Bankların sosial məsuliyyətsizliyi kreditor intiharlarını qorxulu həddə çatdırıb

Tarix: 10.06.2016 / 02:13
Bölmə: İqtisadiyyat

Rəşad Həsənov: "Bu halın ortaya çıxmasında bankların günahı böyükdür"

"Kredit götürənlər üçün hər hansı güzəşt paketi olmazsa, qısa müddət sonra ciddi fəsadlar yaranacaq"

Bu ilin fevralında 6 nəfərin banka borclu olduğuna görə sirkə turşusu içərək intihara cəhd etdiyi bildirilir. Həmin şəxslərin Klinik Tibbi Mərkəzə yerləşdirildiyi qeyd edilir. Bu haqda mətbuata açıqlamasında Klinik Tibbi Mərkəzin toksikologiya şöbəsinin müdiri Azər Maqsudov danışıb:

"Fevral ayından bank kreditini ödəyə bilmədiyi üçün intihar hallarının sayında artım qeydə alınıb. Onlardan ikisinin həyatını xilas etmək mümkün olmayıb. Mart ayında eyni halla bağlı 8 nəfər müraciət edib. Aprel ayından isə belə müraciətlərin sayı azalıb. Aprel və may aylarında ümumilikdə bu halla bağlı cəmi 4 nəfər xəstəxanaya müraciət edib".

Ötən il Azərbaycanda iki dəfə devalvasiya baş verib. Nəticədə manat dollar qarşısında iki dəfə dəyər itirib. İndi Azərbaycanda 1.5 milyard manatdan çox problemli kreditlərin olduğu bildirilir. Bu səbəbdən ölkədə kredit borclarına görə intiharların sayı artıb. İntiharların səbəbini araşdıran ayrıca mərkəz olmadığından, bir çox halların qapalı qaldığı düşünülür.

Problem ondadır ki, banklardan kredit götürən vətəndaşlar yüksək faizli kreditləri verə bilmir, üstəlik, kredit dollarla alındıqda məsələ bir az da ciddiləşir. Banklar isə müxtəlif üsullarla borcluları sıxışdırır, borcu geri almağa çalışır və hətta məsələ həbs təhlükəsinə qədər gedib çıxır. Əslində banklar qanuni olmayan bu yollarla vətəndaşları sıxışdırıb bir qədər vaxt udmağa çalışır. Nəticədə bəziləri buna dözməyərək intihara əl atır. Rəsmi səviyyədə kredit borcuna görə intiharların artmasının qeyd olunması vəziyyətin yetərincə ciddi olmasından xəbər verir.

Sözügedən məsələni dəyərləndirən iqtisadçı-ekspert Rəşad Həsənovun fikrincə, vəziyyətin bu həddə gəlib çatmasında günahkar banklardır: "Rəsmi olmayan məlumatlara görə, kredit borcu olanların, problemli kreditlərin həcmi rəsmi rəqəmlərdə göstərildiyindən kifayət qədər artıqdır. Bununla bağlı dəfələrlə mətbuata açıqlamalarımızda qeyd etmişik ki, problemli kreditlər bank sektorunda 30 faiz həddindən yuxarıdır. Burada həm istehlak kreditləri, həm də biznes kreditləri var. Ciddi gecikmələr mövcuddur. Bir çox hallarda, banklar kreditlərin ödənişini zamana buraxmaqla müəyyən qədər problemi uzatmağa çalışır. Amma düşünürəm ki, bu, sadəcə, qısamüddətli dövrdə effektiv ola bilər. Sonrakı dövrlərdə bu kreditlərin özündə problemlərin yaşanacağı qaçılmazdır. Kredit götürənlər üçün hər hansı güzəşt paketi olmazsa, qısa müddət sonra ciddi fəsadlar yaranacaq. Faktiki olaraq bu insanlar krediti ödəmək qabiliyyətində deyil. İstehlak krediti əsasən həyat səviyyəsini daha da yaxşılaşdırmaq üçün götürülən kredit hesab olunur. Bizdə insanlar istehlak kreditini həyat səviyyəsini daha da yaxşılaşdırmaq üçün deyil, yaranmış borclarını ödəmək üçün götürür.

Bu da nəticədə insanları bataqlıqdan çıxmaq istəyərkən uçuruma yuvarlayır. Yəni bankdan pul götürüb digər banka borcunu ödəmək istəyərkən, daha da artıq borc altına girir.

Bəziləri dözməyərək intihar edir. Vəziyyətin bu həddə gəlib çatması təəssüf doğurur. Bu halın ortaya çıxmasında bankların günahı böyükdür".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...