Azərbaycanda dövlət əmlakının yeni qanunla özəlləşdirilməsi başlayır

Tarix: 01.06.2016 / 01:24
Bölmə: İqtisadiyyat

Ramil Osmanlı: "Ola bilsin elə bir mütərəqqi qanun layihəsi ortaya qoyulsun ki..."

"Bu, özəlləşdirmə proqramını daha da sürətləndirmək və mexanizmlərinin gücləndirilməsi üçün atılmış bir addımdır"

Məlum olduğu kimi, Prezident dövlət əmlakının özəlləşdirilməsi ilə bağlı fərman imzalayıb. Sözügedən fərmanla Əmlak Məsələləri Dövlət Komitəsinə (ƏMDK) 3 məsələ ilə bağlı tapşırıq verilib.

Birincisi, komitəyə bu fərman qüvvəyə mindiyi gündən, Dövlət Proqramına uyğun olaraq, dövlət əmlakının özəlləşdirilməsi haqqında qərar qəbul edilməsini dayandırmaq tapşırılıb.

İkincisi, komitə bu fərman qüvvəyə mindiyi günədək, qanunvericiliyə uyğun olaraq, Azərbaycan Prezidenti və ƏMDK tərəfindən qərar qəbul edilmiş, lakin özəlləşdirmə əqdi bağlanmamış dövlət əmlakının özəlləşdirilməsi istiqamətində tədbirlərin görülməsini dayandırmalıdır. Həmin dövlət əmlakının siyahısını 20 gün müddətində Azərbaycan Prezidentinə təqdim etməlidir.

Üçüncüsü, bu fərman qüvvəyə mindiyi günədək Azərbaycan Prezidenti və komitə tərəfindən artıq qərar qəbul edilmiş və barəsində özəlləşdirmə əqdi bağlanmış dövlət əmlakının özəlləşdirilməsi prosesini ən qısa müddətdə başa çatdırmalıdır.

Həmçinin, fərmanla Nazirlər Kabinetinə tapşırılıb ki, "Dövlət əmlakının özəlləşdirilməsi haqqında" yeni qanun layihəsini iki ay müddətində hazırlayıb Azərbaycan Prezidentinə təqdim etsin. Bu zaman özəlləşdirilən dövlət əmlakının qiymətinin bazar dəyəri əsasında formalaşdırılması meyarı nəzərə alınmalıdır. İndiki qanun 2000-ci ilin avqustundan qüvvədədir.

Qeyd edək ki, dövlət əmlakının özəlləşdirilməsi haqda birinci qanun 1995-ci ildə qəbul edilib. 2000-ci il avqustun 10-da isə "Azərbaycan Respublikasında dövlət əmlakının özəlləşdirilməsinin II Dövlət Proqramı"nın təsdiqi haqda fərman imzalanıb.

Ekspertlər Prezidentin məlum fərmanını necə dəyərləndirir?

Prezidentin bununla bağlı fərmanını şərh edən əmlak məsələləri üzrə ekspert Ramil Osmanlının fikrincə, bu, özəlləşdirmə proqramını daha da sürətləndirmək və özəlləşdirmə mexanizmlərinin gücləndirilməsi üçün atılmış bir addımdır: "Fərmanda Nazirlər Kabinetinə 2 ay müddətinə yeni qanun layihəsinin hazırlanaraq Prezidentə təqdim edilməsi ilə bağlı göstəriş verilib. Qanun layihəsinin hazırlanması mərhələsi bir çox məqamlara aydınlıq gətirəcək. Konkret olaraq qanun layihəsinin hazırlanmasına ƏMDK cəlb olunacaqsa, yəqin ki, komitə bu prosesin icrasını özündə saxlayacaq, yəni icra yenə də komitədə qalacaq. Yox, başqa qurumlar cəlb ediləcək, yeni agentliklər yaradılacaq, digər mexanizmlər hazırlanacaqsa, bu halda məsələyə tam olaraq qanun layihəsi tam hazır olandan sonra şərh vermək mümkün olacaq. İndiki halda, sadəcə, ilkin mərhələdə müraciətlərin qəbul olunması və özəlləşdirməyə veriləcək dövlət müəssisələrinin özəlləşdirilməsi ilə bağlı ilkin qərarın qəbulu komitədən alınaraq Prezidentə keçir və burada əsas məsələ hökumətin dövlət əmlakının özəlləşdirmə siyasəti ilə bağlıdır.

Ola bilsin elə bir mütərəqqi qanun layihəsi ortaya qoyulsun ki, bu, Azərbaycanda bir sıra dövlət əmlakının özəlləşdirilməsi, özəl sektorun inkişafı istiqamətində inqilabi addım olsun".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...