İrandan Avropaya göndərilən yük maşınları da Azərbaycan yolunu seçir...

Tarix: 22.06.2016 / 02:19
Bölmə: İqtisadiyyat

Zakir Əhmədov: "İlbəil tranzit ölkə olaraq Azərbaycanın önəmi artır"

"İran yük avtomobillərinin ölkə ərazisi ilə Türkiyəyə və digər dövlətlərə üz tutması tranzit gəlirlərin artmasına gətirib çıxaracaq"

Məlum olduğu kimi, PKK terror təşkilatı Türkiyənin şərqində İrana məxsus TIR-lara növbəti dəfə hücum təşkil etməsindən sonra rəsmi Tehran qonşu ölkəyə alternativ yol axtarır.

Belə ki, İran quru yolları Tranzit və sərhəd-keçid məntəqəsinin baş direktoru Muhammed Cavad Atrçianın sözlərinə görə, Türkiyə İrana məxsus yük avtomobillərinin təhlükəsizliyini təmin etmək iqtidarında deyil.

Avropa istiqamətində alternativ yollardan söz açan baş direktor qeyd edib ki, yük daşıyıcıları Azərbaycan üzərindən keçməklə, Qara dəniz hövzəsində yerləşən Gürcüstan və Bolqarıstana, oradan isə Avropaya çıxış əldə edə bilər: "Bu daha uzun, lakin təhlükəsiz marşrutdur. Sürücülərimizin təhlükəsizliyi isə bizim üçün daha önəmlidir".

Məlumat üçün qeyd edək ki, PKK terrorçuları zaman-zaman Türkiyənin şərqində bu kimi təxribatlar törədiblər. Onlar sərnişin, yük avtomobillərini bir neçə dəfə hədəfə alıblar. Belə hallar əsasən terror aktlarının daha çox baş verdiyi dövrlərdə özünü göstərib. Yəni qonşu dövlətlərin yük maşınları terrorçuların hədəfinə çevrilib.

Bütün bunlara rəğmən, İranın tranzit ölkə olaraq Azərbaycanı seçməsini ekspertlər necə dəyərləndirir? Bunun nə kimi iqtisadi faydası olacaq?

Məsələyə münasibət bildirən ekspert Zakir Əhmədov buna bir neçə prizmadan yanaşdı. Onun fikrincə, İran bu addımı atsa, Azərbaycan buna görə tranzit yükdaşımalardan qazanacaq: "Zatən ilbəil tranzit ölkə olaraq Azərbaycanın önəmi artır. Bununla bağlı bir sıra misallar çəkmək olar. Məsələ ondadır ki, ilin sonunda Bakı-Tiflis-Qars dəmir yolu işə düşəcək. Çindən Avropaya bir sıra yüklər məhz bu dəmir yolu vasitəsilə daşınacaq. Həmçinin, Rusiya ilə İranı birləşdirəcək Şimal-Cənub nəqliyyat dəhlizinin reallaşdırılması gündəmdədir. Artıq bununla bağlı bir sıra işlər görülməkdədir. Bununla yanaşı, Türkiyə-Rusiya münasibətləri pisləşəndən sonra Orta Asiya ölkələrinə yükdaşımalar Azərbaycan vasitəsilə həyata keçirilir. Belə ki, burada böyükhəcmli yüklərdən söhbət gedir. İran yük avtomobillərinin Azərbaycan vasitəsilə Türkiyəyə və digər ölkələrə üz tutması, şübhəsiz ki, tranzit gəlirlərin artmasına gətirib çıxaracaq. Ancaq bunun davamlı xarakter daşıyacağı bir qədər real görünmür. Məsələ ondadır ki, bu, İran üçün baha başa gələcək. Bunu ölkə rəsmisi də bəyan edib. Çünki İran Türkiyə ilə quru sərhədinə malik olduğu halda, yük maşınlarının digər dövlətlərin ərazisindən keçib bu ölkəyə daxil olması əlavə gömrük xərcləri deməkdir. Bu da iqtisadi baxımdan səmərəli deyil. O baxımdan PKK terroru səngiyən kimi, İran yenidən həmin yollardan istifadə edəcək".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...