Neft, qaz, nəqliyyat dəhlizlərinin tranzit məntəqəsi - Azərbaycanın üçqat önəmi...

Tarix: 03.06.2016 / 01:52
Bölmə: İqtisadiyyat

Günel Fərhadqızı: "Biz burdan böyük mənfəət də əldə edə bilirik və gələcəkdə gəlirlərimizin həcmi artacaq"

"Bizim üçün bu üç istiqamətdə işlərin aparılmasının həm siyasi, həm də iqtisadi üstünlükləri var"

Azərbaycan Prezidenti İlham Əliyev 23-cü Beynəlxalq Xəzər Neft və Qaz - "Caspian Oil & Gas 2016" və 6-cı Xəzər Beynəlxalq Energetika və Alternativ Enerji - "Caspian Power 2016" sərgilərinin açılış mərasimində iştirakı zamanı ölkəmiz tərəfindən reallaşdırılan mühüm layihələrin önəmindən danışıb.

İlham Əliyev qeyd edib ki, bu gün "Cənub Qaz Dəhlizi" haqqında danışarkən biz 90-cı illərdə görülmüş işləri mütləq qeyd etməliyik: "Çünki əgər o vaxt Bakı-Tbilisi-Ceyhan neft kəməri tikilməsəydi, onda əlbəttə ki, bu dəhliz də yaranmazdı. Bakı-Tbilisi-Ceyhan Xəzər dənizini Aralıq dənizi ilə birləşdirdi və enerji dəhlizini formalaşdırdı. Həmin dəhliz üzərindən indi Azərbaycan qazı dünya bazarlarına çıxarılacaq. Demək olar ki, o dəhlizlərin coğrafiyası böyük dərəcədə eynidir və bu dəhliz hal-hazırda nəqliyyat dəhlizinə çevrilir. Çünki biz neftdən əldə edilən gəlirləri nəqliyyat infrastrukturuna yönəldərək çox ciddi nəqliyyat bağlantıları əldə etmişik və Şərq-Qərb nəqliyyat dəhlizi bu gün reallaşır və əminəm ki, bu ilin sonuna qədər tam istifadəyə veriləcək və beləliklə, neft, qaz, nəqliyyat dəhlizləri Azərbaycan üzərindən keçəcək".

Dövlət başçısı bildirib ki, biz elektrik enerjisinin ixracı ilə də bağlı lazımi addımlar atmışıq və bu gün Azərbaycan elektrik enerjisi də ixrac edir: "Yəni bizim coğrafi vəziyyətimiz, qoyulan sərmayə və düşünülmüş siyasət, tərəfdaşlarla apardığımız birgə fəaliyyət bax bu reallıqları yaradıb. Bu reallıqlar həm Azərbaycan dövlətinə, xalqına xidmət edir, həm qonşu dövlətlərin maraqlarını təmin edir və geniş coğrafiya baxımından beynəlxalq əməkdaşlığı gücləndirir. Beynəlxalq əməkdaşlıq olmadan, əlbəttə ki, biz heç bir layihəni icra edə bilmərik. Çünki Azərbaycanın açıq dənizlərə, dünya bazarlarına çıxışı yoxdur. Məhz buna görə böyük vəsait neft və qaz kəmərlərinin tikintisinə yönəldilir. Və beynəlxalq əməkdaşlığın da təşəbbüskarı biz olmuşuq. Bu da təbiidir. Çünki bu bizə lazımdır".

Ölkə başçısının neft, qaz və nəqliyyat dəhlizlərinin Azərbaycan üzərindən keçməsi ilə bağlı səsləndirdiyi fikirlərdən görünür ki, bu üç istiqamətin birləşdirilməsi olduqca önəmlidir. Bunun Azərbaycan üçün nə kimi xeyri var?

İqtisadçı Günel Fərhadqızının sözlərinə görə, ölkə başçısı tamamilə doğru buyurur ki, bu kəmər sadəcə üç ölkəni birləşdirən bir layihə deyil: "BTC, ümumiyyətlə, Cənubi Qafqazda və dünya miqyasında ən böyük layihədir. Onunla ABŞ, İngiltərə və digər aparıcı Avropa dövlətləri də maraqlanır. BTC üç ölkənin ən böyük işbirliyidir. Həm də dünyaya təqdim olunan ən irimiqyaslı və çox böyük önəm daşıyan bir layihədir. Bu kəmərin Heydər Əliyevin adını daşımasının isə bizim üçün bir başqa önəmi var.

Vaxtilə bu layihənin reallaşmasına çox ölkələr şübhə ilə yanaşır, həyata keçəcəyinə inanmırdılar. Amma əyani şəkildə hamı gördü ki, bizim neftimiz Ceyhana gedib çatdı. Deməli, BTC sözdə, kağız üzərində deyil, əməldə reallığa çevrilən bir işdir. Bu kəmər həm də regionda sabitliyi təmin edir. Bilirsiniz ki, bölgədə böyük layihə təkcə BTC deyil. "Cənub Qaz Dəhlizi"nin də reallaşmasında bu kəmərin böyük önəmi var. Bakı ilə Qars arasında dəmir yolu xətti layihəmiz də var. Bu da köhnə İpək Yolunun bərpasıdır. Hazırda bu üç böyük layihə regionda ən böyük və ən mühüm beynəlmiləl işbirliyidir. Təbiidir ki, bütün bu layihələr Azərbaycanı dünyanın vacib bir ölkəsinə çevirir. Eyni zamnada, biz burdan böyük mənfəət də əldə edə bilirik və gələcəkdə gəlirlərimizin həcmi artacaq. Bizim üçün bu üç istiqamətdə işlərin aparılmasının həm siyasi, həm də iqtisadi üstünlükləri var".

Məhəmmədəli QƏRİBLİ

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...