Banklar depozit cəlb etmək xatirinə müştəriləri hətta aldatmağa da gedir

Tarix: 15.06.2016 / 02:50
Bölmə: İqtisadiyyat

Vüqar Bayramov: "Bizim banklarda tətbiq edilən standartlar daha çox müştərinin cəlb edilməsi və..."

"Burada uduzan tərəf vətəndaşlar olur"

Azərbaycanın kommersiya bankları devalvasiyadan sonra müəyyən çətinliklərlə üzləşib. Aktivləri böyük nisbətdə dollarlaşan banklar manatla kredit verməyi bir müddət dayandırası oldu. Lakin əhali və şirkətlər yenidən devalvasiya ola biləcəyindən ehtiyatlanaraq manatla kredit götürmürdü.

O üzdən, son dövrlər müştəriləri şirnikləndirmək üçün müxtəlif vasitələrdən istifadə edirlər. Banklar əhaliyə o qədər çox istehlak krediti təklif edir ki, bəzən bunların arasında ən yaxşı variantı seçmək mümkün olmur. Xüsusilə reklam və elanlardakı qarışıq məlumatlar müştəriləri tez-tez çaşdırır, onların dəqiq məlumat almasına mane olur. Nəticədə müştərilər özlərinə sərf edən variantları seçməkdə çətinlik çəkir, daha bahalı kredit seçir və daha artıq pul ödəyir.

Son günlər banklar, vəziyyətdən çıxış yolu kimi, yüksək faizlə, manatla qısamüddətli əmanət cəlbinə başlayıb. Bankların belə bir təklifi əmanətçilərin vəsaitlərini dollara çevirməsi ilə bağlıdır. Əmanət üzrə yüksək faiz dollarda olan əmanətlərin manatla yerləşdirilməsini təşviq etmək üçün təklif olunur. Əmanətlər üzrə qısa müddət isə risqin azaldılmasına xidmət edir. Banklar manatla kredit vermək üçün manatla vəsait cəlb etməlidir. Ancaq o da var ki, bankların şirnikləndirici səylərinə rəğmən, əhalinin banklara əvvəlki inamı qalmayıb. Müştərilər bu məsələdə son dərəcə ehtiyatlı davranmağa çalışır.

Məsələyə münasibət bildirən iqtisadçı-ekspert Vüqar Bayramovun fikrincə, bir sıra hallarda, banklar reklamlarında, elanlarında kredit şərtləri ilə bağlı məlumatları tam olaraq vətəndaşlara vermir: "Reklamlarda vətəndaşlara həm kreditlər üzrə nominal faiz dərəcəsi ilə bağlı yanlış məlumat verilir, eyni zamanda komisyon haqq deyilmədiyi halda, faktiki olaraq, vətəndaş kredit götürərkən kreditin üzərinə əlavə edilir. Komisyon haqq əsas götürülən məbləğə daxil edildiyindən, vətəndaş komisyon haqqın faizini də aylar, illərlə ödəyir. Nəticədə bank aylıq daha yüksək ödənişin həyata keçirilməsinə nail olur ki, bu da istehlakçının hüquqlarının pozulmasına gətirib çıxarır. Yaxud da banklar nominal kredit faizlərinin 25 faiz olduğunu elan edir. Ancaq reallıqda effektiv və real kredit faizləri 34 faizə yaxın olur. Bu da vətəndaşın aldadılması deməkdir. İnkişaf etmiş ölkələrdə, o cümlədən, ABŞ-da banklar kredit şərtləri ilə bağı məlumatları ya tam olaraq elan etməlidir, ya da qanunvericiliyə uyğun olaraq qeyd edilməlidir ki, "bu, tam şərtlər deyil, tam şərtlərlə bankın saytında, yaxud hər hansı nömrəyə zəng vuraraq tanış ola bilərsiniz".

Bizim banklarda tətbiq edilən standartlar daha çox müştərinin cəlb edilməsi və yüngül olmayan şərtlərin müştəriyə yüngül şərtlər kimi çatdırılmasıdır.

Əslində onlar bankların aldadıcı elanlarına inanaraq gəlirlər və daha ağır şərtlərlə hazırlanmış kredit müqavilələrinə özləri də bilmədən imza atırlar.

Bu da bankların vətəndaşları aldadaraq onlardan daha çox vəsait almasına gətirib çıxarır. Burada uduzan tərəf vətəndaşlar olur. Ona görə də son dərəcə diqqətli olmaq lazımdır".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...