Azərbaycanda sığortanın tam yeni növünə nazirlik "düymə sıxır"...

Tarix: 17.06.2016 / 01:43
Bölmə: İqtisadiyyat

Rəsul Cahangirli: "İşsizlik sığortası haqqında" qanun layihəsində bunların bir çoxu nəzərdə tutulub"

"İxtisar olunmuş işsizlərə işsizlik sığortasının verilməsi və bunun məbləğinin staja görə dəyişməsi ədalətli yanaşmadır"

Əmək və Əhalinin Sosial Müdafiəsi Nazirliyi "İşsizlik sığortası haqqında" qanun layihəsini hazırlayaraq baxılması üçün hökumətə təqdim edib. Nazir müavini İdris İsayev bildirib ki, artıq bu layihə bütün əlaqədar dövlət qurumları ilə razılaşdırılıb.

Qanunun parlamentin payız sessiyasında qəbul ediləcəyi və 2017-ci ilin əvvəlindən qüvvəyə minəcəyi gözlənir.

Yeni qanun layihəsinə görə, işsizlikdən sığorta haqqı ümumilikdə işçinin əməkhaqqının 1%-i qədər olacaq. Bunun 0,5%-ni işçi özü, 0,5%-ni isə işəgötürən ödəyəcək. "Bu, dünyada ən aşağı göstəricilərdən biridir. Digər ölkələrdə bu göstərici daha yüksəkdir və bəzən hətta əməkhaqqının 3-5%-nə çatır" - deyə nazir müavini bildirib.

Amma qanuna görə, işsizlik sığortası hazırda fəaliyyət göstərən yardım sisteminə oxşamayacaq, yəni yardım olmayacaq. Qanuna görə, işsiz vətəndaşa sığorta ödənişi veriləcək (indi bu, işsizliyə görə müavinət adlanır). Amma bu məbləğ differensiallaşdırılıb, yəni işçinin stajından və işsiz qaldığı dövrdən asılı olaraq dəyişəcək.

Yəni işçinin stajı böyük olduqca, sığorta ödənişi də böyük olacaq, işsiz qaldığı müddət artdıqca isə ödəniş də azalacaq. Belə ki, qanuna görə, işsizlikdən sığorta ilk növbədə o insanlara şamil ediləcək ki, onlar işdən ixtisar edilib və ya müəssisələri bağlanıb, işsiz statusu alıblar. Onlara ödənişlər stajdan asılı olacaq. İşçinin əmək stajı 10 ildən artıqdırsa, o, işsiz qalanda onun aylıq ödənişi son 12 ay ərzində orta aylıq maaşının 65%-i qədər olacaq. Əgər işçinin əmək stajı 5-10 il arasındadırsa, sığorta ödənişi bir qədər də az olacaq, stajı 3-5 il olanlar üçün ödəniş daha az, 3 ildən az olanlar üçün isə minimum məbləğdə ödəniş veriləcək.

Maraqlıdır, ekspertlər "İşsizlik sığortası haqqında" qanun layihəsini necə dəyərləndirir?

Məsələyə münasibət bildirən ekspert Rəsul Cahangirlinin sözlərinə görə, belə bir qanunun hazırlanması müsbət haldır: "Çünki bənzər sığorta sistemi neçə illərdir müxtəlif ölkələrdə tətbiq edilir. Həmin ölkələrdə işsizlikdən sığortanın bir sıra meyarları var. Bunlar statusundan asılı olaraq, az miqdarda ödənişlərin edilməsi, gündəlik təbii ehtiyacların ödənilməsi, əvvəlki əməkhaqqının verilməsi və s. formada ola bilər. Düzdür, Azərbaycanda işsizliyə görə müavinət verilir. Aancaq bunun təkmil formasında qanun halına salınmasına ehtiyac var idi. Belə ki, "İşsizlik sığortası haqqında" qanun layihəsində bunların bir çoxu nəzərdə tutulub. Məsələn, ixtisar olunmuş işsizlərə işsizlik sığortasının verilməsi və bunun məbləğinin staja görə dəyişməsi ədalətli yanaşmadır.

Əvvəl elə idi ki, müavinət hardasa bütün işsizlərə eyni kateqoriya üzrə verilirdi. Hazırlanan yeni qanun layihəsində isə yanaşma fərqli olacaq. Yəni işçinin stajı böyük olduqca sığorta ödənişi də digərlərinə nisbətən yüksək olacaq və işsiz qaldığı müddət artdıqca, ödəniş də azalacaq. O baxımdan belə bir qanun layihəsinin ərsəyə gətirilməsi təqdirəlayiqdir. Hesab edirəm ki, bu gedişlə gələn il sözügedən qanun layihəsi qəbul olunacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...