Beynəlxalq Valyuta Fondunun Azərbaycan üçün iqtisadi proqnozuna ekspert də təhlil verdi

Tarix: 02.06.2016 / 00:19
Bölmə: İqtisadiyyat

İldırım Qurbanov: "Prezident İlham Əliyev tərəfindən bir sıra çevik tədbirlər həyata keçirilib"

"Bunun nəticəsində Azərbaycan iqtisadiyyatında sabitləşmə müşahidə olunur"

Neft qiymətlərinin kəskin azalmasına Azərbaycan hökuməti çevik reaksiya verib və iki mərhələdə manatın devalvasiyasını həyata keçirib.

Bunu mətbuata açıqlamasında Beynəlxalq Valyuta Fondunun (BVF) Azərbaycandakı nümayəndəsi Məhəmməd əl-Qorçi deyib: "Təbii ki, devalvasiyalar iqtisadiyyata neqativ təsir edib. Amma ilin ikinci yarısından etibarən neft qiymətlərinin son zamanlar artması fonunda iqtisadi vəziyyətin bir qədər yaxşılaşacağını, tədiyyə balansının, cari hesabın normallaşacağını proqnozlaşdırırıq". BVF rəsmisi Azərbaycan iqtisadiyyatının yeni mərhələyə qədəm qoyduğunu xatırladaraq əlavə edib ki, neft qiymətlərinin azalması iqtisadiyyata xarici şok kimi təsir edib: "Ölkənin yeni iqtisadi modelə keçid edəcəyini gözləyirik. Yeni iqtisadi modelin özəl sektor və iqtisadi islahatlarla dəstəklənəcəyinə ümid edirik. İslahatlar həmçinin bank sektorunu da əhatə edəcək. BVF olaraq islahatların keçirilməsində Azərbaycan hökumətinə tövsiyə və məsləhətlərimizi verməyə hazırıq".

Bütövlükdə ekspertlər BVF-nin Azərbaycan iqtisadiyyatı ilə bağlı dəyərləndirməcini necə qiymətləndirir?

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert İldırım Qurbanovun sözlərinə görə, baş verən iki devalvasiya ölkə iqtisadiyyatına çox ciddi təsir edib: "Xüsusən də bank sektoruna ciddi mənfi təsiri nəticəsində sahibkarların (digər xırda biznes obyektlərininin) kredit ödənişlərində problemlər yaranıb. Eyni zamanda, sahibkarların xarici öhdəliklərində problemlər yaşanmaqdadır. Belə bir şəraitdə Prezident İlham Əliyev tərəfindən bir sıra çevik tədbirlər həyata keçirilib. Bunun nəticəsində Azərbaycan iqtisadiyyatında sabitləşmə müşahidə olunur. Buna misal olaraq qeyd edək ki, Prezidentin 19 yanvar 2016-cı il tarixdə imzaladağı və 1 mart 2016-cı il tarixdən qüvvəyə minən "Əmanətlərin tam sığortalanması haqqında" Qanuna əsasən, 1 mart 2019-cu ilə qədər banklarda yerləşdirilmiş bütün əmanətlər əvvəl müəyyən edilən 30 minədək limit ləğv edilməklə, məbləğindən asılı olmayaraq, tamamilə sığortalanmağa başlandı. Dollar üzrə sığortalanan faiz həddi isə 3%-ə endirilməklə manata görə 12%-də saxlanması xarici valyuta ilə əmanət yerləşdirilməsini əvvəlkindən daha artıq səviyyədə etibarlılıq əldə etməsinə rəğmən səmərəsiz, manatla isə cəlbedici etdi. Bu addım banklara dövlətin ən böyük dəstəyi oldu. Bu tip tədbirlərin davam etdirilməsi bank sektorunu canlandıra bilər. Nəticədə banklar da real sektora vəsait ayıracaq. Real sektorun inkişafı isə Azərbaycan iqtisadiyyatı üçün çox vacibdir. Çünki banklar bazar iqtisadiyyatının aparıcı qüvvəsidir. Kapital olmasa, bazar münasibətləri formalaşa bilməz. Kapital da banklar vasitəsilə formalaşır. Bankların bir sıra yerli və beynəlxalq maliyyə qurumları ilə həyata keçirdiyi xüsusi layihələr əsasən regionları əhatə etməklə kiçik və orta sahibkarların fəaliyyətinin maliyyələşdirilməsi məqsədi daşımalıdır. Dövlət başçısının tapşırıqlarına əsasən, qeyri-neft sektorunun prioritet sahələrindən biri, təbii ki, aqrar sektordur. Prezident İlham Əliyevin 2015-ci ilin "Kənd təsərrüfatı ili" elan edilməsi haqqında imzaladığı sərəncam ölkə rəhbərliyinin bu sahəyə verdiyi yüksək qiymətin göstəricisidir. Bir sözlə, qeyri-neft sektoru inkişaf etsə, ixracat məhsulları əsasən qeyri-neft məhsulları olsa, o zaman devalvasiya bir o qədər bizə təsir göstərməz".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...