Azərbaycandan gedən turistlərin məcburi sığortası...

Tarix: 01.06.2016 / 01:42
Bölmə: İqtisadiyyat

Gülnar Eyvazova: "Xarici ölkəyə səyahət edən turistlərin məcburi şəkildə sığortalanması vacibdir"

"Səfər zamanı hər hansı xoşagəlməz hadisə və ya qəza baş verdiyi zaman turistin aldığı xəsarətin xərcini sığorta şirkəti ödəyir"Sığorta hər bir insanın sağlamlığının və rahatlığının təminatıdır. Xüsusilə yad ölkəyə turist səfərinə gedən şəxs üçün sağlamlıq sığortası olduqca vacibdir. Bir sıra ölkələrdə yerli vətəndaşlar başqa bir ölkəyə turist kimi səfər edərkən ilk növbədə sığorta olunur.

Bu məcburidir. Ancaq bizdə isə fərqlidir. Səyahət sığortası könüllüdür. Artıq turistlər könüllü deyil, məcburi sığortalanacaq.

Belə bir təkliflə Azərbaycan Turizm Assosiasiyası (AzTA) çıxış edib. Assosiasiyanın prezidenti Nahid Bağırov media nümayəndələrinə açıqlamasında bildirib ki, Azərbaycanda turistlərin sığortalanması hazırda könüllülük prinsipi əsasında həyata keçirilir. Azərbaycandan gedən bütün turistlərin sığortalanmasını çox vacib sayan N.Bağırov deyib ki, xarici səfərə gedən turistlərin məcburi qaydada sığortalanması həm turizm şirkətinin, həm də turistin özünün işini asanlaşdırar: "Təəssüflər olsun ki, bizim çox sayda turistlərimiz turist səfəri zamanı sığortaya görə əlavə ödənişin tələb olunduğunu gördükdə onu ödəmək istəmir. Buna görə də bu məcburi olmalıdır. Təcrübə də göstərir ki, gedən turistlər çoxsaylı problemlə qarşılaşır. Ən çox problem də uşaqlarla səfərə çıxanlarda olur, çünki əksər hallarda uşaqların səhhətində problemlər olur. Problem olanda vətəndaş üçün səfəri təşkil edən turizm şirkətinin həmin ölkədəki partnyoru turistlə maraqlanır. Bu da çox gözəl bir haldır. Amma bəzən turistlər sığorta müqaviləsinin əhatə etdiyi xidmətlərdən də düzgün istifadə etmir, ölkəyə qayıtdıqdan sonra isə gəlib deyirlər ki, pulumu geri qaytar. Amma müqavilədə də qeyd edilir ki, problem olanda turist yerində şirkətə zəng etməlidir. Onlar geri qayıtdıqdan sonra nə isə tələb edə bilməz".

Ekspertlər turistlərin məcburi sığortalanmasının tərəfdarıdır.

Bakı Turizm Şirkətinin əməkdaşı Gülnar Eyvazova qəzetimizə açıqlamasında bildirdi ki, xarici ölkəyə səyahət edən turistlərin məcburi şəkildə sığortalanması vacibdir: "Bəllidir ki, bu gün ölkə vətəndaşları könüllü şəkildə səyahət sığortasından istifadə edir. Elə müştəri olur ki, əlavə olaraq sığortaya pul ödəməmək üçün sığorta paketindən imtina edir. Amma bu məcburi olarsa, vətəndaşlar seçim qarşısında qalmaz".

G.Eyvazovanın sözlərinə görə, turist sığortasının olmasının vacibliyi ondan ibarətdir ki, onlar xarici ölkəyə gedərkən başlarına hər hansı bir hadisə gələrsə, bundan sığortalanmış olacaq: "Səfər zamanı hər hansı xoşagəlməz hadisə və ya qəza baş verdiyi zaman turistin aldığı xəsarətin xərcini sığorta şirkəti ödəyir. Hətta turistin getdiyi ölkədə başına hər hansı faciəli hadisənin gəlməsi, girov götürülməsi halları da sığorta qaydalarında öz əksini tapıb. Yaxşı olar ki, bu qaydalar məcburi şəkildə olsun".

Həmsöhbətimiz bildirdi ki, bir sıra ölkələrdə turistlər məcburi şəkildə sığortalanır. Həmin ölkənin vətəndaşına xarici ölkəyə putyovka verilməzdən öncə sığortanı tələb edirlər: "Bu işdə vətəndaşların özü də maraqlı olmalıdır".

Günel CƏLİLOVA

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...