Azərbaycanda bu il üçün ikirəqəmli inflyasiya proqnozu...

Tarix: 11.06.2016 / 02:32
Bölmə: İqtisadiyyat

Natiq Cəfərli: "Azərbaycan manatına təzyiqlər bir çox amillərə bağlıdır"

"BVF-nin bu ehtimalları kifayət qədər reallığa əsaslanır"

Manatın məzənnəsinin aşağı düşməsi Azərbaycanda inflyasiyanı yüksəldib. Bu barədə Beynəlxalq Valyuta Fondunun (BVF) hesabatında qeyd olunub.

Sözügedən hesabatda bildirilir ki, bu il inflyasiyanın ikirəqəmli həddə yüksələcəyi proqnozlaşdırılır ki, bu da son 15 ildə ən yüksək göstəricidir: "Manatın dəyərsizləşməsi bankların balans hesablarına da təsir edib. Qafqaz və Mərkəzi Asiya ölkələrində dollarlaşma həddən artıq yüksəkdir və yerli valyutaların məzənnələrinin gələcək taleyi ilə bağlı qeyri-müəyyənlik dollarlaşma səviyyəsini son günlərdə bir qədər də yüksəldib".

Hesabat müəllifləri tövsiyə edir ki, bu ölkələrin mərkəzi bankları xarici valyutada olan aktivləri yerli bank sisteminə ötürsün: "2016-cı ildə hökumət ictimai infrastruktur xərclərini əhəmiyyətli dərəcədə azaldıb. Eyni zamanda, devalvasiyanın əhalinin aztəminatlı təbəqələrinin real gəlirlərinə olan mənfi təsirlərini qismən kompensasiya etmək üçün müavinətləri artırıb".

İndiyə qədər Azərbaycanda inflyasiya birrəqəmli səviyyədə olub. Söhbət 2003-cü ildən indiyə qədər olan dövrdən gedir. Maraqlıdır, ekspertlər BVF-nin bu il üçün ikirəqəmli inflyasiya proqnozunu necə dəyərləndirir?

İqtisadçı-ekspert Natiq Cəfərli mövzu ilə bağlı qəzetimizə açıqlamasında bunları dedi: "Azərbaycan manatına təzyiqlər bir çox amillərə bağlıdır. Dünya bazarında neftin qiymətləri, qonşu ölkələrin valyutalarının məzənnələri, ticarət tərəfdaşlarımızda gedən proseslər milli valyutamıza təsir edir. Hazırda müəyyən mənada stabillik yaranıb. Ən azından bir neçə həftədir məzənnəni artıq 1.50 manat civarında saxlamaq mümkün olub. Bu tendensiyanı uzun müddət saxlamaq üçün bir çox faktorlar önəmlidir. Həmçinin ABŞ-ın Federal Rezerv Bankı gərək faizi artırmasın. Ancaq çox güman ki, FED-in bu və ya gələn ay növbəti toplantılarının birində uçot dərəcəsi artacaq. Bu isə dünya bazarında dolları bahalaşdıracaq. Qonşu ölkələrdə və birbaşa iqtisadi əlaqələri çox yüksək səviyyədə olan ölkələrdə də dolların bahalaşması müşahidə olunacaq. Bu vəziyyət, istər-istəməz, Azərbaycan manatına təsir edəcək. Güman edirəm ki, BVF-nin hesabatında bu məqamlar nəzərə alınıb. Yəni sözügedən məqamlarda həqiqət payı kifayət qədər yüksəkdir. Ona görə ki, Azərbaycan manatına uzun zaman basqıların olması ehtimalı var. Bu, FED-in yaxın zamanlarda atacağı addımlardan və dünya bazarında neftin qiymətinin həddindən asılı olacaq. Neftin qiyməti 50 dollar civarındadır və bu, ÜDM məsələsində müəyyən dərəcədə stabillik yaradacaq. ÜDM-in bu il azalmasının ən azı 2 % civarında olması yüksək ehtimaldır. Yaxın zamanlarda neftin qiymətində növbəti enmələr müşahidə olunarsa, o zaman ÜDM-in daha sürətlə azalması ehtimalı var. Yəni BVF-nin bu ehtimalları kifayət qədər reallığa əsaslanır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...