Britaniya pulunun ucuzlaşması Azərbaycana necə təsir göstərəcək?

Tarix: 25.06.2016 / 02:35
Bölmə: İqtisadiyyat

İlham Şaban: "Neft Fondunun 300 milyon dollara yaxın texniki itkisi bundan yarana bilər"

"Ancaq dollarla saxlanan aktivlərin yüksəlişi bütün itkiləri kompensasiya edəcək"

Böyük Britaniyada ölkənin Avropa İttifaqından çıxması barədə referendumun ilkin nəticələri məlum olduqdan sonra maliyyə və xammal bazarlarında kəskin dəyişikliklər baş verib.

İlkin məlumatlardan dərhal sonra Britaniya funtu sürətlə ucuzlaşmağa başlayıb və qısa zaman ərzində funtun dollara qarşı məzənnəsi 10 % azalaraq 1,33 səviyyəsinə düşüb. Bu, son 30 ilin minimum göstəricisidir. Bundan əlavə, avronun durumu da nisbətən pisləşib. Avronun dollara qarşı məzənnəsi 3 % azalaraq 1,10 dollara düşüb ki, bu da təxminən 3 aylıq minimumdur.

"Brexit" tərəfdarlarının qalib gəlməsi ehtimalının güclü olduğu barədə xəbərlər yayıldıqdan sonra neftin qiyməti də düşməyə başlayıb. Səhər saatlarına "Brent" markalı neft əvvəlki günə nisbətən 6 faiz ucuzlaşıb. Nəhayət, daha bir əlamətdar göstərici - referendum xəbərləri qızılı bahalaşdırıb. Referendumdan bir həftə əvvəl xarici investorlar Böyük Britaniyada maliyyə əməliyyatları ilə məşğul olan fondlardan bir neçə gün ərzində 1 mlrd. dollar həcmində vəsaiti geri çəkib. Sonra bu proses davam edib.

Corc Soros Britaniyanın AB-dən çıxması ilə Birləşmiş Krallıq sakinlərinin, istər-istəməz, maliyyə itkiləri ilə üzləşə biləcəyini bildirib. Amma bu məsələdən Britaniya ilə sıx əlaqələrə malik Azərbaycanın zərər görəcəyi barədə fikirlər səslənir. Bu onunla əlaqələndirilir ki, Britaniya Azərbaycan vətəndaşlarının ən çox getdiyi Avropa Birliyi ölkəsidir. Statistikaya görə, 2014-cü ildə bu ölkəyə Azərbaycandan gedib-gələnlərin sayı 67 min olub. Beləliklə, on minlərlə azərbaycanlı funt-sterlinq üçün gözlənən devalvasiyanın birbaşa təsirinə məruz qalacaq. Bundan başqa, neft aktivlərinin müəyyən hissəsi Böyük-Britaniya funtunda saxlanır. O üzdən itkilərin olacağı deyilir.

Sözügedən məsələni dəyərləndirən Neft Araşdırmaları Mərkəzinin rəhbəri İlham Şabanın sözlərinə görə, funt-sterlinqin ucuzlaşmasından Azərbaycanın ümumi zərəri daha çox ola bilər: "Bunun 1 milyard dollar (1,5 milyard manat) civarında ola biləcəyi güman olunur. Dövlət Neft Fondunun ümumi aktivləri aprelin 1-nə 34,2 milyard dollara bərabərdir və bunun 5 faizi funt-sterlinqdə saxlanır. Yəni 300 milyon dollara yaxın texniki itki bundan yarana bilər. Lakin ucuzlaşma səbəbindən Neft Fondunun texniki itkiləri yalnız bununla bitməyəcək. Ehtimal edilir ki, Britaniyanın məlum qərarından sonra avro dollarla bərabərləşə bilər. ARDNF-in aktivlərinin 35,5 faizi avro ilə saxlanır və bu ssenari üzrə fondun itkiləri 700 milyon dolları ötə bilər. Bütün bunlara rəğmən, sözügedən məsələdə tələsik proqnoz vermək lazım deyil. Adətən belə qərarlar veriləndə şok effekti özünü göstərir və valyutalar kəskin ucuzlaşır. Bir müddət keçəndən sonra isə məzənnələr yenidən əvvəlki vəziyyətinə doğru qayıda bilər. Həm də Britaniyanın AB-dən çıxması çevrə ölkələrinin milli valyutlarına da təsir göstərərək onları ucuzlaşdıracaq. Nəticədə ARDNF-in dollarla saxlanan aktivlərinin yüksəlişi bütün itkiləri kompensasiya edəcək".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...