiyyətli qumu ilə zəngin olan çimərliklərə malik yeganə ölkədir. Yay fəslində insanların bir qismi istirahət üçün məhz çimərliklərə getməyi sevir. Çimərlik turizmi kütləvi turizmin bir növü sayılır.

Bir sıra Avropa ölkələrində çimərlik turizmi geniş yayılıb.

Kütləvi turizmin bir növü olan çimərlik turizmini inkişaf etdirməklə Azərbaycana gələn turistlərin sayını dəfələrlə artırmaq olar.

Azərbaycan Turizm Assosiasiyası sədrinin müşaviri Müzəffər Ağakərimov media nümayəndələrinə açıqlamasında bildirib ki, çimərlik turizminin inkişafı üçün Xəzərsahili ərazilərdə, xüsusilə Abşeron yarımadasında, regionlardan isə Nabranda əlverişli şərait var: "Azərbaycanda yay mövsümündə 3-4 ay ərzində Xəzər dənizində çimmək mümkündür. Bu müddətdə turistləri Azərbaycana dəvət etməklə Rusiyadan və digər dövlətlərdən ölkəmizə gələn turistlərin sayını artırmaq olar".

AzTA rəsmisi hesab edir ki, Azərbaycanda çimərlik turizmini inkişaf etdirmək üçün ilk növbədə Xəzər dənizinin sahillərində turistlərin dincəlməsi üçün şərait yaratmaq lazımdır: "Burada sanitar-gigiyenik qaydalara əməl edilməli, lazımi infrastruktur yaradılmalıdır".

M.Ağakərimov hesab edir ki, çimərlik turizminin təşkilinə bələdiyyələr və müvafiq qurumlar daha ciddi şəkildə diqqət yetirməlidir: "Biz çox istərdik ki, Türkiyə, İspaniya, İtaliya, Fransa kimi çoxlu turistlər qəbul edək. Çox təəssüf ki, bu iş hələ də ləng gedir, çimərliklər hasara alınır, yollar bağlanır. Məgər müvafiq qurumlar, bələdiyyələr bunu görmür?! Təbii, ekoloji nöqteyi-nəzərdən də dəniz sahillərini hasarlamaq düzgün deyil. Dənizin havası, mehi, yodu insanlar üçün çox faydalıdır. Çimərlikləri hasarlamaq insanları da narazı salır, bu hasarları təcili şəkildə sökmək, turizmi inkişaf etdirmək lazımdır. Turizm Azərbaycan üçün prioritet sahədir".

Turizm sahəsi üzrə ekspert Bahadur Bilalov "Bakı-Xəbər"ə açıqlamasında bildirdi ki, bizdə çimərlik mövsümü qonşu Türkiyə ilə müqayisədə qısadır. Türkiyədə çimərlik mövsümü 6 ay, ancaq Azərbaycanda isə 3 aydır: "Çimərlik məqsədilə qonşu ölkələrdən səfər etmək istəyənlərin sayı arta bilər. Çimərlik mövsümünün inkişafı üçün infrastruktur dəyişməlidir. Nəzərə almaq lazımdır ki, Xəzər dənizi çirklidir. Hətta aidiyyəti qurumlar dənizdə apardığı yoxlama nəticəsində bəzi çimərlikləri çimmək üçün yararsız hesab edib. O da bəllidir ki, bu gün çimərliyə daxil olmaq istəyən istənilən vətəndaş müəyyən məbləğdə pul ödəməlidir. Ancaq dünyanın heç bir ölkəsində qum və dəniz üçün vətəndaşdan pul alınmır. Bu yaxınlarda Bakı Şəhər İcra Hakimiyyətinin başçısı Hacıbala Abutalıbov bildirib ki, çimərliyə daxil olmaq üçün pul ödənilməməlidir. Lakin Ticarət Departamenti rəsmisi isə dərhal açıqlama verərək dedi ki, bəs çimərliklərdə özəl obyektlər var deyə, biz onların işinə qarışa bilmərik. Bakı Şəhər İcra hakimiyyəti obyekt açmaq istəyən şəxsin qarşısında şərt qoymalıdır ki, çimərliyə giriş pulsuz olmalıdır. Dünya ölkələrində fəaliyyət göstərən 5 ulduzlu çimərliklərə belə giriş pulsuzdur. Çimərliklərə girişin pullu olması turistlərin bu turizm növünə marağını azaldır. Dəniz və qumla təmasda olmaqdan ötrü kiməsə pul vermək düzgün deyil. Bu kimi hallar turizmin inkişafına mane olan amillərdir".

Günel CƏLİLOVA

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...