Azərbaycan turizminin elektron viza dövrü başlayır

Tarix: 07.06.2016 / 01:38
Bölmə: İqtisadiyyat

Pərviz Heydərov: "ASAN Viza" sisteminin tətbiqi ölkədə turizmin inkişafına hiss olunacaq dərəcədə töhfə verəcək"

"Bu isə bir daha qarşıya sözügedən sahədə xidmətin təşkilini yüksək səviyyədə etmək vəzifəsini qoyur"

Məlum olduğu kimi, iyunun 1-də Azərbaycan Prezidenti İlham Əliyev elektron vizaların verilməsi prosedurunun sadələşdirilməsi və "ASAN Viza" sisteminin yaradılması haqqında Fərman imzalayıb.

Fərmana əsasən, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi Azərbaycan Respublikasına gələn əcnəbilərə və vətəndaşlığı olmayan şəxslərə elektron viza verilməsi üçün "ASAN Viza" sistemini yaratmalı və onun idarə olunmasını təmin etməlidir.

"ASAN Viza" sistemi haqqında əsasnamənin layihəsi bir ay müddətində hazırlanıb Azərbaycan Prezidentinə təqdim olunmalıdır.

Beləliklə, siyahısı müəyyən ediləcək ölkələrin vətəndaşlarına elektron vizanın verilməsi 3 gün ərzində həyata keçiriləcək və bu prosesə Xarici İşlər Nazirliyi tərəfindən diqqət yetiriləcək.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov bildirib ki, vizaların alınması vahid portal vasitəsilə həyata keçiriləcək. Xarici vətəndaşlar, turistlər Azərbaycana gəlmək istədikləri təqdirdə "ASAN viza" portalına müraciət edəcək. Onun sözlərinə görə, portalda bütün sənədlər, zəruri informasiyalar təqdim ediləcək və vizanı həmin portaldan elektron formada, e-maillərinə təqdim edilməklə almaq mümkün olacaq: "Yəni heç bir dövlət və özəl quruma müraciət etmədən onlayn qaydada vizanı əldə edəcəklər".

Vizanın verilməsi prosesinin sadələşdirilməsi ölkə turizminin inkişafına necə təsir edəcək?

Məsələyə münasibət bildirən iqtisadçı-ekspert Pərviz Heydərovun fikrincə, yeni sistem ölkənin turizm sektorunun inkişafına mühüm töhfə verəcək: "ASAN Viza" sisteminin yaradılması ilə bütün vizaların alınması vahid portal vasitəsilə həyata keçiriləcək ki, bu da əcnəbi vətəndaşların Azərbaycana gəlmək istədikləri təqdirdə məhz "ASAN Viza" portalına müraciət edəcəyi deməkdir. Portalda bütün sənədlər, zəruri informasiyalar təqdim olunmaqla, heç bir dövlət və özəl quruma müraciət etmədən onlayn qaydada viza əldə etmək mümkün olacaq. Adi özümüzdən götürsək, bu və ya digər ölkəyə getmək istədikdə viza alınması məsələsinin nə demək olduğu və bunun nə qədər vaxt tələb etdiyini bilirik. Səfirliyə getməlisən, vaxt sərf etməlisən, bəzən məqsədinə çatmaya bilərsən və sair. "ASAN Viza" sistemini Vətəndaşlara Xidmət və Sosial İnnovasiyalar üzrə Dövlət Agentliyi yaratmalı və bu qurum ölkəyə gələn əcnəbilərə və vətəndaşlığı olmayan şəxslərə elektron viza verilməsini və bu sahədə idarəçiliyi təmin etməlidir. "ASAN Viza"nın verilməsi 3 gün ərzində həyata keçiriləcək ki, bu da olduqca əlverişli müddətdir. Hesab edirəm ki, yeni sistem öz böyük önəmini məhz ölkəyə turistlərin axınında göstərəcək.

Odur ki, "ASAN Viza" sisteminin tətbiqi ölkədə turizmin inkişafına hiss olunacaq dərəcədə töhfə verəcək. Bu isə bir daha qarşıya sözügedən sahədə xidmətin təşkilini yüksək səviyyədə etmək vəzifəsini qoyur".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...