Azərbaycanın tranzit əhəmiyyətinə daha iki marşrut əlavə oluna bilər

Tarix: 01.07.2016 / 02:24
Bölmə: İqtisadiyyat

Rəsul Cahangirli: "Bu gedişlə bir neçə ildən sonra Azərbaycanın tranzit ölkə olaraq əldə etdiyi gəlirlər artacaq"

"Artıq ötən ilin avqustundan etibarən tarixi İpək Yolunun bərpası üzrə işlərə başlanıb"

Bu gün Azərbaycanda bütün sahələrlə yanaşı, nəqliyyat infrastrukturunun təkmilləşdirilməsi istiqamətində də davamlı və məqsədyönlü iş aparılır. Ölkənin nəqliyyat sisteminin inkişafına sərmayələr yatırılır, müasir beynəlxalq standartlara uyğun avtomobil yollarının inşası və modernizasiyası həyata keçirilir.

Dəniz donanmasının arsenalı yeniləşdirilir, Bakı şəhərinin Ələt qəsəbəsində Xəzərdə ən böyük beynəlxalq dəniz ticarət limanı kompleksi tikilir və s.

Özünün geosiyasi mövqeyinə görə Azərbaycan "Şimal-Cənub", "Şərq-Qərb" nəqliyyat marşrutlarının kəsişdiyi məkanda yerləşir. Tranzit imkanlarından irəli gələrək, Azərbaycan mühüm regional nəqliyyat infrastruktur layihələrinin təşəbbüsçüsü və stimullaşdırıcısı kimi bu istiqamətdəki fəaliyyətini genişləndirir. Azərbaycanın tranzit əhəmiyyəti qonşu ölkələr və digər dövlətlərin diqqətini daha çox cəlb etməyə başlayır. Belə görünür ki, regiona yaxın ölkələrin böyük əksəriyyəti qarşılıqlı əməkdaşlıqda Azərbaycanın tranzit imkanlarından daha çox yararlanmaq niyyətindədir. Hər halda, son dövrlərdə atılan addımlar da bunu deməyə əsas verir. Rusiyadan İrana yükdaşımalarda Azərbaycan mühüm tranzit məkanı kimi çıxış edəcək. Eyni zamanda İran da həm Rusiya, həm də Avropa istiqamətində yükdaşımalar zamanı Azərbaycanın tranzit imkanlarından yararlanmağı əsas hədəf kimi qarşıya qoyub.

Elə Türkiyənin özü də yükdaşımalarda getdikcə daha çox Azərbaycan marşrutundan istifadə edir. Ankara artıq

Orta Asiya tranziti üçün istifadə etdiyi İran və Rusiya yolunu Azərbaycan yoluna dəyişib.

Bütün bunlar tranzit ölkə olaraq Azərbaycana nə kimi perspektivlər vəd edir?

Məsələyə münasibət bildirən ekspert Rəsul Cahangirlinin sözlərinə görə, bu gedişlə bir neçə ildən sonra Azərbaycanın tranzit ölkə olaraq əldə etdiyi gəlirlər artacaq: "Çünki son illər Azərbaycanın nəqliyyat sektorunda həyata keçirilən bir sıra irimiqyaslı infrastruktur layihələri bu qənaətə gəlməyə ciddi əsas verir. Müasir aeroportların, beynəlxalq əhəmiyyətli avtomobil yollarının tikintisi, "Şərq-Qərb" və "Şimal-Cənub" nəqliyyat dəhlizləri istiqamətində dəmir yolu xətlərinin yenilənməsi nəticəsində ölkənin xarici iqtisadi əlaqələri genişlənib. İnşası bu il başa çatdırılacaq Bakı-Tiflis-Qars dəmir yolu xətti Avropa və Asiya ölkələri arasında yük daşınmasında tranzit ölkə kimi Azərbaycanın əhəmiyyətini daha da artıracaq. Çünki nəzərə almaq lazımdır ki, bu marşrut Asiya və Avropa ölkələrini birləşdirəcək ən qısa yoldur. Sözügedən dəmir yolu ilə hər il 30 milyon ton yük daşınması gözlənir. 2016-cı il aprelin 20-də Azərbaycan Respublikası ilə İran İslam Respublikasının dövlət sərhədində, Astara çayı üzərində 82,5 metr uzunluğunda dəmir yolu körpüsünün təməli qoyulub. Martın 1-də isə Astara stansiyasından İran sərhədinə qədər birxətli 8,3 kilometr uzunluğunda yeni dəmir yolu xəttinin tikintisinə start verilib. Digər tərəfdən, Cənubi Qafqaz və Mərkəzi Asiya dövlətlərinin tranzit potensialının inkişafı üçün bu gün Avropa-Qafqaz-Asiya nəqliyyat dəhlizinin çox böyük əhəmiyyəti var. Son illər Xəzəryanı ölkələrdən tranzit yolla Avropa istiqamətində daşınan karbohidrogen xammalın beşdə dörd hissəsindən çoxu məhz bu dəhlizin payına düşür. Artıq ötən ilin avqustundan etibarən tarixi İpək Yolunun bərpası üzrə işlərə başlanıb. Bütün bunlar çox ciddi və Azərbaycanın tranzit əhəmiyyətini artıran layihələrdir".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...