Mərkəzi Bankın mübahisəli ilk depozit hərracı ilə bağlı daha bir mövqe...

Tarix: 17.06.2016 / 01:54
Bölmə: İqtisadiyyat

İldırım Qurbanov: "Depozit əməliyyatları pul bazarının inkişafına və beləliklə, pul siyasəti..."

"Dövlət tərəfindən bir sıra çevik tədbirlər görülüb və görülməkdədir"

Mərkəzi Bankın vəsaitlərin cəlb edilməsi üzrə iyunun 13-də keçirdiyi depozit hərracında 129 milyon manat cəlb edilib. Bu barədə MB-dən yayılan məlumatda bildirilir. Baş bank ilk hərracda istədiyi vəsaiti cəlb edə bilməyib.

Məsələ ondadır ki, sözügedən bankın ilk hərracda 150 milyon manat vəsait cəlb etməyi planlaşdırdığı bildirilirdi.

MB-nin hərracla bağlı məlumatında o da qeyd edilir ki, müşahidə edilən makroiqtisadi prosesləri, pul siyasəti üzrə hədəfləri, habelə bank sektorunun likvidlik mövqeyini nəzərə alaraq hərraclar çərçivəsində depozit əməliyyatlarının aparılmasına başlanıb: "Depozit əməliyyatları pul bazarının inkişafı və pul siyasəti üzrə əməliyyat çərçivəsinin təkmilləşməsinin təşviqinə də yönəlib. MB bundan sonra da pul siyasəti alətlərinin modernizasiyası istiqamətində fəaliyyətini davam etdirəcək. Pul siyasəti alətlərindən makroiqtisadi vəziyyətə adekvat olaraq istifadə edəcək".

Onu da əlavə edək ki, Azərbaycanda depozit hərracı ilk dəfə keçirilirdi. Bu arada hərraclarla bağlı heç də birmənalı fikirlər səslənmir. Kimsə onu ölkənin iqtisadi-maliyyə sistemi üçün faydalı sayır, kimsə ancaq bəzi şəxsi bankların pərdəarxası maraqlarına xidmət edən tədbir sayır. Hətta suallar var ki, dövlət nə üçün bankların depozit yükünün bir hissəsini öz üstünə götürür, ancaq vətəndaşların kredit yükünün heç bir hissəsini daşımır? Buna müəyyən ziddiyyətli yanaşmalar da var. Maraqlıdır, bəs ekspertlər bunu necə dəyərləndirir?

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert İldırım Qurbanovun fikrincə, ümümiyyətlə dövlət tərəfindən maliyyə sabitliyinin təmin olunması üçün bir sıra tədbirlər görülüb: "Bu da o tədbirlərdən biri hesab olunur. Bununla yanaşı, dövlət tərəfindən bir sıra çevik tədbirlər görülüb və görülməkdədir. Hesab edirəm ki, bu müsbət haldır. Depozit əməliyyatları pul bazarının inkişafına və beləliklə, pul siyasəti üzrə əməliyyat çərçivəsinin təkmilləşməsinin təşviqinə yönəlib. 13 iyun 2016-cı il tarixində keçirilmiş hərracın nəticələrinə görə, cəlb edilmiş depozitlərin həcmi 129 mln. manat, orta ölçülmüş faiz dərəcəsi 6,49 faiz təşkil edib. Depozit hərracları nə deməkdir? Bildiyimiz kimi, depozit fiziki və hüquqi şəxslərin bankda saxladıqları pul vəsaitləridir. Depozit hərracı zamanı Mərkəzi Bank adi kommersiya banklarının vəsaitlərini depozit qismində cəlb edir. Depozit hərraclarının əsas məqsədi pul kütləsinin sterilizasiyasıdır. Adətən depozit hərracları üç sxem əsasında həyata keçirilir:

- Amerika sxemi - bankların sifarişləri faiz dərəcəsinə nisbətdə yerləşdirilir (azdan çoxa) və sifarişlər əvvəlcədən təyin olunmuş məhdudiyyət çərçivəsində ödənilir.

- Holland sxemi - bankların sifarişləri faiz dərəcəsinə nisbətdə yerləşdirilir (azdan çoxa) və banklar tərəfindən təklif olunmuş maksimal faiz dərəcəsinə görə təmin edilir.

- Əvvəlcədən müəyyən edilmiş faiz dərəcəsi ilə hərraclar - bütün sifarişlər əvvəlcədən müəyyən edilmiş faiz dərəcəsinə nisbətdə təmin edilir. Amma əgər müəyyən edilmiş məhdudiyyəti keçirsə, o zaman sifarişlər yalnız qismən təmin edilir. Beləliklə, qeyd edə bilərik ki, MB-nin depozit hərracı banklar üçün əlavə sərmayə imkanıdır. İndiyədək MB manat kütləsinin tənzimlənməsi üçün yalnız not emissiyalarından istifadə edirdi. İndi isə artıq MB faktiki olaraq pul kütləsini özünə cəlb etməyə çalışır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...