Dünya Bankı Azərbaycan iqtisadiyyatı ilə bağlı proqnozunu kəskin dəyişdi...

Tarix: 09.06.2016 / 01:06
Bölmə: İqtisadiyyat

Zakir Əhmədov: "Bu da o qənaətə gəlməyə tam əsas verir ki, növbəti ildən başlayaraq Azərbaycanda iqtisadi artım olacaq"

Dünya Bankı Azərbaycan iqtisadiyyatına dair proqnozlarını dəyişib. Bank 2016-cı ildə Azərbaycan iqtisadiyyatının 1,9 faiz azalacağını gözləyir. Bu barədə Dünya Bankının "Qlobal İqtisadi Gözləntilər Hesabatı"nın (GEP) iyun 2016 sayında bildirilir.

Qeyd edək ki, hesabatın yanvar ayı sayında DB Azərbaycan iqtisadiyyatının 0,8 % artacağını təxmin edirdi. Son hesabatda qeyd olunur ki, Azərbaycan iqtisadiyyatı 2017-ci ildə 0,7%, 2018-ci ildə isə 1,3 % artacaq. Əvvəlki hesabatda Azərbaycan iqtisadiyyatının 2017-ci ildə 1,2 %, 2018-ci ildə isə 2,7 % artacağı proqnozlaşdırılmışdı.

Məlumat üçün qeyd edək ki, aprelin əvvəlində DB-nin Azərbaycan üzrə meneceri Larisa Leşçenko bildirmişdi ki, bank Azərbaycanın iqtisadi inkişafı ilə bağlı proqnozunu dəyişə bilər: "Hazırda 2016-cı il üçün Azərbaycanla bağlı iqtisadi inkişaf proqnozunun 0,8 % olmasına baxmayaraq, bu rəqəm dəyişə bilər. Bank sektorunda aparılan konsolidasiya və neft qiymətlərinin aşağı düşəcəyi ilə bağlı gözləntilər ölkə üzrə iqtisadi proqnoza əhəmiyyətli dərəcədə təsir edən əsas amillərdir".

Onu da qeyd edək ki, bir müddət əvvəl keçirilən 23-cü Beynəlxalq Xəzər Neft və Qaz Sərgisinin açılışında çıxış edən Prezident İlham Əliyev bildirib ki, gələn il iqtisadi artım olacaq. Onun fikrincə, neft ölkələri, o cümlədən Azərbaycan üçün 2016-cı il sınaq ilidir: "Azərbaycan bu sınaqdan uğurla çıxır. 2016-cı il sabitləşmə ili olmalıdır, gələn il isə artım olacağına inanıram. Hər il iqtisadi artım olub, indi yeni dövr başlayıb. Ancaq biz istənilən sınaqdan uğurla çıxa bilirik və çıxacağıq".

Bütövlükdə ekspertlər iqtisadi proqnozlarla bağlı səslənən fikirləri necə dəyərləndirir?

Sözügedən məsələ ilə bağlı fikirlərini "Bakı-Xəbər"lə bölüşən ekspert Zakir Əhmədovun sözlərinə görə, Prezidentin iqtisadi artımla bağlı apardığı dəyərləndirmələr reallığı özündə əks etdirir: "Bu onu sübut edir ki, Azərbaycanda həyata keçirilən iqtisadi siyasət düzgün qurulub. Son dövrlər dünya iqtisadiyyatında müşahidə olunan proseslər bütün ölkələrin iqtisadiyyatına bu və ya digər dərəcədə öz təsirini göstərib. Azərbaycan iqtisadiyyatı da dünya iqtisadiyyatına inteqrasiya olunub. O baxımdan baş verən hansısa təbəddülatlar iqtisadiyyata öz təsirini göstərir. Neftin qiymətinin dünya bazarında kəskin ucuzlaşması səbəbindən Azərbaycanın valyuta gəlirləri azaldı. Bu da, öz növbəsində, bir sıra iri infrastruktur layihələrin reallaşdırılmasının təxirə salınması zərurətini ortaya qoydu. Bütün bunlar, istər-istəməz, ölkədə ÜDM-in azalmasına öz təsirini göstərdi. Ancaq buna baxmayaraq, ölkədə qeyri-neft sektorunun inkişaf etdirilməsi istiqamətində ciddi islahatlar aparılır. Artıq əvvəlki illərdən fərqli olaraq indi bu istiqamətdə görülən işlər, nəticə daha çox özünü göstərir. Bu da o qənaətə gəlməyə tam əsas verir ki, növbəti ildən başlayaraq Azərbaycanda iqtisadi artım olacaq. Özü də bu, yüksələn xətt üzrə inkişaf edəcək. İqtisadiyyatın inkişafı real sektora söykənəcək. İlbəil neft amilinin iqtisadiyyatda rolu daha da azalmağa doğru gedəcək".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...