Ekspertlər girovlu kredit borclularının həbsinə qarşı tutarlı arqumentlər gətirir

Tarix: 30.06.2016 / 01:37
Bölmə: İqtisadiyyat

Əkrəm Həsənov: "Borclunun imkanı yoxdursa, deməli, üzrlüdür və heç bir məsuliyyətə cəlb oluna bilməz"

Müzəffər Baxışov: "Mülki öhdəliyin yerinə yetirilməməsinə görə kimsə həbs oluna bilməz"

Ötən il milli valyutanın xarici valyutaya nisbətən məzənnəsinin dəyişməsi krediti olan şəxslərin sosial durumunu ağırlaşdırdı. Dollarla krediti olan şəxslər onu geri qaytarmaqda çətinlik çəkir. Nəticədə problemli kreditlərin həcmi artıb.

Bəllidir ki, bu gün kreditini ödəyə bilməyənlər banklar tərəfindən sıxışdırılır. Bəzi hallarda, ödəniş etmək imkanı olmayan şəxsləri banklar məhkəməyə verir. Məhkəmənin müvafiq qərarı ilə onlara müəyyən cəza verilir. Ancaq Konstitusiya Məhkəməsinin 2012-ci ildə verdiyi qərara əsasən, kredit borcu olan şəxslər həbs oluna bilməz. Amma məhkəmələr bununla hesablaşmır.

Məsələ ilə bağlı fikir bildirən bank sahəsi üzrə mütəxəssis Əkrəm Həsənov bildirdi ki, Konstitusiya Məhkəməsi Plenumunun "Azərbaycan Respublikası Cinayət Məcəlləsinin 306.1-ci maddəsinin şərh edilməsinə dair" 2 oktyabr 2012-ci il tarixli Qərarında sırf borcun ödənilməsi məsələsi üzrə məhkəmə aktının qərəzli icra edilməməsinin 5 mütləq əlaməti sadalanır:

1) məhkəmə qərarında nəzərdə tutulmuş tələblərin həmin qərarda müəyyən edilmiş müddət ərzində icra edilməməsi;

2) borcluya məhkəmə qərarının icra edilməməsi haqqında dəfələrlə rəsmi xəbərdarlıq edilməsi;

3) borclunun məhkəmə qərarını icra etməməsinə görə inzibati məsuliyyətə cəlb edilməsi;

4) borclu tərəfindən məhkəmə qərarının icrası üçün yetərli tədbirlərin görülməməsi;

5) borclunun məhkəmə qərarının icrası üçün faktiki imkanlarının olması.

Ə.Həsənovun sözlərinə görə, "borclunun məhkəmə qərarının icrası üçün faktiki imkanlarının olması" məhkəmə aktının qərəzli icra edilməməsinin mütləq əlamətidir (bütün əlamətlərin mövcudluğunu da, təbii, borclu deyil, onu ittiham edən sübut etməlidir): "Yəni sadalanan digər 4 əlamət mövcuddursa belə, borclunun borcu ödəməyə faktiki imkanı yoxdursa, burada hər hansı qərəzdən və məsuliyyətdən söhbət gedə bilməz. Təbii, analoji yanaşma İnzibati Xətalar Məcəlləsinin 528.1-ci maddəsi üzrə inzibati həbslərə də aiddir. Çünki orada da söhbət məhkəmə aktının üzrsüz icra edilməməsindən gedir. Borclunun imkanı yoxdursa, deməli, üzrlüdür və heç bir məsuliyyətə cəlb oluna bilməz".

Hüquqşünas Müzəffər Baxışov bildirdi ki, kredit müqaviləsi kreditorla müştəri arasında bağlanan mülki müqavilədir. Mülki öhdəliyin yerinə yetirilməməsinə görə də kimsə həbs oluna bilməz: "Bu cür hallarda həbs insan hüquqları və əsas azadlıqların müdafiəsinə dair Avropa Konvensiyasına ziddir.

Yəni kimsə borcu ödəmədiyinə görə həbs edilə bilməz. Bankdan kredit götürən şəxs onu ödəyə bilmirsə, buna görə bank onun haqqında hüquq-mühafizə orqanlarına müraciət edib cinayət işi başlatdıra bilməz. Bir haldan başqa - həmin şəxs kredit almamışdan əvvəl ödəməyəcəyini bilirsə və saxta sənədlər təqdim edib bankı aldatmaq yolu tutubsa, qanunvericiliyə görə, o, cinayət məsuliyyətinə cəlb edilə bilər".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...