Bank kredit kartlarından kütləvi imtina davam edir...

Tarix: 14.06.2016 / 00:26
Bölmə: İqtisadiyyat

İldırım Qurbanov: "Vətəndaş karta kredit ödənişini edə bilir, amma vəsait çəkə bilmir"

"Nağd pul dövriyyəsinin iqtisadiyyata bir sıra mənfi təsirlərini nəzərə alaraq..."

Azərbaycanda kredit kartlarının sayı azalmaqdadır. Mərkəzi Bankın açıqladığı hesabata görə, 2016-cı ilin aprel ayı üzrə dövriyyədə olan ödəniş kartlarının sayı 31 min ədəd azalaraq 5 mln. 403 min. ədəd təşkil edib. 2015-ci ilin sonu ilə müqayisədə bu göstərici 256 min ədəd azalıb.

Ödəniş kartlarının 4 mln. 655 min ədədini debet kartları, 748 min ədədini isə kredit kartları təşkil edib. Debet kartları üzrə yalnız əməkhaqqı kartlarının sayı 40 min ədəd azalaraq 1 mln. 481 min ədədə bərabər olub. Sosial kartlar 3 min ədəd artaraq 2 mln 442 min ədədə, debet kartların digər növləri üzrə olan kartlar isə 39 min ədəd artaraq 732 min ədədə bərabər olub.

Kredit kartlarının sayı bir ay ərzində 32 min ədəd azalaraq 2016-cı ilin 1 mayı üzrə 748 min ədəd təşkil edib. Ümumimilikdə ilin əvvəlindən indiyədək kredit kartlarının sayı 61 min ədəd azalıb. Banklarda kredit kartlarının sayının azalması ilə yanaşı, istifadədə olan kredit kartlarında limitlər də endirilir. Kredit kartları vasitəsilə bankların müştərilərinə verdiyi vəsait istehlak kreditlərinə aiddir. Son aylar istehlak kreditləri ilə bağlı tələblərin sərtləşməsi, şərtlərin ağırlaşması, bankların müştəri seçimində daha ehtiyatlı və məsuliyyətli olması kredit kartlarına da təsir edir.

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert İldırım Qurbanov bir neçə məqama toxundu: "Bildiyimiz kimi, 2015-ci ildə milli valyuta dollar qarşısında 94 faiz dəyərini itirib. Nəticədə bu, bank sektorunda durğunluğa səbəb oldu. Bunun nəticəsində banklar kredit məhsullarına məhdudiyyətlər qoyası oldu. Həmçinin, vətəndaşlar tərəfindən istifadədə olan kredit kartlarında müəyyən məhdudiyyətlər qoyuldu. Kredit kartlarından vəsait çəkmək mümkün deyil, sadəcə birtərəfli qaydada əməliyyat həyata keçirilir. Vətəndaş karta kredit ödənişini edə bilir, amma vəsait çəkə bilmir. Vətəndaşlar tərəfindən kredit kartlarının bağlanması prosesi baş verdi. Yəni kredit kartına görə borcunu ödəyən vətəndaş yenidən vəsait çəkə bilmədiyi üçün kartı banka təhvil verdi və yaxud qeyri-aktiv olaraq özündə saxladı. Bu da nəticədə nağdsız ödənişlərin həcmini azaltdı. Nağdsız ödənişlər iş adamları üçün öz vəsaitlərinin təhlükəsizliyini təmin etmək üçün çox vacibdir. Dünya təcrübəsində nağdsız ödənişlərə üstünlük verilir. Dekabr ayında kredit kartlarının sayı 79 min ədəd azalaraq 1 milyon 10 min ədədə düşüb.

Ötən ilin yanvar ayında əhalinin banklardan aldığı kredit kartlarının sayı 1 milyon 322 min ədəd çıxmışdı. Həmin vaxtdan ötən ilin sonuna qədər keçən müddətdə kredit kartlarının sayı 312 min ədəd azalıb. Kredit və əməkhaqqı kartlarının azalması nağdsız satış edən mağaza, xidmət obyektlərinin və ödəmə sistemlərinin gəlirlərini azaldır. Dövriyyədə olan kartların 2 milyon 451 min ədədini sosial, 1 milyon 467 min ədədini əməkhaqqı, 732 min ədədini digər debet kartları və 1 milyon 10 min ədədini kredit kartları təşkil edib. Nağd pul dövriyyəsinin iqtisadiyyata bir sıra mənfi təsirlərini nəzərə alaraq nağdsız ödənişlərin həcmini artırmaq vacibdir".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...