Dövlətə borcu olanlara qəti sözü Prezident dedi, yeni təklif də var...

Tarix: 25.06.2016 / 02:46
Bölmə: İqtisadiyyat

Vüqar Bayramov: "Ölkədən çıxışa qoyulan qadağalar o şəxslərə tətbiq edilməlidir ki, onların kredit borclarının həcmi böyükdür"

"Vətəndaşlar da öz öhdəliklərinə ciddi yanaşmalıdır"

Prezident İlham Əliyev "Azərbaycan Respublikasının Vergilər Nazirliyi haqqında Əsasnamə"də dəyişikliklər edilməsi barədə Fərman imzalayıb.

Fərmana əsasən, Vergilər Nazirliyi haqqında Əsasnaməyə aşağıdakı məzmunda 11.13-1-ci və 11.23-1-ci bəndlər əlavə edilib: "11.13-1. vergi ödəyicisi vergi öhdəliyini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək;

11.23-1. Aksiz markaları ilə markalanmalı olan malların Azərbaycan Respublikasının ərazisində dövriyyəsinin tənzimlənməsi ilə bağlı müəyyən olunan qaydaların tələblərinə əməl edilməsinə nəzarət etmək".

Bundan əvvəl Vergilər Nazirliyi vergi borcuna görə ölkədən getmə hüququ müvəqqəti məhdudlaşdırılmış vergi ödəyicilərinin siyahısını yeniləyib. Belə ki, nazirlik dövlətə vergi borcu olan şəxslərin siyahısını internet saytında yerləşdirib. Bildirilir ki, "İcra haqqında" Azərbaycan Respublikası Qanununun 84-1.1-ci maddəsinə, Vergi Məcəlləsinin 23.1.16-cı və 23.1.15-3-cü maddələrinə əsasən, vergi ödəyicisi vergi borcunu ödəmədikdə məhkəmənin qərarı əsasında fiziki şəxslərin və ya hüquqi şəxslərin icra orqanlarının rəhbərlərinin ölkədən getmək hüququ müvəqqəti məhdudlaşdırıla bilər. Bu isə o deməkdir ki, vergi borcunu tam ödəməyənə kimi belə şəxslərin ölkədən kənara çıxmasına icazə verilmir. Siyahıdan məlum olmuşdu ki, 248 nəfər fiziki, 90 nəfər isə hüquqi şəxsin - icra orqanları rəhbərlərinin vergi borcuna görə ölkədən getmə hüququ müvəqqəti məhdudlaşdırılıb.

Maraqlıdır, ekspertlər bunu necə dəyərləndirir?

Məsələyə münasibət bildirən iqtisadçı-ekspert Vüqar Bayramov, prinsipcə, buna müsbət prizmadan yanaşdı. Ancaq onun fikrincə, hər kiçikhəcmli borca görə bu cür məhdudiyyət məqsədəuyğun deyil: "Məsələn, kreditin məbləği 5 min manatdan azdırsa və problemli kredit olsa belə, onu götürən şəxsin ölkədən çıxışına qadağa qoyulması arzuolunan deyil. Ölkədən çıxışa qoyulan qadağalar o şəxslərə tətbiq edilməlidir ki, onların kredit borclarının həcmi böyükdür. Ona görə də bununla bağlı məqamlara diqqət etmək lazımdır. Diskriminasiya yaranmaması üçün bu cür halların məhkəmənin öhdəsinə buraxılması daha yaxşı olar. Əgər borc çox deyilsə, o zaman onun ölkədən çıxmasına qadağa qoyulmasına ehtiyac yoxdur. Bununla bağlı qanunda konkret məbləğ də göstərmək olar. Məsələn, 5 min manatadək olan kredit borclarına görə vətəndaşın ölkədən çıxışının məhdudlaşdırılmasına lüzum yoxdur. Məbləğ böyük olmadığına görə maliyyə baxımından ciddi əhəmiyyət daşımır. Vergiyə gəlincə, burada konkret güzəştlərin edilməsi mümkün deyil, amma stimullaşdırıcı olaraq vergi borcunun ödənilməsi ilə bağlı müəyyən müddətlərin verilməsi mümkündür. Bununla yanaşı, ilk növbədə, vətəndaşlar da öz öhdəliklərinə ciddi yanaşmalıdır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...