Fermerlərə dövlət dəstəyinin həddi artırıldı

Tarix: 11.06.2016 / 01:34
Bölmə: İqtisadiyyat

Vahid Məhərrəmov: "Bu istiqamətdə dövlət proqramı qəbul olunmalı, strategiya müəyyən edilməli, sistemli işlər görülməlidir"

"Təkcə gübrə satışında edilən güzəştlər yetərli deyil"

Kənd təsərrüfatı məhsullarının istehsalçıları üçün mineral gübrələrin satış qiymətinə tətbiq edilən güzəştin ümumi məbləği artırılıb.

Bu barədə Nazirlər Kabinetinin "Kənd təsərrüfatı məhsullarının istehsalçılarına əkin sahəsinin becərilməsində istifadə etdiyi yanacaq və motor yağlarına, habelə buğda və çəltik səpininə görə dövlət büdcəsinin vəsaiti hesabına yardımların verilməsi Qaydaları"nın və "Aqrolizinq" ASC və digər hüquqi və fiziki şəxslər tərəfindən kənd təsərrüfatı məhsullarının istehsalçılarına mineral gübrələrin və herbisidlərin güzəştlə satılması Qaydaları"na dəyişikliklər edilməsi haqqında Qərarında bildirilir.

Dəyişikliklərə görə, "Aqrolizinq" Açıq Səhmdar Cəmiyyəti və digər hüquqi və fiziki şəxslər tərəfindən kənd təsərrüfatı məhsullarının istehsalçılarına satılan mineral gübrələrin, pestisidlərin və ölkədə sənaye üsulu ilə istehsal edilmiş biohumusun qiymətinə 70 faiz güzəşt tətbiq edilməklə, hər hektar genetik modifikasiya olunmamış bitkilərin əkin sahəsinə və çoxillik əkmələrə görə mineral gübrələrin və biohumusun satış qiymətinə tətbiq edilən güzəştin ümumi məbləğinin yuxarı həddi 100 manat, pestisidlərin satış qiymətinə tətbiq edilən güzəştin məbləğinin yuxarı həddi 10 manat məbləğində müəyyən edilib.

Dövlət büdcəsinin vəsaiti hesabına verilən yardımlar buğda və çəltik səpini ilə yanaşı, pambıq və tütün əkininə də aid edilib. Qərarda istehsalçılara satılan mineral gübrələrin və herbisidlərin qiymətinə tətbiq edilən güzəşt, həmçinin, biohumus və pestisidlərə şamil olunub.

Ümumən bu güzəştləri ekspertlər necə dəyərləndirir?

Məsələyə münasibət bildirən kənd təsərrüfatı sahəsi üzrə mütəxəssis Vahid Məhərrəmovun sözlərinə görə, təkcə gübrə ilə bağlı güzəştlərin tətbiqi yetərli deyil: "Düşünmək ki, bununla problem həll olunacaq, bu tamam yanlış yanaşmadır. Kənd təsərrüfatına çoxsaylı vəsait ayrılsa belə, bu həll olunmayacaq. Bu da mövcud müəyyən problemlərlə bağlıdır. Son zamanlar iqlim dəyişikliyi ilə əlaqədar yağan dolu fermer təsərrüfatlarına ciddi zərər vurub. Təsərrüfatlar sığortalanmayıb. Bir sıra səbəblərdən fermerlərdə buna maraq yoxdur. Ona görə də bununla bağlı məsələ öz həllini kompleks şəkildə tapmalıdır. Bu istiqamətdə dövlət proqramı qəbul olunmalı, strategiya müəyyən edilməli, sistemli işlər görülməlidir.

Ondan sonra bu sahədə əsaslı nəticənin əldə olunmasına nail olmaq olar. Çünki kənd təsərrüfatının inkişafı ciddi məsələdir. Bəzən gübrəni dəyərindən iki dəfə artıq qiymətə satırlar. Hesab edirəm ki, bu kimi xoşagəlməz halların qarşısı alınmalıdır. Bununla kənd təsərrüfatını inkişaf etdirmək mümkün deyil. Sadalanan problemlər həll olunarsa, o zaman bu kimi güzəştlərin səmərəsi olacaq".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...