Azərbaycan nəhəng qaz layihəsindən azı 10 min yeni iş yeri gözləyir

Tarix: 03.06.2016 / 02:19
Bölmə: İqtisadiyyat

Zakir Əhmədov: "CQD"dən gələn gəlirlər ölkədə yeni-yeni və ən başlıcası dayanıqlı iş yerlərinin açılması deməkdir"

"Bu da, öz növbəsində, həmin sahələrdə iqtisadi fəallığın artmasına və yeni iş yerlərinin yaranmasına müsbət təkan verəcək"

"Cənub Qaz Dəhlizi" layihəsinin icrası çərçivəsində 30 min yeni iş yerinin yaradılması gözlənir ki, bunun da 10 mini Azərbaycanda açılacaq. Bunu Bakıda keçirilən "Caspian Oil&Gas-2016" konfransında çıxış edən Azərbaycanın energetika naziri Natiq Əliyev deyib.

Onun sözlərinə görə, Trans-Adriatik Boru Kəməri (TAP) layihəsi üzrə işlərin 10%-i artıq yekunlaşıb: "TANAP layihəsinin ümumi dəyəri 9,3 mlrd. dollar, TAP-ın isə 6 mlrd. dollardır. Mayın 7-də başlayan TAP layihəsi üzrə hazırlıq işlərinin 10%-i yekunlaşıb".

Nazir deyib ki, TAP kəməri ilə Avropaya ixrac ediləcək təbii qazdan Monteneqro, Xorvatiya, Bosniya və Herseqovina da yararlanacaq: "Artıq TAP konsorsiumu tərəfindən Monteneqro, Xorvatiya və Bosniya və Herseqovinaya interkonnektorun çəkilməsi təklif edilib. TAP qazı Bolqarıstanın qaza olan tələbatının 40%-ni təmin etməyə qadirdir".

Digər tərəfdən, nazirin sözlərinə görə, hazırda "CQD"nin yaradılması ilə bağlı həyata keçiriləcək işlər 40 mlrd. ABŞ dolları həcmində dəyərləndirilir: "Neft bazarındakı vəziyyətlə bağlı boru kəmərlərinin tikintisində istifadə olunacaq materialların qiyməti aşağı düşüb. Bu da layihə üzrə xərcləri azaldıb. TANAP-ı 11 mlrd. dollar həcmində dəyərləndirirdik, indi isə bu boru kəmərinin tikintisinə cəlb olunacaq vəsait 9,3 mlrd. dollara enib".

Layihənin həyata keçirilməsi sayəsində 10 min iş yerinin açılması kiçik rəqəm deyil. Bu, böhran şəraitində xeyli sayda vətəndaşın sosial rifah halına müsbət təsir göstərəcək.

Sözügedən məsələ ilə bağlı fikirlərini "Bakı-Xəbər"lə bölüşən ekspert Zakir Əhmədovun sözlərinə görə, layihənin reallaşması digər sahələrin də hərəkətə gəlməsinə təsir edəcək: "Bu da, öz növbəsində, həmin sahələrdə iqtisadi fəallığın artmasına və yeni iş yerlərinin yaranmasına müsbət təkan verəcək. Nəzərə almaq lazımdır ki, "CQD" Azərbaycanın reallaşdırdığı ən sanballı transmilli layihələrdən biridir. Bu dəhliz vasitəsilə "Şahdəniz Mərhələ 2" çərçivəsində hasil edilən qaz 3500 kilometr məsafə qət edərək Xəzər dənizindən Avropaya nəql ediləcək. Layihənin reallaşdırılması Azərbaycana tək iqtisadi dividendlər deyil, həm də çox ciddi siyasi dividendlər verəcək. Azərbaycan qazının Avropa bazarlarına çıxarılması və bununla da Azərbaycanın Avropanın enerji təchizatındakı rolunun artması Avropa siyasi meydanında ölkənin daha ciddi dividendlərə yiyələnməsi deməkdir. Digər tərəfdən, qaz ixracı hesabına ölkəyə gələcək valyuta iqtisadiyyatın real sektorunu daha böyük sürətlə inkişaf etdirməyə imkan verəcək. Neftdən kənar sahələrin inkişafı bir qədər də sürətlənəcək. "CQD"dən gələn gəlirlər ölkədə yeni-yeni və ən başlıcası dayanıqlı iş yerlərinin açılması deməkdir. Belə ki, bunun əhəmiyyəti daha böyükdür.

Bu səbəbdən də "CQD" vasitəsilə satılacaq qazın Azərbaycana gətirəcəyi valyuta gəlirlərinin əhəmiyyəti böyük olacaq".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...