"Novostroyka" mənzillərin bahalığı Prezident Administrasiyasında da etiraz doğurdu

Tarix: 22.06.2016 / 01:33
Bölmə: İqtisadiyyat

Nüsrət İbrahimli: "Yeni tikilən binalarda mənzillərin qiymətinin baha olmasının məlum səbəbləri var"

"Prezidentin iqtisadi məsələlər üzrə köməkçisinin yeni tikilən binalarda mənzillərin satış qiyməti məsələsinə toxunması gələcəkdə həmin binalarda satışa çıxarılacaq evlərin qiymətinə təsir edəcək"

"Yeni binalarda evlər həddən artıq bahadır. Gənc ailələr, gəlirləri aşağı olan insanlar yeni tikilən binalardan ev ala bilmir".

Bu sözləri Azərbaycan Respublikası Prezidentinin iqtisadi islahatlar üzrə köməkçisi Natiq Əmirov media nümayəndələrinə açıqlamasında deyib. O, sözügedən şəxslərin sosial evlərdə mənzilə daha asan şəkildə sahib olacağını bildirib: "Sosial problemlərin həlli istiqamətində görülən tədbirlər sırasında Mənzil İnşaatı Dövlət Agentliyinin yaradılmasını da qeyd etmək lazımdır. Məlumdur ki, son illərdə tikinti sektoru sürətli inkişaf edib, ölkəmizdə özəl şirkətlər tərəfindən çoxmənzilli binalar inşa edilib. Lakin yeni inşa edilmiş binalardakı mənzillərin yaşayış sahələrinin böyüklüyü, satış qiymətlərinin isə yüksək olması gəlir səviyyəsi orta və aşağı olan insanlar üçün bu mənzillərin əldə edilməsini məhdudlaşdırır".

Çoxmərtəbəli binalarda mənzillərin satış qiymətinin yüksək olması hər kəsə bəllidir. Bina sahibləri qiymətin baha olmasını mənzilin sahəsinin geniş olması və binanın müasir standartlara cavab verməsi ilə əlaqələndirir.

Daşınmaz əmlak sahəsi üzrə ekspert Nüsrət İbrahimli qəzetimizə açıqlamasında qeyd etdi ki, çoxmərtəbəli binalarda mənzillərin satış qiymətinin yüksək olması danılmazdır. Ekspertin fikrincə, Prezidentin iqtisadi məsələr üzrə köməkçisinin yeni tikilən binalarda mənzillərin satış qiyməti məsələsinə toxunması gələcəkdə həmin binalarda satışa çıxarılacaq evlərin qiymətinə təsir edəcək: "Hər bir deyilən sözün, fikrin müsbət mənada nəticəsi olur. Zənnimcə, bu fikir yeni tikilən mənzillərin satış qiymətinə də təsir edəcək".

Onun sözlərinə görə, sosial evlərin tikintisi, istər-istəməz, "göydələnlər"də olan mənzillərin satış qiymətinə təsir edəcək: "Tikinti şirkətləri gələcəkdə bu məsələləri nəzərə alıb öz işlərində müəyyən dəyişiklik etməli olacaq. Bəllidir ki, bu gün bazarda təklif yalnız kommersiya şirkətlərinə məxsusdur. Tikinti şirkəti maraqlıdır ki, tikdiyi evi qısa müddətdə satsın və bazarda yeni layihəyə başlasın. Yeni tikilən binalarda mənzillərin qiymətinin baha olmasının məlum səbəbləri var. Həmin binalar hazır olana kimi nəzərdə tutulandan əlavə xərclər olur. Əlavə xərclər də qiymətin artmasına təsir edir. Əlavə xərclərin hansısa yolla qarşılanması həll olunarsa, o zaman həmin binalarda olan mənzillərin qiyməti gənc ailələrin büdcəsinə uyğun olar".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...