Mənzil bazarımız mühüm dəyişiklik ərəfəsində...

Tarix: 21.06.2016 / 02:42
Bölmə: İqtisadiyyat

Azərbaycanda əhalinin mənzillə təminatı istiqamətində atılması gözlənilən ən vacib addımlardan biri də, heç şübhəsiz, sosial evlərin tikintisinə görülən hazırlıqdır. Artıq bu istiqamətdə müəyyən işlər də görülüb. Baş nazirin müavini Abid Şərifov sosial evlər layihəsi ilə bağlı qeyd edir ki, artıq belə evlər üçün yer ayrılıb. O, bunun üçün 50 hektar ərazinin nəzərdə tutulduğunu bildirib.

Hələ ki, məkanı açıqlamayan Abid Şərifov bu məqsədlə yaradılmış müvafiq agentliyə 10 milyon vəsaitin də ayrıldığını bildirib.

Azərbaycan Respublikasının Prezidenti yanında Mənzil İnşaatı Dövlət Agentliyinin direktoru Samir Nuriyev isə bu günlərdə verdiyi açıqlamada sosial evlərin inşa oluna biləcəyi yerləri açıqlayıb: "Bu işlərin aparılmasına Agentliyin yaradılmasının ilk günlərindən başlanıb. Çoxmənzilli binaların tikintisi işinin təşkili mürəkkəb prosesdir və kompleks yanaşma tələb edir. İşlərin səmərəli qurulması məqsədilə ilk növbədə aidiyyəti dövlət qurumları, yerli icra hakimiyyəti orqanları ilə görüşlər keçirilir. Eyni zamanda, mənzillərin tikilməsi üçün ayrılacaq torpaq sahələrinin seçilməsi prosesinə başlanıb. İndiyədək Bakının əsasən Binəqədi, Suraxanı və Qaradağ rayonlarında 10-dan artıq torpaq sahəsinə baxış keçirilib, onların müxtəlif meyarlar üzrə (ölçüləri, topoqrafiyası, nəqliyyat və digər infrastrukturun mövcudluğu və s.) ilkin qiymətləndirilməsi həyata keçirilib. Bununla yanaşı, artıq Gəncə, Sumqayıt, Lənkəran və Masallı şəhərlərində də torpaq sahələrinin ayrılması imkanları araşdırılıb, onlara yerində baxış keçirilib. Ümumiyyətlə, torpaq sahələrinin seçilməsində şəhərsalma baxımından çoxmənzilli binaların tikintisi üçün əlverişli və mövcud iş yerləri mərkəzlərinə yaxın olan, habelə mühəndis kommunikasiyalarının çəkilməsində problemi olmayan ərazilərə üstünlük veriləcək. Seçilmiş torpaq sahəsi müvafiq icra hakimiyyəti orqanı tərəfindən "MİDA" MMC-nin sərəncamına verildikdən sonra dərhal memarlıq-planlaşdırma və layihələndirmə işlərinə başlanacaq".

Ekspertlər belə evlərin inşasını çox zəruri sayır. Qeyd edək ki, dünya təcrübəsində sosial mənzil fondunun təyinatı mənzil almaq imkanı olmayan, yoxsul insanlara tamamilə güzəştli şərtlərlə, aşağı kirayə haqqı qarşılığında verilmədir. Məsələn, Finlandiyada mənzil fondunun təxminən 35 faizi sosial mənzillərdir. Burada kirayə haqları bazar qiymətlərindən 5-10 dəfə ucuz, yalnız binaları istismarda saxlaya biləcək miqdarda olur. Digər tərəfdən, sosial mənzil fondunun formalaşdırılması aztəminatlı ailələrin mənzil probleminin həlli, tikinti sektorunun dəstəklənməsi ilə yanaşı, əmlak bazarında qiymətlərin tənzimlənməsi baxımından da əhəmiyyətlidir. Onu da qeyd edək ki, sosial evlər fondu yalnız inkişaf etmiş və etməkdə olan ölkələrdə, o cümlədən qonşu Türkiyədə deyil, həmçinin bir sıra MDB dövlətlərində, eləcə də Rusiyada fəaliyyət göstərir.

Azərbaycanda sosial mənzil fondunun yaradılması üçün maliyyə imkanları qonşu ölkələrlə müqayisədə daha yüksəkdir. Dövlət büdcəsindən artıq müəyyən qədər vəsaitin ayrılması gənclərin, imkansız ailələrin mərhələli şəkildə mənzillə təmin edilməsinə imkan yaradar. Bu vəsait, həmçinin, mənzil bazarının rentabelliyinin qorunması baxımından təhlükəsizdir. Torpaq sahələri dövlət tərəfindən təmin edilən belə mənzillərin kvadratmetrinin daha ucuz başa gələcəyi proqnozlaşdırılır. O da faktdır ki, bu məsələdə indi xərclənən vəsaitlər 20-25 il ərzində dövlət büdcəsinə qayıdacaq və bu, indiki yüksək gəlirlərdən gələcək nəsillərin də istifadə etməsinə imkan yaradacaq. İkincisi, mənzil bazarında qiymət artımlarının qarşısı alınmış olacaq. Bu da hətta sosial mənzil fondundan istifadə etməyənlərə əlverişli qiymətlərlə mənzil almaq imkanı verir. Eləcə də, belə evlər aztəminatlı aiələri yüksək kirayə haqları ödəməkdək azad edəcək, eyni zamanda kirayə bazarında qiymətləri stabilləşdirəcək. Həmçinin, dövlət sifarişləri əsasında mənzil tikintisi regionların tarazlı inkişafını təmin edə bilər. Çünki belə fondlar, sadəcə paytaxtda deyil, eləcə də regionlarda formalaşdırılacaq. Bütün bunlar sosial evlərin nə qədər böyük əhəmiyyətə malik olduğunu bir daha aydın göstərir.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...