"Zaminbank"ın krediti vaxtından əvvəl ödəmiş müştərini 70 manat cərimələməsi ətrafında qalmaqal yaranıb

Tarix: 10.06.2016 / 02:19
Bölmə: İqtisadiyyat

Şikayətçi inadla təsdiqləyir, bank boynuna almır...

Nadir Hüseynov: "Vaxtından tez ödəniş etdiyimə görə 70 manat məbləğində cərimə olundum"

"Zaminbank" - Teymur Bağırov: "Vaxtından əvvəl ödənişə görə müştəriyə cərimə tətbiq olunmur"

Fikrət Yusifov: "Bankın vaxtından əvvəl ödəniş edən şəxsi mükafatlandırmaq əvəzinə onu cərimələməsi qanunsuzdur"

Əkrəm Həsənov: "Azərbaycan qanunvericiliyində vətəndaşı vaxtından əvvəl ödəniş etməyə görə cərimələmək nəzərdə tutulmur"

Maliyyə sıxıntılarını həll etmək istəyənlər banka müraciət edir. Bankdan kredit götürən şəxsin tək istəyi tez bir müddətdə götürdüyü vəsaiti geri qaytarmaqdır. Kredit götürən şəxslər əllərinə düşən əlavə vəsaiti belə banka ödənişinə yönəldir ki, borcu azalsın.

Kredit ödənişini vaxtında ödəyə bilməyən şəxslərin cərimələnməsi hər kəsə bəllidir. Amma vaxtından tez ödəniş edən vətəndaşın bank tərəfindən cərimə olunması eşidənləri şoka salır.

Bu günlərdə "Zaminbank"ın müştərisi olan Nadir Hüseynov redaksiyamıza müraciət edərək bildirdi ki, hər ayın 1-də banka 271 manat ödəməlidir: "Hər ay krediti vaxtında ödəmişəm. İpoteka ilə ev almışam. Mayın 1-də növbəti ödənişi etməli idim. Lakin ayın 1-i bazar gününə düşdüyü üçün iki gün əvvəl aprelin 29-da ödəniş etdim. Bu ay ödənişi edərkən mənə bildirdilər ki, siz ödənişi vaxtından əvvəl etdiyiniz üçün 70 manat cərimə olunursuz. Cərimə və aylıq ödənişlə birgə bank məndən 341 manat 42 qəpik pul tələb etdi. Deyilən məbləği cərimə ilə birlikdə ödədim. Qəbzlər də məndədir. Vaxtından əvvəl ödənişin düzgün olub-olmadığını bank nümayəndəsindən soruşanda o mənə elə sözlər dedi ki, vallah başa düşmədim. Vaxtından əvvəl ödənişə görə bank məndən əlavə olaraq 70 manat pul tələb etdi".

N.Hüseynov onu da bildirdi ki, kredit onun oğlu Vasifin adınadır: "Lakin aylıq ödənişi özüm edirəm".

Məsələnin ciddiliyini nəzərə alıb "Zaminbank"la əlaqə saxladıq. Bankın Kredit Departamentinin direktoru Teymur Bağırov "Bakı-Xəbər"ə açıqlamasında qeyd etdi ki, vaxtından əvvəl ödənişə görə müştəriyə cərimə tətbiq olunmur: "Cərimə kredit ödənişini gecikdirən müştəriyə tətbiq olunur. Biz o müştəriyə ödəniş etmək üçün vaxt veririk və o şəxs həmin müddət ərzində ödəniş etməsə, cərimə tətbiq olunur".

T.Bağırov bildirdi ki, baş vermiş hadisə ilə maraqlanacaq: "Amma sizi əmin edə bilərəm ki, bizim bank tərəfindən heç vaxt müştəri vaxtından tez ödəniş etdiyi üçün cərimələnə bilməz. Bu, qanunvericiliyə ziddir. Mülki Məcəllədə vaxtından əvvəl ödənişə görə cərimənin tətbiq olunması göstərilmir".

İqtisadçı alim, ekspert Fikrət Yusifov qəzetimizə açıqlamasında vurğuladı ki, vaxtından tez ödənişə görə müştərini cərimələmək qanunsuzdur: "Bankın vaxtından tez ödəniş edən şəxsi cərimələməyə ixtiyarı yoxdur. Yalnız kredit ödənişini gecikdirən şəxs cərimələnə bilər. Bankın vaxtından əvvəl ödəniş edən şəxsi mükafatlandırmaq əvəzinə onu cərimələməsi qanunsuzdur. Bununla bağlı müştəri məhkəməyə və Mərkəzi Nəzarət Palatasına müraciət edə bilər. Aidiyyəti qurumlar bu məsələyə biganə yanaşmaz".

Bank sahəsi üzrə mütəxəssis Əkrəm Həsənov bizimlə söhbətində bildirdi ki, Azərbaycan qanunvericiliyində vətəndaşı vaxtından əvvəl ödəniş etməyə görə cərimələmək nəzərdə tutulmur: "Bir tək sahibkarlar və ya iri kommersiya şirkəti ilə imzalanan müqavilədə bu hal göstərilə bilər. Həmin müqavilədə qeyd olunur ki, sahibkar vaxtından əvvəl ödəniş etsə, filan məbləğdə cərimə olunacaq.

Ancaq sıravi vətəndaşa bu hal nəzərdə tutulmur. Bank vaxtından əvvəl ödəniş edən vətəndaşı cərimələyibsə, ona qarşı məhkəmədə iddia qaldırıla bilər və pulu geri almaq olar".

Günel CƏLİLOVA

DİGƏR XƏBƏRLƏR

Tarix: 04.06.2026 / 18:42

Avropa Bankı Azərbaycanın iqtisadi inkişaf proqnozunu aşağı saldı...

Tarix: 04.06.2026 / 17:27

Azərbaycan Ermənistana 2475 ton dizel göndərdi...

Tarix: 04.06.2026 / 15:40

Rusiya Azərbaycandan keçməklə Ermənistana buğda, arpa və gübrə göndərdi

Tarix: 04.06.2026 / 13:44

TDT çərçivəsində maliyyə-bank sahəsində əməkdaşlıq müzakirə olunub - FOTO

Tarix: 04.06.2026 / 09:56

Rusiya Azərbaycandan keçməklə Ermənistana gübrə və buğda göndərəcək

Tarix: 03.06.2026 / 19:32

Avropanın ən böyük qaz saxlama anbarları Azərbaycana təklif olundu...

Tarix: 03.06.2026 / 16:58

Qara kampaniyalar üzündən doğma adını dəyişən neft şirkətləri... Əliyev nə dedi?..

Tarix: 03.06.2026 / 14:43

Azərbaycanın 94-dən başlamış "enerji yüksəlişinin" 32 illik sonucları...

Tarix: 03.06.2026 / 13:46

Azərbaycan Mərkəzi Bankının inflyasiya ilə mübarizəsi dünyada təqdir edildi

Tarix: 03.06.2026 / 12:35

Azərbaycan iki günə ABŞ şirkətlərindən 8 milyard dollar investisiya cəlb etdi

Tarix: 02.06.2026 / 21:43

Azərbaycan Mərkəzi Asiyanın qaz ixracatçılarına böyük şans açır...

Tarix: 02.06.2026 / 20:41

Aqrar Sığorta Fondu - Azərbaycan kənd təsərrüfatının yeni qalxanı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.06.2026 / 13:56

Ermənilər bir ailənin 5 üzvünü qətl etdi -Bakıdakı dipmissiyalar susdu...

Tarix: 01.06.2026 / 13:51

Bakıda iqlimin kəskin dəyişməsinin səbəbi bilindi - inanmayacaqsınız, lakin...

Tarix: 01.06.2026 / 13:39

Suriya terrorunda əli olan "Holcim"in Azərbaycandakı fəaliyyətinə də növbə çatdı...

WUF13 Azərbaycanın milli, mədəni, əxlaqi, tarixi kimliyinin nümayiş meydanıdır...